|
|
Annálar Heimdallar frá 1927
Starfsárin 1927-1928
Á fyrsta starfsárinu, eða frá stofnfundinum til 19. janúar 1928, voru haldnir alls 7 fundir. Voru þeir flestir haldnir í húsi K.F.U.M.
Voru fundir þessir fræðslu-og umræðufundir um stjórnmál. Naut félagið góðrar aðstoðar nokkurra þingmanna flokksins í þessum efnum. Fluttu þeir Jón Þorláksson, Ólafur Thors, Magnús Jónsson og Árni Jónsson frá Múla allir fræðandi erindi á þessu ári um viðhorf sjálfstæðisstefnunnar (Íhaldsflokksins) til þjóðmálanna. Var með erindum þessum leitazt við að skapa traustan grundvöll fyrir baráttu félagsins í hinum virku stjórnmálum þess tíma. Aðeins einn úr hópi Heimdellinga sjálfra flutti framsögu á þessu starfsári. Var það Guðni Jónsson.
Fundir félagsins voru jafnan hinir fjörugustu. Voru umræður miklar um stjórnmálin, en þó öllu meiri um félagsmál. Vildu margir félagsmenn láta félagið taka upp fleiri ráð, en það þá hafði, til þess að fá menn inn í félagið, en aðrir vildu fara hægt og gætilega í fyrstu, og varð sú skoðun ofan á. En þessi skoðanamunur varð oftlega tilefni skemmtilegra umræðna. En stafið sjálft var á þessum tíma ekki annað en hin beinu fundahöld. Fyrir kosningarnar, 9.júlí, kaus félagið kosninganefnd, sem starfaði að undirbúningi kosninganna. Var það í fyrsta sinn, sem það tók þátt í kosningabaráttu, en þó án þess að hafa nokkurra sérstakra hagsmuni, utan heildarhagsmuna flokksins, að gæta.
Á þessu fyrsta starfsári óx félagið mjög. Í lok ársins var félagstalan 90, en stofnendur voru nær 40, og höfðu því um 50 nýir félagar bætzt við á árinu.
Starfsárin 1928 og 1929
Þann 19.janúar var fyrsti aðalfundur haldinn, og fór þá fyrsta stjórn félagsins frá völdum en við tók stjórn skipuð, sem hér segir: Knútur Arngrímsson, form., Jóh. G. Möller, varaform., Pétur Ólafsson, ritari, Einar Ásmundsson, gjaldkeri og Þorgrímur Sigurðsson.
Stjórn þessi sat aðeins skamma stund að völdum, eða til 19. apríl s.ár. Að vísu var stjórninni þá falið að gegna störfum til aðalfundar, en við brottför formannsins úr bænum féll starf hennar niður, enda skoraðist hún undan beiðni þessari í upphafi. Stjórn þessi fór því frá, sem slík, á fundinum 19. apríl, án þess að ný stjórn væri kosin. Raunar gegndi einn stjórnarmanna, gjaldkerinn, Einar Ásmundsson, störfum á þann hátt, að hann annaðist allar fjárreiður félagsins út á við, eftir sem áður.
Eftir þetta lá öll starfsemi niðri um vorið 1928, en á öndverðum vetri sama ár var kallað til fundar á ný. Var það fyrir forgöngu Sigurðar Jóhannessonar, Jóh. G. Möller og Gunnlaugs Briem. Mun þeim hafa þótt óvænlega horfa, ef félagið legðist niður eftir svo stutta æfi, enda nauðsyn félagsskapar slíks sem Heimdallar aldrei meiri en þá.
Boðuðu menn þessir til fundar í byrjun nóvembermánaðar. Var kjörin á fundinum ný stjórn, og áttu sæti í henni: Jóh. G. Möller, form., Sigurður Jóhannsson, varaform., Egill Kristjánsson, ritari, Einar Ásmundsson, gjaldkeri og Gunnar Thoroddsen. Hlutverk þessarar stjórnar var það, fyrst og fremst, að vekja félagið til starfa að nýju. Leitaðist hún þessu markmiði til framdáttar að fá nýja virka krafta í félagið, enda fjölgaði félagsmönnum nú ört og félagslífið glæddist.
Um áramótin 1928 og 1929 var haldinn aðalfundur. Er þá Jóh. G. Möller kosinn formaður að nýju, en vegna eindreginna óska hans tók Gunnar Pálsson við formennskunni. En meðstjórnendur hans voru: Jóh. G. Möller, varaform., Stefán Jónsson, ritari, Björn Blöndal, gjaldkeri og Guðjón Einarsson. Þessi stjórn sat til 29. nóvember 1929, en þá var haldinn aðalfundur.
Á þeim fundi var Pétur Hafstein kjörinn form. í annað sinn. En meðstjórnendur hans voru Torfi Hjartarson, varaform., Stefán Jónsson, ritari, Kristján Skagfjörð, gjaldkeri og Carl D. Tulinius, en fyrsti varastjórnandi, Magnús Thorlacius, gegndi formannsstörfum allan síðari hluta starfstíma þessarar stjórnar, vegan fjarveru formanns og varaformanns erlendis.
Eins og sést af þessu, sem hér er greint, gegndu fjórar stjórnir störfum í félaginu þessi tvö ár, 1928 og 1929. Má af því marka að nokkur öldugangur hafi verið í starfseminni. Enginn má þó halda, að um heiftúðugar stjórnarbyltingar hafi hér verið að ræða. Stjórnarbreytingarnar stafa, að mestu, af því, að þeir menn, sem framarlegast stóðu í félaginu, hurfu úr bænum eða ofhlóðust störfum, sem gerðu þeim ókleift að hafa forystu félagsins með höndum.
Félagslíf á þessu tímabili, sem hér um ræðir, var, engu að síður, fjölbreytilegt. Á þeim tíma, sem stjórn Knúts Arngrímssonar gegndi störfum, frá 19. jan. til 19. apríl s. ár, komu fram margar af þeim tillögum, sem síðar áttu eftir í framkvæmd að fjörga félagslífið og víkka athafnasvið félagsins. Beindust þær í stuttu máli að því að taka inn í starfsemi félagsins ýmis atriði félagsleg, sem út af fyrir sig ekki voru pólitísk, en gátu orðið til þess að laða menn inn í félagið til stjórnmálastarfsemi. Á þessum tíma kemur það og greinilega fram, að mönnum finnst stakkur sá, sem starfsemi félagsins er sniðinn með ákvæðum 3.greinar laganna, vera ærið þröngur. Bar Knútur Arngrímsson þegar á aðalfundi 19. jan. fram svo hljóðandi tillögu til breytingar á nefndri grein:
,,Markmiði þessu hyggst félagið ná, með því að vinna eindregið að því að efla fylgi þess stjórnmálaflokks, er það telur vinna bezt í anda áðurnefndrar stefnu (hér er vísað til 2. greinar) og styðja hann við kosningar í sambandi og samvinnu við það eða þau félög, er að þeim flokki standa, og þessvegna helgar félagið Íhaldsflokknum starfsemi sína, meðan hann hvikar ekki frá áðurgreindum grundvelli".
Tillaga þessi sætti að vísu býsna hvössum andmælum. Einkum talaði Lárus H. Blöndal ákveðið á móti henni og kvað ,,sig ekki vilja slá neitt af þeim játningum, sem gerðar væru í 3.grein stofnfundarlaganna". Fór svo, að tillaga þessi var felld. En þrátt fyrir það sýnir hún, að áberandi raddir eru þegar á þessum tíma innan félagsins, sem vilja gera starfsemi þess frjálsari og óháðari en kemur fram í þriðju grein stofnfundarlaganna. Var hér því á ferðinni forboði þess, sem síðar varð.
Þá komu og á þessum tíma fram ákveðnar tillögur um, að flokkurinn yrði að skipta um nafn, svo æskan þyrfti ekki að bera kinnroða fyrir flokksheitið og að taka yrði upp nafn, sem væri í anda þeirrar stefnu, sem flokkurinn berðist fyrir. Bar Jóh, G. Möller þegar í byrjun ársins 1928 fram tillögu um, að nefnd yrði skipuð til þess að bera fram ósk um nafnbreytingu á flokknum við forystumenn flokksins. Mun það vera fyrsta virka krafan, sem kemur fram um nafnbreytinguna.
Þá koma og fram um þetta leyti ákveðnar kröfur um, að Heimdallur taki upp á starfskrá sína, fullnaðarskilnað við Dani 1943, og var sú krafa tekin upp í stefnuskrá félagsins síðar. Sá, sem aðallega barðist fyrir þessari kröfu var Magnús Thorlacius.
Eftir að félagið var endurvakið, ef svo má kalla það, haustið 1928, eins og fyrr getur, og til aðalfundarins 21. nóvember 1929, var félagslífið hið fjörugasta. Á þessu tímabili koma og áhrif nafnbreytingarinnar til greina. En eins og minnzt var á hér að framan, var ,,íhalds" nafnið alltaf þyrnir í augum hinna ungu manna, enda þótt það breytti ekki málefnalegri afstöðu manna. Einnig koma og hér til greina áhrifin frá sameiningu flokksins við Frjálslynda flokkinnn. Úr hópi frjálslynda flokksins bættust félaginu ýmsir ágætis menn, er brátt urðu meðal beztu starfskrafa félagsins, og má þar einkum nefna Guðmund Benediktsson. Voru á þessu tímabili tekin mörg stjórnmál og viðfangsefni til umræðu á fundunum, og voru nú frummælendur oftast nær menn úr hópi Heimdellingar sjálfra. Einkum starfaði félagið þá mjög að því að fræða félagana um stjórnmál, sérstaklega socialismann. Var það fyrst og fremst Jóh. G. Möller, sem var brautryðjandi í þessum efnum og bar uppi þessa pólitísku fræðslu með fjölmörgum fræðilegum erindum.
Um vorið 1929 tekur félagið í Landsfundi Íhaldsflokksins. Kom félagið þar sérstaklega fram, og voru þar flutt ýms mál í nafni þess. Þeir, sem komu þarna fram fyrir félagið voru: Gunnar Pálsson, formaður félagsins, og Jóhann G. Möller. Þáttaka Heimdallar í Landsfundinum mun án efa hafa orðið til þess að undirbúa jarðveginn fyrir stofnun Sambands ungra Sjálfstæðismanna, er var stofnað vorið eftir. Með landsfundarmönnum hafa lifandi fregnir borizt út um sveitir landsins um starfsemi hinna ungu manna flokksins og hróður Heimdallar, að meðan Landsfundurinn stóð háði félagið kappræðufund um stjórnmál við Félag ungra Jafnaðarmanna. Og er skrumlaust að segja, að Heimdellingar báru þar glæsilegan sigur af hólmi. Kom það greinilega í ljós, að þá skorti ekki mælsku til jafns við andstæðingana og að þeir báru af um alla stjórnmálalega þekkingu.
Eftir aðalfundinn 21. nóvember 1929, er Pétur Hafstein tekur við formennsku félagsins, glæðist áhugi félagsmanna enn meir og tekur félagið nú að stækka sem örast. Þann tíma, sem eftir var ársins 1929, beindi félagið allri atorku sini að því, að gera sigur flokks síns sem glæsilegastan við bæjarstjórnarkosningarnar, sem fram fóru í ársbyrjun 1930. Hafði félagið einnig þar eftir sérstöku að keppa, þar sem formaður þess var 7. maður á lista flokksins. Er það í fyrsta skipti sem félagið tekur þannig, með framboði manns úr sínum hópi, virkan þátt í kosningabaráttu. En allt frá þeim tíma og til þessa dags, hefir það verið eitt af áhugamálum félagsins, að koma ungum mönum til virkra starfa í stjórnmálum, og mun svo lengi verða.
Starfsárið 1930
Hið aukna fjör og hin öfluga starfsemi, sem hófst í félaginu fyrir áramótin 1929 og 1930, átti sér einkum tvær orsakir, eins og fyrr er sagt. Önnur var sú, að þá fyrir skömmu höfðu runnið saman Íhaldsflokkurinn og Frjálslyndi flokkurinnn í nýjan flokk, Sjálfstæðisflokkinn. Hin meginástæðan var væntanleg bæjarstjórnarkosning í Reykjavík, sem fram fór í jan. 1930 og Heimdallur tók virkan og öflugan þátt í.
Á þessu ári fóru fram tvennar kosningar, bæjarstjórnarkosningar og landkjör til Alþingis. Ungir Sjálfstæðismenn fengu nú í fyrsta sinni veruleg áhrif á framboð, og tilnefndu formann sinn í öruggt sæti á lista Sjálfstæðisflokksins við bæjarstjórnarkosningarnar í Reykjavík í jan. 1930. Með því að taka þannig einn allra flokka, svo ungan mann í framboð, strax eftir að kosningarréttaraldurinn hafði verið færður niður úr 25 árum í 21 ár, sýndi Sjálfstæðisflokkurinn hug sinn tik æskunnar, enda mat æskulýður Reykjavíkur þetta að verðleikum og færði flokknum heim glæsilegan sigur. Heimdallur tók mjög ötullegan þátt í þessari kosningabaráttu með fundahöldum og á annan hátt, en stórvirkasti liðurinn í þeirri starfsemi var stofnun blaðsins Heimdallar.
Ungum Sjálfstæðismönnum hafði lengi verið ljós þörfin á opinberu málgagni, til að kynna æskulýð landsins hugsjónir sínar og áform, og svara blekkingum andstæðinganna. Nokkru fyrir bæjarstjórnarkosningarnar var hafizt handa og máli þessu hrundið í framkvæmd. Blaðið hlaut nafnið ,,Heimdallur, blað ungra Sjálfstæðismanna", og ritstjóri þess var Kristján Guðlaugsson. Fyrsta tölublaðið kom út miðvikudaginn 22.jan. og síðan hvern dag fram til kosninga 25. jan. Var blaðið ritað af þeirri einurð og hispursleysi, sem þrekmiklum og djarfhuga æskumönnum er samboðið, og hafði mikil áhrif. Eftir bæjarstjórnarkosningarnar kom blaðið að jafnaði út einu sinni til tvisvar í mánuði. Eitt tölublað þess var 16 síður, með snjöllum greinum eftir flesta forvígismenn ungra Sjálfstæðismanna, og kom út nokkru fyrir alþingiskosningarnar 15. júní. Í júlí lét Kristján Guðlaugsson af ritstjórn blaðsins, og við tók Guðni Jónsson. Um áramótin næstu lét svo félagið Heimdallur blaðið af hendi til Sambands ungra Sjálfstæðismanna, samkvæmt ósk stofnfundar þess á Þingvöllum. Verður saga blaðsins því eigi rakin frekar hér.
En Heimdellingar létu eigi staðar numið við stjórnmálabaráttuna í aðsetri sínu og heimkynni, Reykjavík. Hugur þeirra stefndi lengra, út fyrir landamörk höfuðstaðarins. Þeir báru í brjósti þá ósk og ásetning, að flytja málstað sinn til sem flestra æskumanna landsins, og ryðja hugsjónum sínum braut eigi síður utan Reykjavíkur en innan. Þessvegna var hafizt handa vorið 1930 um að gangast fyrir stofnun félaga ungra Sjálfstæðismanna úti um land, með það fyrir augum, að stofna síðan samband þessara félaga. Í þessu skyni var kosin nefnd í Heimdalli og áttu í henni sæti Pétur Hafstein, Guðni Jónsson og Torfi Hjartarson. Var Torfa falið það verk. að skrifa áhugamönnum úti um land og hvetja þá til félagsstofnana. Voru undirtektir undir málaleitanir þessar framúrskarandi góðar og mörg félög ungra Sjálfstæðismanna voru þannig stofnuð fyrir atbeina Torfa. Auk þess fór Gunnar Thoroddsen vestur og norður um land í maí-júní 1930 og gekkst fyrir stofnun nokkurra félaga. Var síðan boðað til stofnþings Sambands ungra Sjálfstæðismanna á Þingvöllum í sambandi við Alþingishátíðina. Föstudaginn 27. júní var fundur haldinn í Almannagjá. Þar skýrði Torfi Hjartarson frá tildrögum og undirbúningi fundarins, og var síðan stofnað Samband ungra Sjálfstæðismanna. Stofnendur þess voru 13 félög, sem sent höfðu samtals 45 fulltrúa á stofnþingið. Að baki hverjum fulltrúa stóðu 25 félagsmenn, og var sambandið því stofnað í umboði 1125 ungra manna í landinu. Torfi Hjartarson varð fyrsti formaður þess, en Guðni Jónsson varaformaður.
Í þau tæp 7 ár, sem Samband ungra Sjálfstæðismanna hefur starfað, hefur það innið margþætt og merkilegt starf í þágu flokksins. Um þriggja ára skeið hafði það á hendi útgáfu Heimdallar. Það hefur staðið í sambandi við hin ýmsu félög ungra Sjálfstæðismanna úti um land, skrifað þeim fræðslu- og hvatningarbréf, sent erindreka til þeirra, efnt til fundarhalda og gengist fyrir stofnun nýrra félaga.
Í heild má segja um þetta starfsár, að það hafi verið mjög viðburðarríkt og örlagaþrungið fyrir starfsemi Heimdallar. Félagið galt afhroð mikið og óbætanlegt við fráfall síns ötula og vinsæla formanns, Péturs Hafsteins. En bæði undir hans forystu, og þeirra, er síðar skipuðu sæti hans, óx félaginu ásmegin og það girti sig þeim megingjörðum, er skópu grundvöll að glæsilegri starfsemi. Félagsmönnum fjölgaði mjög ört, félagatalan var í lok starfsársins komin upp í 400, og Heimdallur þar með orðin stærsta stjórnmálafélag landsins, og hefur haldið þeirri tign síðan.
Starfsárið 1931
Fyrir aðalfund 1931 stóðu harðar rimmur út af ýmsum félagsmálum og kosningu stjórnar. Voru fundir fjölsóttir með afbrigðum og umræður fjörugar og hvassar á köflum. Lauk svo þeim deilum, að á aðalfundi 25. jan. 1931 var Thor Thors kosinn formaður, og meðstjórnendur Guðm. Benediktsson varaform., Jóhann G. Möller gjaldkeri, Gunnar Thoroddsen ritari og Ragnar Lárusson. En þeir, sem voru atkvæðum bornir í þessari viðureign, sýndu félagslegan þroska sinn og rækt til Heimdallar með því, að taka áfram fullan þátt í störfum félagsins.
Þegar á fundi hinnar nýkjörnu stjórnar, var rætt um að nauðsyn þess, að félagið setti sér ítarlega sundurliðaða stefnuskrá, þar sem lýst væri grundvallarstefnu félagsins í þjóðfélagsmálum og talin þau umbótamál, er félagið vildi beita sér fyrir. Samdi stjórnin frumvarp að slíkri stefnuskrá og lagði í það mikla vinnu. Lagði stjórnin fram frumvarpið á félagsfundi 8.febr. Það var rætt þar ítarlega, og kosin fjölmenn nefnd til að íhuga það nánar. Á fundi, 13.feb. 1931, var endanleg gengið frá stefnuskránni. Stefnuskráin markar tímamót í sögu Heimdallar, og í rauninni í stjórnmálum landsins. Hvorki fyrr né síðar hefur nokkurt stjórnmálafélag ungra manna hér á landi, gert sér sérstaka og sjálfstæða stefnuskrá, enda hefur það verið aðalsmark Heimdallar og ungra Sjálfstæðismanna, að þeir hafa haft hugkvæmni og djörfung til að bera fram sín sérstöku áhugamál og fylgja þeim fram, þótt þau hafi ekki að öllu leyti og í einstökum atriðum fallað saman við stefnu allra eldri flokksmanna. Allir hinir stjórnmálaflokkarnir eiga það sammerkt, að sá æskulýður, sem þeim fylgir, hefur hlotið það eitt hlutskipti að vera taglhnýtingar hinna eldri forystumanna og lúta þeirra boði og banni í öllum greinum.
Stefnunni var tekið afarvel af félagsmönnum og Sjálfstæðismönnum yfirleitt, og mörg félög úti á landi tóku hana upp að öllu eða nokkru leyti. Varð hún til þess að auka mjög veg og virðingu Heimdallar og afla stefnu ungra Sjálfstæðismanna fylgis, en andstæðingarnir hrukku hart við, og þótti fullmikið um frjálslyndi og jákvæð umbótamál í hinni nýju stefnuskrá.
Starfsárið 1932
Á næsta aðalfundi, 7. febr. 1932, var kosinn formaður Guðm. Benediktsson, sem verið hafði varaformaður í næstu stjórn áður, og gegnt formannsstörfum um alllangt skeið vegna utanfarar formanns. Meðstjórnendur urðu Magnús Thorlacius varaform., Jóhann G. Möller ritari, Pálmi Jónsson gjaldkeri og Ragnar Lárusson. Á þessu starfsári voru fundahöld tíðari og reglulegri en verið hafði áður, að jafnaði tvisvar í mánuði, og margir ágætir fyrirlestrar og framsöguræður haldnar. Þá fór og stjórn félagsins, ásamt stjórn Sambands ungra Sjálfstæðismanna á fundi með miðstjórn og þingflokki til að kynna þeim stefnu og áhugamál ungra Sjálfstæðismanna og ræða þau, og setja fram óskir og kröfur um meiri íhlutun ungra manna um málefni flokksins, svo og um framboð.
Þá var tekin upp sú nýbreytni, að skipta félaginu í deildir 10-20 manna, og var einn deildarformaður fyrir hverri. Skyldu deildir þessar halda sérstaka fundi öðru hvoru og ræða ýms félagsmál og stjórnmál. Var þetta fyrirkomulag að sumu leyti í stíl og líkingu við svonefnda ,,sellu"starfsemi sumra flokka. Varð af þessu góður árangur í einstaka deildum, en þótti yfirleitt ekki reynast vel, og var því deildaskiptingin lögð niður nokkru síðar.
Starfsárið 1933
14. jan. 1933 var Jóhann Möller kosinn formaður í þriðja sinn. Hallgrímur Jónsson varð varaform., Alfreð Jónasson ritari, Skúli Jóhannsson gjaldkeri, ennfremur átti sæti í stjórninni Þórður Þórðarson. 1. varamaður var Viktoría Jónsdóttir, og tók hún fast sæti í stjórninni, er Alfreð Jónasson fluttist úr bænum til Akureyrar.
Á þessu ári fóru fram kosningar til Alþingis, og urðu úrslit þeirra sem kunnugt er, að Sjálfstæðisflokkurinn jók mjög fylgi sitt og vann nokkur ný þingsæti. Heimdallur tók mikinn þátt í þessari kosningu, enda var formaður félagsins, Jóhann Möller, í 4. sæti á lista flokksins í Reykjavík.
Það merka nýmæli var tekið upp á þessu starfsári, sem Jóhann Möller hafði lengi barizt fyrir og borið fram tillögur um á landsfundum flokksins, að hafin var útgáfa fræðirita um sjálfstæðissefnuna og gagnrýni á sócialismann. Voru þá gefnir út 4 bæklingar, sá fyrsti: Einstaklingar og hópmenni, annar: Gjaldþrot sócialismans, ræða eftir Sir John Simon, þriðja: Spilaborgir sócialismans, útdráttur úr tveim ritgerðum eftir Sir Alfred Mond, sá fjórði: Bjargráð sócialismans eftir Guðm. Benediktsson. Höfðu ritlingar þessir mikil áhrif, enda allir með afbriðgðum vel samdir og rökfastir. Því miður hefur ekki orðið áframhald á þessari þýðingarmiklu og vinsælu útgáfu, en væntanlega verður hún hafin að nýju nú á næstunni.
Starfsárið 1934
Næsta stjórnarkosning fór fram 16. febrúar 1934, og var stjórnarmeðlimum þá fjölgað úr 5 í 7. Formaður var kosinn Sigurður Jóhannsson, sem hafði verið áður aðalstofnandi og formaður félags ungra Sjálfstæðismanna í Borgarnesi, og stjórnað þeim félagsskap af frábærum dugnaði. Meðstjórnendur hans urðu: Finnbogi Kjartansson varaform., Einar Egilsson gjaldkeri, Gunnar Thoroddsen ritari, Jóhann Möller, Nanna Zoëga og Bjarni Benediktsson.
Eitt merkasta nýmælið á þessu starfsári var stofnun mælskunámskeiða fyrir félagsmenn. Á sambandsþingi vorið 1934 hafði verið vakið máls á nauðsyn þess, að koma á fót námskeiðum fyrir unga Sjálfstæðismenn, þar sem þeir ættu kost á að æfa sig í ræðumennsku undir leiðsögn og handleiðslu kennara eða leiðbeinanda. Höfðu menn orðið þess mjög varir hversu erfitt var um að halda uppi félagsskap víða úti um land, vegna þess, að menn voru tregir til að taka til máls. Og í Heimdalli sjálfum voru fjölmargir ungir menn, sem loguðu af áhuga fyrir því að starfa í félaginu, en uppburðarleysi og æfingarskortur hömluðu þeim frá ræðuhöldum. Voru þá þegar stofnaðir nokkrir málfundaflokkar með 5-8 meðlimum undir handleiðslu leiðbeinanda. Síðan hafa slík mælskunámskeið starfað innan Heimdallar og unnið mikið gagn. Einkum vakti það mikla hrifningu, þegar fimm meðlimir eins málfundaflokksins komu fram á kaffikveldi Heimdallar og fluttu stuttar, snjallar ræður, og höfðu þó flestir þeirra aldrei áður stigið í ræðustól. En þessi mælskunámskeið eða málfundaflokkar eru aðeins byrjunarstig. Þau eru upphafið að almennum og víðtækum stjórnmálaskóla, sem Sjálfstæðisflokkurinn mun stofna í náinni framtíð til að æfa og þjálfa málsvara sína og veita þeim þá þekkingu á þjóðmálum, sem nauðsynleg er.
Starfsárið 1935
Á aðalfundi 20.febr. 1935 var Gunnar Thoroddsen kosinn formaður, og meðstjórnendur Sveinn Zoëga varaform., Einar Einarsson gjaldkeri, Gunnar Björgvinsson ritari og Jón Gestsson. G.Th. fór til útlanda í apríl og eftir það gegndi Sveinn Zoëga formannsstörfum út starfsárið. Á aðalfundi voru gerðar ýmsar lagabreytingar, svo sem það, að stjórnarmeðlimum var aftur fækkað í 5, og að sett var aldurtakmark í félaginu. Var það ákveðið 35 ár, í samræmi við lög Sambands ungra Sjálfstæðismanna, en þeir er eldri væru skyldu þó mega vera félagsmenn áfram, án atkvæðisréttar og kjörgengis. Með þessu var að fullu tryggt, að ungir menn hefðu öll ráð í félaginu. Jón Þorláksson borgarstjóri var kjörinn heiðursfélagi Heimdallar á aðalfundi félagsins 20. febrúar í virðingar- og þakklætisskyni fyrir vel unnið starf í þágu þjóðarinnar.
Starfsárið 1936
Næsti aðalfundur var haldinn 18. febr. 1936. Þá var Gunnar Thoroddsen, sem enn dvaldist erlendis, endurkosinn formaður félagsins. Varaform. var kosinn Jón Agnars, ritari Ólafur Sigurðsson, gjadkeri Sveinn Zoëga og Gunnar Björgvinsson. Jón Agnars fór úr stjórninni um vorið 1936, og í hans stað störfuðu í stjóninni, fyrst Þórsteinn Bjarnason, en nú síðast Ragnar Lárusson, sem báðir voru varamenn.
Í lok júlímánaðar kom formaður heim frá útlöndum. Var þá skömmu síðar hafizt handa um undirbúining fyrir vetrarstarsemi félagsins, haldinn fjöldi stjórnarfunda og samin áætlun um starfið og hin helztu verkefni næsta starfsárs. 1. okt. var haldinn fyrsti félagsfundur á haustinu, mjög vel sóttur, og lagði stjórnin þar fram starfsáætlun sína og hlaut hún einróma samþykki félagsmanna.
Starfsemi Heimdallar nú í vetur hefir verið fjörug og fjölþætt og fundir jafnaðarlega betur sóttir en nokkru sinni fyrr.
Starfsárið 1937
Árið 1937 komu út tvö rit á vegum Heimdallar: Sjálfstæðismál Íslendinga eftir Guðmund Benediktsson og Heimdallur 10 ára. En ekki var látið við þetta sitja. Á fyrsta starfsári félagsins hafði verið rætt um, hvort efnt skyldi til skemmtana, þar sem félagarnir gætu kynnzt betur en þeim var unnt á stjórnmálafundunum. Þetta ráð var ekki teki þá, en brátt var að því horfið, og á þeim árum, er hér um ræðir, voru að jafnaði haldin kaffikvöld einu sinni í mánuði, þar sem ræður voru fluttar og skemmtiatriði, en dansað, er borð höfðu verið tekin. Auk þess stóð félagið fyrir fullveldishátíð 1. desember, nýársfagnaði á gamlárskvöld og fleiri gleðimótum.
Fyrir 10 ára afmæli félagsins 1937 var mikill viðbúnaður og þess minnzt með glæsilegum hætti. Útbreiðslufundur var haldinn, svo sem áður getur, vandað afmælisrit gefið út og efnt til hófs, er stóð við húsfylli í stærsta samkomusal bæjarins. Þótti allt þetta vel takast og auka á hróður félagsins.
Starfsárið 1938
Erindi haldið ,,Frá einokun til einokunar", Axel Tulinius sem fjallaði um afstöðu Íslendinga á sviði verzlunarmála fyrr og síðar. Á sama fundi flutti Sigurður Kristjánsson alþm. ræðu um lántökur ríkissins og fjárhagsafkomu. Útisamkomur haldnar ásamt hinum sjálfstæðisfélögunum í Reykjavík að Eiði.
Starfsárið 1939
Jóhann Hafstein var kosinn formaður á aðalfundi 21. nóvember 1939 og gengdi því starfi, þar til Ludvig Hjálmtýsson tók við 1943. Af minnisstæðum atburðum frá þessum árum skal fyrst getið fundar, sem haldinn var 1. desember 1939, daginn, sem rauði herinn réðst gegn Finnum. Dagur þessi mun lengi í minnum hafður. Fréttirnar bárust hingað um morguninn og varð brátt ljóst, að þær höfðu mikil áhrif. Fordæmdu allir árásina nema kommúnistar, sem lofuðu hana svo sem við mátti búast. Heimdallur boðaði til fundar samdægurs í Varðarhúsinu. Var þar þétt setið og mannfjöldi hlýddi á ræðurnar utan dyra, þar sem gjallarhornum hafði verið komið fyrir. Lýsti fundurinn samúð með Finnum og fordæmdi afstöðu hinna íslenzku kommúnista.
Starfsárið 1940
Snemma árs 1940 var efnt til stjórnmálanámskeiðs, þar sem fluttir voru 7 fyrirlestrar um stjórnmál og þátttakendur auk þess æfðir í ræðuflutningi. Þótti námskeiðið vel takast, enda hefur síðan verið efnt til svipaðrar fræðslustarfsemi á ári hverju, og stundum hefur félagið aðstoðað áhugasmaa menn, er myndað hafa sjálfstæða námsflokka, með því að útvega þeim kennara.
Árið 1940 var blaðið Heimdallur gefið út á ný um nokkurt skeið til að ræða vandamál, er risu af hernámi Breta. Af félagsmálum má fyrst nefna, að sjálfboðalið var stofnað 1940 með áhugasömum mönnum, er reiðubúnir voru til meiri starfa, en leiddu af almennri þátttöku í félaginu. Fjármálin voru mikið rædd og reynt að afla aukinna tekna, m. a. með hlutaveltum.
Starfsárið 1941
1941 komu 3 rit út á vegum félagsins: Milli fátæktar og bjargálna eftir Jón Þorláksson, Sjálfstæðisstefnan eftir Jóhann Hafstein og Stjórnmál - ræður og ritgerðir, en það er allstór bók, á fjórða hundrað blaðsíður. Mikill hluti efnis hennar er enn í fullu gildi og ástæða til að benda Heimdellingum á að reyna að afla sér bókarinnar hjá eldri félögum og kynna sér af kostgæfni. Félagið á í sjóði 5000 kr.
Starfsárið 1942
Hinn 7. janúar 1942 var Ólafur Thors kjörinn heiðursfélagi, og eru þeir Jón Þorláksson hinir einu sem hafa þannig verið heiðraðir. Á aðalfundi 16. febrúar 1942 var samþykkt ný stefnuskrá, en fyrsta stefnuskrá félagsins hafði þá verið í gildi óbreytt frá 1931. Var aðalmarkmiði félagsins lýst eins og áður, en síðan talin upp helztu áhugamálin. Sérstakt hátíðarrit var gefið út á 15 ára afmælinu 1942.
Starfsárið 1943
Ludvig Hjálmtýsson var kosinn formaður á aðalfundi 1943 og endurkosinn 1944 og 1945, en 1946 varð formaður Björgvin Sigurðsson.
Árið 1943 hófst lokasóknin í sjálfstæðismálinu, og margir góðir menn tóku höndum samna til að eggja þjóðina til að standa saman um stofnun lýðveldis. Félagar Heimdallar höfðu lengi krafizt þess, að Íslendingar segðu með öllu skilið við Dani og unnu því svo sem þeir máttu að lokaátakinu. Sem betur fer ríkti einhugur um þetta mál og starf Heimdellinga hafði því engin úrslitaáhrif, en engu að síður munu þeir jafnan vera stoltir af því, sem þeim auðnaðist af mörkum að leggja. Félagsfundur var haldinn um málið 20. október 1943.
Starfsárið 1944
Félagsfundur um stofnun lýðveldis 14. janúar 1944, en hinn 13. maí þá um vorið töluðu 2 fulltrúar félgasins á almennum fundi æskumanna á Austurvelli. Að unnum sigri þjóðarinnar gekkst félagið fyrir hátíð, sem stóð í Oddfellowhúsinu 18. júní 1944. Þeir Sigurður Eggerz og Ólafur Thors fluttu ræður, og til minningar um lýðveldisstofnunina og í virðingar- ogþakklætisskyni fyrir forustu formanns flokksins færði stjórn Heimdallar honum silfurbikar í nafni ungra sjálfstæðimanna um land allt.
Starfsárið 1946
Félagið starfaði að öðru leyti með svipuðu sniði og áður, en sérstaklega er vert að geta hér, hve mjög félögunum fjölgaði á þessum árum. Á útbreiðslufundi í janúar 1946 óskuðu ekki færri en 387 menn eftir inngöngu og misseri síðar 180, líka á einum fundi. Heimdallur hafði áður um langt skeið verið stærsta stjórnmálafélag ungra manna á Íslandi, en hagur þess efldist nú enn um allan helming. Þótti andstæðingunum nóg um og gripu til óyndisúrræða til að freista þess að hnekkja áliti félagsins. Var margs konar rógur magnaður gegn því, og hefur hann alla tíð síðan skotið upp kollinum við og við - jafnvel í opinberum málsgögnum andstöðuflokkanna og undir nöfnum þekktra ritsmiða þeirra. Reynslan hefur sýnt, að áróður þessi hefur ekki fælt ungt fólk frá félaginu, og er vonandi - ef hann lætur enn á sér bæra - að hann verði rógberunum einum til skammar, svo sem verið hefur hingað til.
Húsnæðisskortur hafði lengi staðið Heimdalli fyrir þrifum og félagið stuðlaði því eftir mætti að byggingu Sjálfsætðishússins, sem vígt var 1946. Vænkaði þá hagur félagsins að þessu leyti til mikilla muna.
Starfsárið 1947
Aðalfundur var haldinn 20. janúar 1947 og Gunnar Helgason kosinn formaður. Á fundinum var samþykkt ný stefnuskrá, hin þriðja, er félagið hefur sett sér, og er hún enn í gildi.
Tuttugu ára afmælið fór í hönd, og var þess minnzt með margvíslegum hætti. Hinn 29. janúar var haldinn almennur æskulýðs- og útbreiðslufundur, þar sem 9 nemendur úr framhaldsskólum töluðu. Fundur var haldinn á afmælisdaginn hinn 16. febrúar, og sóttu hann bæði eldri og yngri félagar. Hóf mikið var í Sjálfstæðishúsinu 6 dögum síðar og nokkrir menn sæmdir heiðursmerki félagsins. Stórt afmælisrit kom út síðar.
Haustið 1946 hófst stjórnmálanámsskeið, og hélt það áfram eftir hátíðarnar.
Í marz var fulltrúaráðið, sem ekki hafði starfað um nokkurt skeið, skipað að nýju. Í því eiga sæti 40 félagar auk stjórnarinnar eða alls 52 menn. Ráðið hefur starfað síðan og unnið vel og þá bezt, er mest hefur á riðið.
Í júní fóru 34 Heimdellingar á Sambandsþing ungra sjálfstæðimanna á Akureyri. Auk þess gekkst félagið fyrir nokkrum skemmtiferðum. Var farið austur í Árnessýslu um hvítasunnuna og um verzlunarmannahelgina allt til Ísafjarðar og ferðast nokkuð um Norður-Ísafjarðarsýslu. Síðar í ágúst var farið um Snæfellsnes og mót sótt í Stykkishólmi og Ölveri. Kvöldvökur voru með líku sniði og áður og fullveldishátíð 30. nóvember að vanda.
Haustið 1947 var aftur efnt til stjórnmálanámskeiðs. Almennir æskulýðsfundir voru haldnir 2 fyrri hluta vetrar.
Starfsárið 1948
Í upphafi árs 1948 frömdu kommúnistar valdarán sitt í Tékk-Slóvakíu, og hurfu þá síðustu vonir manna um, að flokkur þessi gæti nokkrus staðar, þar sem hann mætti sín einhvers, unnið sem ábyrgur flokkur í lýðræðislegu samstarfi við aðra. Íslenzka deildin lét að sjálfsgöðu ekki á sér standa við vörn valdaránsins, og skoruðu Heimdellingar þá á æskulýðsfylkinguna til kappræðna. Fór sá fundur fram í Sjálfstæðishúsinu 9. marz og töluðu Geir Hallgrímsson, Gunnar Helgason, Jóhann Hafstein og Stefán Friðbjarnarson fyrir Heimdall. Varð fátt um varnir af kommúnista hálfu svo sem við mátti búast, og höfnuðu þeir áskorun um að taka þátt í fundi allra stjórnmálafélaga ungra manna í bænum um þetta mál. Fundurinn var haldinn án þeirra í Austurbæjarbíó 12. marz og töluðu þeir Ólafur H. Ólafsson og Pétur Guðjónsson fyrir Heimdall. Hins vegar buðu kommúnistar á fund í Mjólkurstöðinni 15. marz. Raunar var nú breytt um umræðuefni, því að fundraboðendur höfðu hug á að leiða athyglina frá atbruðunum í Tékkó-Slóvakíu og voru rædd innlend stjórnmál og hagsmunir íslenzkrar æsku. Að sjálfsögðu voru úrslitin hin sömu og áður. Ræðumenn Heimdallar voru Jóhann Hafstein og Sigurður Bjarnason.
Á aðalfundi 13. apríl 1948 var Gunnar Helgason endurkosinn formaður.
Þetta ár var sumarstarfsemin sérstaklega mikil. Ferðanefnd starfaði undir forustu Ágúst Hafberg og gekkst fyrir 6 ferðum, sem allar þóttu vel takast. Um hvítasunnuna voru félög ungra sjálfstæðismanna í Árnes- og Rangárþingum sótt heim og samkoma haldin að Laugalandi í Holtum. Í júní var farið að Laugarvatni og í júlíbyrjun upp í Borgarfjörð. Dagana 24. júlí til 2. ágústs stóð sumarleyfisferð um Norður- og Austurland og er það mesta ferðalag, sem félagið hefur staðið að. Var komði á fegurstu staði í þessum héruðum og sótt mót sjálfstæðismanna á Siglufirði og Sauðárkróki. Um verzlunarmannahelgina var farið að Kirkjubæjarklaustri og síðar í ágúst í Þjórsárdal. Ferðanefndin gaf um vorið út ritling, til að kynna áætlanir sínar og mæltist það vel fyrir. Enn er ógetið ferðar á mót í Keflavík snemma árs 1948, á landsfund sjálfstæðisflokksins á Akureyri í júní og á haustmót ungra sjálfstæðismanna á Suð-Vesturlandi, á Þingvöllum. Var slíkt mót þá haldið í fyrsta sinn.
Almennur æskulýðsfundur var í Sjálfstæðishúsinu 28. október og komu fram 9 ræðumenn úr framhaldsskólum. Önnur fundahöld voru með venjulegum hætti. Málfundaflokkur starfaði í vetrarbyrjun og fékk inni í húsi V.R. Fullveldisfagnaður var haldinn eins og áður og aðrar skemmtanir. Stjórnmálanámskeið var 2 fyrstu mánuði ársins 1949.
Gerðar voru nokkrar tilraunir til að koma á deildaskiptingu í félaginu, en það ráð hafði ekki verið tekið í mörg ár, enda var aftur frá því horfið að þessu sinni sem fyrr. Félagsmerkið var slegið í málm og selt félagsmönnum, en merki, sem gerð voru 1935, höfðu um langt skeið verið ófáanleg.
Nokkru áður en stjórn sú, er hér um ræðir, skilaði af sér störfum í marz 1949, hófust umræðurnar um þátttöku Íslands í Atlantshafsbandalaginu. Heimdellingar tóku þátt í fundi allra stjórnmálafélaga ungra manna, sem haldinn var í Austurbæjarbíó 25. febrúar, og tefldu fram þeim Magnúsi Jónssyni og Eyjólfi K. Jónssyni. Þessi fundur var fyrsti þátturinn í baráttunni um öryggismálin. Þurfti ekki lengi að bíða meiri tíðinda eins og brátt verður frá sagt.
Starfsárið 1949
Á aðalfund 22. marz 1949 Gunnar Helgason kosinn formaður í þriðja sinn. Fundur þessi samþykkti ályktanir í öryggis- og verzlunarmálunum.
Brátt varð ljóst, að deilurnar um öryggismálin myndu verða átakameiri en við eigum að venjast hér á landi. Kommúnistar og fylgilið þeirra lét að sjálfsögðu ekki sannfærast af réttum rökum fremur en endranær og virtust nú ekki ætla að láta sitja við gífuryrðin tóm, enda höfðu þeir ýkt svo styrkleika liðsveita sinna hver fyrir öðrum, að þeir virtust sjálfir hafa látið blekkjast og vera komnir á þá skoðun, að nægilega margir hnefar væru undir þeirra stjórn til að árangur gæti orðið af ofbeldi og lögbrotum. Var því vafalaust, að þeir myndu hefjast handa. Þegar séð varð, að hverju dró, ákváðu stjórn og fulltrúaráð Heimdallar að leita til félagsmanna og biðja þá að vera viðbúna að koma á vettvang, ef kommúnistar efndu til óspekta. Tókst á skömmum tíma að skipuleggja mikið lið, er kveðja mátti saman fyrirvaralítið. Síðustu dagana í marz var nokkur ólga í bænum og að kvöldi hins 29. fór kommúnistaskríll hamförum, braut rúður í Sjálfstæðishúsinu og lét á annan hátt ófriðlega. Næsta dag átti að ljúka afgreiðslu tillögu umþátttöku í Atlantshafsbandalaginu ogþótti sýnt, að ofstopamennirnir hefðu fullan hug á að rjúfa þinghelgina. Var lið Heimdallar kvatt niður að Alþingishúsi og stóð þar í fylkingu annarra lýðræðissina, meðan þingið gekk frá málinu. Kommúnistar söfnuðu liði við MIðbæjarsbarnaskólann og stefndu því síðan á Austurvöll. Er þangað kom, hóf það óhljóð, síðar grjótkast og loks áhlaup á þinghúsið. Þeir, er voru undir þinghúsveggnum, stóðu fastir fyrir, en höfðust ekki að að öðru leyti fremur en skoðanabræður þeirra, er voru annars staðar á Austurvelli, en vafamál er, hvort lögreglunni hefði tekizt að varna kommúnistum inngöngu í húsið, ef mannveggurinn hefði ekki verið til að taka við áhlaupum þeirra. Heimdellingar telja þátttöku sína í vörnum alþingis hinn 30. marz 1949 hið bezta verk, erþeir hafa tekið þátt í. Hefði ofbeldið náð fram að ganga, hefði það getða haft hinar alvarlegustu afleiðingar fyrir þjóðskipulag okkar allt.
Um haustið þurfti að búast til nýrrar baráttu vegna stórviðburða í stjórnmálum, en kosið var til alþingis í október 1949 og bæjarstjórnar í janúar 1950. Heimdellingar unnu eftir mætti að undirbúningi kosninganna. Fyrir alþingiskosningarnar gáfu þeir út 7 flugrit, þar sem þýðing atburðanna 30. marz var undirstrikuð. Fyrir bæjarstjórnarkosningarnar kom blaðið Heimdallur tvisvar út og var dreift með Morgunblaðinu. Þreyttar voru kappræður við kommúnista 25. janúar og æskulýðsfundur var 2 dögum síðar.
Af öðru starfi má nefna þátttöku í þingi Sambands ungra sjálfstæðismanna, sem haldið var í Reykjavík í júní og um 50 Heimdellingar sátu. Fyrr um vorið hafði verið sótt mót í Ölveri og síðar í ágúst að Ásum í sambandi við ferð í Þjórsárdal. Haustmót S. U. S. var á Selfossi. Skemmtisamkomur voru með líku sniði og áður.
Félagsheimili var opnað hinn 20. nóvember í húsi Verzlunarmannafélags Reykjavíkur við Vonarstræti. Sjálfstæðishúsið hafði á sínum tíma bætt úr brýnustu þörfum, einkum fékk félagið þá betri aðstöðu til fundarhalda, en þrengsli á skrifstofum í húsinu eru mikil, og hafa ekki fengizt þar salarkynni, er notamætti til neinskonar félagsheimilsstarfsemi. Þess vegna voru tekin á leigu herbergi hjá verzlunarmönnum, og komið þar fyrir skrifstofu félagsins og lesstofu. Því miður reyndist rekstur heimilisins félaginu fjárhagslega ofviða, og var því lokað á næsta ári.
Starfsárið 1950
Aðalfundur var haldinn 1. marz 1950 og Ásgeir Pétursson kosinn formaður
Hið fyrsta, sem hin nýkjörna stjórn tók sér fyrir hendur, var að koma fjárhag félagsins í betra horf. Var í því skyni efnt til happdrættis í samvinnu við stjórn S. U. S. Vinningurinn var myndarlegt safn íslenzkra bókmennta, metið á 10 þús. krónur. Ýmsir velunnarar félagsins gáfu bækur til safnsins og má þakka þeim hversu vel tókst að vanda til vinningsins. Mjög mikið starf var unnið í smabandi við happdrættið og tókst vel, enda batnaði fjárhagur félagsins að miklum mun.
Sumarstarfið var einkum fólgið í ferðalögum eins og áður. Um hvítasunnuna var farið austur í Skaftafellssýslur og á heimleið sóttur fundur ungra sjálfstæðismanna að Laugalandi. Var þar saman komið hið mesta fjölmenni og flutti formaður Heimdallar þar aðalræðuna um viðhorf ungra manna til innlendra og erlendra stjórnmála. S. U. S. hélt mót á Þingvöllum bæði vor og haust og fjölmenntu Heimdellingar á þau bæði. Félagið keypti þetta sumar hluta af Ölveri í Melasveit af sjáflstæðismönnum á Akranesi og var farið þangað þrisvar, m. a. um verzlunaramnannahelgina eins og venja hafði verið um skeið. Þá var og hafin skógrækt á Heiðmörk, en Heimdallur var eitt þeirra 27 félaga, sem fékk sér þar mældan reit í þessu skyni. Þótti sjálfsagt að sinna verkinu, þar sem skógræktin horfir til hinna mestu þjóðþrifa. Settar voru niður 3000 plöntur, og gerðu einungis 2 félög betur þetta fyrsta sumar.
Skemmtanir voru með líku sniði og áður. Kvöldvökunar þóttu einkar vel takast, enda var mjög til þierra vandað. Þóttu kvöldvökurnar hafa á sér hinn mesta menningarbrag og voru fengnir hinir færustu menn á sviði bókmentna og hljómlistar til þess að fræða og skemmta.
Stjórnmálanámskeið stóð frá því í nóvember 1950 og til febrúarloka 1951. Kennsla fór fram með æfingum í mælskulist og fyrirlestrum um hina ýmsu þætti þjóðfélags- og stjórnmála. Almennir félagsfundir voru með sama sniði og áður. Meðal mála, sem tekin voru til umræðu, voru atvinnumálin og öryggismálin. Stjórn S. U. S. fól Heimdalli ritstjórn síðu ungra sjálfstæðismanna í Morgunblaðinu og önnuðust hana fyrir félagsins hönd Ásgeir Pétursson og Geir Hallgrímsson.
Starfsárið 1951
Ásgeir Pétursson var endurkosinn formaður á aðalfundi 27. marz 1951.
Eins og fyrr var að vikið hefur fylgi Heimdallar meðal æsku Reykjavíkur valdið andstæðingum miklum áhyggjum, og þeir reynt eftir mætti að vinna félaginu tjón og minnka vinsældir þess og traust. Hafa af þessu spunnizt miklar umræður í blöðum og félagið þá borið þungum sökum. Sjaldnast hafa höfundar níðskrifanna látið nafns síns getið, en stundum hafa þó allþekktir andstæðingar Sjálfstæðisflokksins ruðzt fram á ritvöllinn ódulbúnir, helzt þeir Hannes Pálsson frá Undirfelli og Halldór Kristjánsson á Kirkjubóli. Heimdellingar létu sér nægja að hrekja ósannindi Hannesar og skopast góðlátlega að óskapaganginum á honum, en Halldóri var stefnt fyrir rétt og hlaut hann dóm. Alþýðublaðið hefur nokkrum sinnum hafið upp raust sína og tekið undir róginn. Snemma árs 1951 birti það einkar ósvífna og ósanna grein um Heimdall, sem ekkert var sagður koma nærri stjórnmálum. Var brugðizt fljótt við og ungir jafnaðarmenn skoraðir til kappræðufundar. Þekktust þeir boðið Heimdellingum til mikillar ánægju og fór fundurinn fram í Sjálfstæðishúsinu 14. apríl. Þar töluðu fyrir Heimdall Ásgeir Pétursson, Geir Hallgrímsson, Gunnar Helgason og Magnús Jónsson. Fóru kratar mjög halloka af fundi þessum, sem vonlegt var, en ræðumenn Heimdallar sýndu með skýrum rökum baráttuvilja Sjálfstæðismanna til þjóðfélagsumbóta.
Laugardaginn 9. júní var farin hópferð á fund í Borgarnesi. Sambandsþing var á AKureyri síðar í mánuðinum og sóttu það tæplega 40 Heimdellingar. Haustmót S. U. S. var á Selfossi 13. október og sóttu Heimdellingar það. Landsfundur Sjálfstæðisflokksins var haldinn í Reykjavík í nóvemberbyrjun, og tóku félagsmenn drjúgan þátt í störfum hans.
Í sambandi við landsfundinn stóð stjórnmálaskóli flokksins og sóttu Heimdellingar fyrirlestra þá, sem þar voru fluttir. Eftir að skólanum lauk efndu þeir til sérstakra mælskuæfinga, sem stóðu allt til jóla. Á æfingafundum þessum var rætt um nokkur helztu mál, sem á dagskrá eru í svipinn. Auk þess voru landhelgismálin rædd á félagsfundi 29. október. Sjálfstæðisflokkurinn efndi á árinu til mikils happdrættis til ágóða fyrir starfsemi flokksins. Veitti Heimdallur mikinn stuðning við framkvæmd þess.
Skemmtanir hafa verið með sama hætti og áður, kvöldvökur og fullveldishátíð 1. desember. Skógræktinni á Heiðmörk var haldið áfram.
Starfsárið 1957
Þrjátíu ára afmælishátíð Heimdallar er haldin í Sjálfstæðishúsinu 16. febr. 1957 og tekst með ágætum. Að henni lokinni og fram til næsta aðalfundar, sem efnt er til síðari hluta marzmánaðar ber fátt til tíðinda. Unnið er að afmælisriti, og stjórnmálanámskeiði, sem hófst í febrúar með þátttöku 60, er fram haldið og lýkur í marzmánuði. Þann 20.marz samþykkir stjórnin á fundi sínum mótmæli vegna fyrirhugaðrar byggingu frystihúss á vegum Bæjarútgerðar Reykjavíkur. Telur stjórnin áform þessi ekki samrýmanleg stefnu Sjálfstæðisflokksins.
Á starfsárinu öllu er haldnir 27 bókaðir stjórnarfundir, auk eins fundar í fulltrúaráði félagsins.
Starfsárið 1957-1958
Aðalfundur fer fram með venjulegum hætti 24. marz. Nýkjörin stjórn hefst þegar handa um skipulagningu félagsstarfsins og skipar 7 nefndir, sem hún setur erindisbréf. Fulltrúaráðsfundur 13. apríl samþykkir að efna til fundar þá um miðjan mánuðinn, þar sem Bjarni Benediktsson ræði um utanríkismál. Til fundarins er efnt í framhaldi af hótunarbréfi Búlganíns, þáv. forsætisráðherra Ráðstjórnarríkjanna til nokkurra ríkja NATO og ummæla í málgagni rússneska hersins um Ísland. Um hvítasunnuna er efnt til velheppnaðrar Breiðafjarðarferðar, og um sumarið sýnir Leikhús Heimdallar gamanleikinn ,,Sápukúlur" eftir George Kelly við góðar undirtektir bæjarbúa. Um haustið verða framkvæmdastjóraskipti hjá félaginu, Jón E. Ragnarsson tekur við af Hrafni Þórissyni, sem gegnt hefur starfinu frá upphafi starfsársins.
Í septembermánuði stendur félagið fyrir æskulýðstónleikum í Austurbæjarbíói, þar sem fram koma þýzki óperusöngvarinn Herman Prey og flautuleikarinn Ernst Schönfelder.
Fyrri hluta vetrar eru haldnir sjö fundir, þar sem flutt eru erindi um ýmsa þætti stjórnmála og ræðumennsku auk þess sem málfundaæfingar fara fram. Skákstarfsemi er blómleg, og er m.a. efnt til fjölteflis við erlenda stórmeistarann Pilnik og skákkvöld haldin. Síðla októbermánaðar taka rúmlega 70 Heimdellingar þátt í þingi S.U.S. sem haldið er í Reykjavík. Í nóvember hefjast á ný kvöldvökur fyrir ungt fólk, og 1. desember stendur félagið fyrir fullveldisfagnaði. Um svipað leyti gefur félagið út bækling, ,,Mótið í Moskvu", sem saman stendur af greinum eftir Magnús Þórðarson, er birzt hörðu á Æskulýðssíðunni í Morgunblaðinu og fjalla um þáttöku hans í áróðursmóti í Moskvu, kennt við æskuna. Er bæklingi þessum dreift í Reykjavík og víðar.
Borgarstjórnarkosningar fara fram 26. janúar, og í því sambandi gefur félagið út blaðið ,,Heimdall", sem kom út nokkrum sinnum og dreift var með Morgunblaðinu. Um miðjan janúar er haldinn fjölsóttur fundur um ,,Æskuna og Reykjavík" með sjö ungum frummælendum. Auk mikil annars kosningastarfs stendur félagið fyrir útgáfu kjósendahandbókar.
Starfsaðstaða félagsins batnar á árinu með tilkomu stærri húsakynna í kjallarar Valhallar, en félagðið hafði áður haft skrifstofuherbergi á miðhæð hússins. Á starfstímabilinu eru haldnir 25 bókaðir stjórnarfundir og fjórir fundir með fulltrúaráðinu.
Starfsárið 1958-1959
Aðalfundur er haldinn 23. febrúar. Skömmu síðar tekur Ólafur Jensson við starfi framkvæmdastjóra. Þann 11. marz hefst stjórnmálanámskeið, þar sem flutt eru ýmis erindi m.a. um íslenzku stjórnmálaflokkana auk þess sem málfundaæfingar fara fram. Félagsfundur er haldinn um miðjan marzmánuð og hefur Magnús Jónsson alþm. framsögu um efnið ,,Hvernig á að sætta fjármagn og vinnu".
Í lok marzmánaðar efnir félagið til hlutaveltu í Listamannaskálanum. Gekk hún vel og veitti eigi af, því fjárhagur félagsins hafði þá um nokkurt árabil verið slæmur. Vikurnar fyrir hlutaveltuna sóttu engir svo fundi hjá félaginu, að þeim væru eigi fengnir númeramiðar til að snúa upp á. - Varð úr þessu hið mesta föndur.
Um vorið taka kjörnir fulltrúar félagsins þátt í störfum Landsfundar Sjálfstæðisflokksins, og í lok aprílmánaðar er Bjarni Benediktsson kjörinn heiðursfélagi Heimdallar í tilefni af fimmtugsafmæli hans. Hvítasunnuferð er farin um Snæfellsnes og 17. maí heldur félagið almennan fund um landhelgismálið, en framsögu hafa Davíð Ólafsson fiskim.stj., Jón Jónsson fiskifr., og Magnús Jónsson alþm. Fjölmenni er á fundinum.
Sumarleikhús Heimdallar hefur starfsemi sína á ný með sýningu franska gamanleiksins, ,,Haltu mér - slepptu mér", og er gefin út vönduð leikskrá. Í septemberlok hefur leikurinn verið sýndur 38 sinnum við frábærar undirtektir. Þá um sumarið er feraðstarfsemin með öflugasta móti. Sú nýbreytni er tekin upp að efna eingöngu til öræfaferða, og eru farnar sjö slíkar.
Í ágústmánuði hefur stjórn félagsins undirbúning að vetrarstarfi, sem hefst með svokölluðum ,,fræðslukvöldum Heimdallar". Eru þar flutt mörg fróðleg erindi, og m.a. fjallar Sigurður Líndal um bókina ,,Hin nýja stétt" í 4 erindum. Í októberlok tekur Hörður Einarsson við starfi framkvæmdastjóra félagsins og gegnir jafnframt störfum fyri S.U.S. Skákáhugi er mikill, og er efnt til þriggja fjöltefla við skákmeistara. Haldnar eru nokkrar kvöldskemmtanir fyri ungt fólk, fullveldisfagnaður og jóladansleikur annan í jólum.
Hinn 14. nóvember heldur félagið almennan fund um efnið, ,,Andleg kúgun austan járntjalds - Pasternakmálið". Gunnar Gunnarsson rithöfundur hefur framsögu á þessum fjölmenna fundi, sem veldur margra vikna geðshræringu ,,Þjóðvilja" manna. Á félagsfundi nokkrum dögum seinna hefur Jóhann Ragnarsson framsögu um efnið ,,Afskipti ungs fólks af stjórnmálum" og um svipað leyti er hafin útgáfa fréttabréfs, sem sent er til félagsmanna nokkrum sinnum. Verkalýðsmál eru rædd á félagsfundi í desemberbyrjun, en um miðjan mánuðinn er dreift um bæinn, Auglýsingablaðinu, sem kemur út fyrsta sinni og á mikinn þátt í að leysa fjárhagsvandræði félagsins, sem höfðu verið allmikil árin á undan.
Í ársbyrjun 1959 er sú nýbreytni tekin upp að efna til föndurkvölda fyrir stúlkur í félaginu. Um svipað leyti eru haldnir kaffifundir með félagsmönnum úr framhaldsskólum bæjarins. Vel heppnað málfundanámskeið með nokkuð breyttu sniði stendur enn í febrúar og marz. Haldnir eru sjö fundir, og er námskeiðnu slitið með sameiginlegri kaffidrykkju, þar sem Ólafur Thors flytur ávarp.
Á aðalfundi árið áður er stjórninni falið að sjá um endurskoðun stefnuskrár félagsins. Að þessari endurskoðun starfa fimm nefndir, og þrír félagsfundir fjalla um hina einstöku málaflokka.
Á starfsárinu voru haldnir 45 bókaðir stjórnarfundir og tveir fulltrúaráðsfundir.
Starfsárið 8.3. 1959 - 10.11. 1959
Aðalfundur er haldinn 8. marz. Auk þess sem endurskoðuð stefnuskrá félgagsins er tekin til afgreiðslu er lögum félagsins breytt á þann veg, að aðalfundi skuli halda á haustin. Varð starfstímabil nýkjörinnar stjórnar því eigi nema 8 mánuðir.
Þann 11.marz er Landsfundur Sjálfstæðisflokksins settur, og taka fulltrúar félagsins þátt í honum. Skömmu síðar hefst nýbreytni í starfsemi félagsins, klúbbfundir, þar sem félögum gefst tækifæri til að koma saman með vissu millibili í laugardagshádegi og hlýða á valin erindi. Fram til vor eru haldnir 3 klúbbfundir, Björgvin Sigurðsson ræðir um ,,Vinnulöggjöfina", Gísli Halldórsson verkfr. fjallar um efnið ,,Framtíðarmöguleikar Íslands á sviði stóriðju" og Þorsteinn Thorarensen flytur erindi um ,,Alþjóðamál". Seint í aprílmánuði stendur Heimdallur fyrir hlutaveltu í Listamannaskálanum, og fer fjárhagur félagsins enn batnandi á starfsárinu. Þegar líður fram á vorið setja væntanlegar kosningar mjög svip sinn á starfið. Breyting á kjördæmaskipan stendur fyrir dyrum, og fara því fram tvennar Alþingiskosningar, í júnímánuði og í október. Heimdallur og S.U.S. hafa samvinnu um útgáfu fjórblöðungs, ,,Frá ungu fólki", sem kemur út nokrum sinnum fyrir báðar kosningarnar, og dreift er með Morgunblaðinu. Félagið gefur út tvær vandaðar kjósendahandbækur og stendur að útgfáfu tveggja ritlinga ásamt S.U.S., ,,Víti til varnaðar" og ,,Komi her - Fari her - Verði her". Fjallar seinni ritlingurinn um margbreytilega og óabyrga afstöðu kommúnista og hirðmanna þeirra til varnarmálanna. Félagið gerir nýjum kjósendum grein fyrir helztu stefnuskráratriðum sínum í bréfi, sem þeim er sent. Hinn 22. júní og 15. okt. efnir félagið til útbreiðslufunda í Sjálfstæðishúsinu, en á þar að auki aðild að tveimur almennum stjórnmálafundum.
Þrátt fyrir mikla vinnu Heimdallarfélaga við kosningaundirbúning liggur ferðastarfsemi ekki niðri um sumarið. Farnar eru fjórar öræfa- og fjallaferðir, og eru undirtektir ekki síðri en sumarið áður. Síðari hluta sumars er Guðni Gíslason ráðinn framkvæmdastjóri félagsins.
Í vetrarbyrjun gefur félagið út bækling með erindi Birgis Kjaran, ,,Hve mikil opinber afskipti eru samrýmanleg lýðræðisskipulagi", og á starfsárinu kemur út annar bæklingur eftir sama höfund á vegum félagsins, ,,Sósíal-liberalismi og félagslegur markaðsbúskapur". Í októberbyrjun efnir félagið til hópferðar á fund ungra Sjálfstæðismanna á Selfossi, en 10. okt. hefjast klúbbfundir á ný, eftir sumarhléið, og ræðir þá Eyjólfur K. Jónsson um ,,Almenningshlutafélög". Í nóvember, að kosningum loknum, er S.U.S. þing háð í Reykjavík og taka þátt í því 70 fulltrúar frá félaginu.
27 bókaðir stjórnarfundir og einn fulltrúaráðsfundur eru haldnir á starfstímabilinu.
Starfsárið 1959-1960
Aðalfundur er haldinn í Sjálfstæðishúsinu 10. nóvember, og fer hann fram með venjulegum hætti.
Nýkjörin stjórn hefur þegar gerð starfsáætlunar og skipar sér nefndir til aðstoðar, en samtals 11 nefndir starfa á stjórnartímabilinu að margvíslegum málum.
Klúbbfundir hafa þegar unnið sér öruggan sess, og eru haldnir 5 fundir fram til vors: Þór Vilhjálmsson: ,,Nýjungar í stjórnskipan á Íslandi"; Guðmundur H. Garðarsson: ,,Ný viðhorf í markaðsmálum Íslendinga"; Gunnar Thoroddsen: ,,Úr fjármálum ríkisins"; Kristmann Guðmundsson: ,,Íslenzkir rithöfundar og kommúnisminn".
Tómstundastarfsemi er hin fjölbreytilegasta. Fjöltefli við þekkta skákmeistara eru þrisvar haldin, og efnt til tveggja föndurnámskeiða í bast- og tágvinnu fyrir félagskonur, auk þriggja kvölda tvímenningskeppni í bridge.
Í desember tekur Ragnar Kjartansson við starfi framkvæmdastjóra, félagið gefur út Auglýsingablaðið og annan í jólum er haldinn dansleikur í Sjálfstæðishúsinu. Í janúar eru haldnir nokkrir fundir með skólanemendum, og á tímabilinu frá 9. febr. til 20. marz er efnt til málfundanámskeiðs, sem stóð í tíu kvöld. Um svipað leyti eru haldnir þrír fjörugir málfundir og leshringur um kommúnismann undir leiðsögn Birgis Kjaran. Stofnað er til ritgerðarsamkeppni um efnið: ,,Samrýmist þjóðnýting lýðræðislegu stjórnskipulagi". Eru verðlaun ferð með Gullfossi til Kaupmannahafnar fyrir tvo og verður Gunnar Gunnarsson hlutskarpastur.
Sú nýbreytni er tekin upp að efna til kynnisferða í fyrirtæki, og heimsóttu áhugasamir félagar Vinnufatagerð Íslands. Þá var frystihúsið Ísbjörninn einnig heimsótt og skoðað. Í febrúarlok er svo í fyrsta sinn í nokkur ár efnt til árshátíðar.
Þann 28.apríl tekur Heimdallur þátt í kappræðufundi við Æskulýðsfylkinguna um efnahagsráðstafanir viðreisnarstjórnarinnar. Framsögumenn félagsins eru: Birgir Ísl. Gunnarsson, Othar Hanson og Pétur Sigurðsson. Fundinn sækja u.þ.b. 800 manns, og er hann hinn minnistæðasti. Tæpum mánuði seinna boðar félagið til almenns fundar í Sjálfstæðishúsinu um ,,Skipulagt almenningsálit", og höfðu framsögu Jóhann Hannesson prófessor, Kristmann Guðmundsson rithöfundur og Ævar Kvaran leikari. Fundur þessi verður tilefni mikilla blaðaskrifa, sérílagi af hálfu Þjóðviljans. Birtist þar m.a. heilsíðuritsmíð undir fyrirsögninni ,,Hvernig er sálin í konunni með augað á miðju læri?", og þykjast kommúnistar nú heldur hafa yfirhöndina.
Auk ferðastarfsemi, sem saman stendur af fjórum helgarferðum, stendur félagið fyrir sýningum á revíunni ,,Eitt lauf", sem sýnd er 30 sinnum við góðar undirtektir.
Í septemberbyrjun tekur Jakob R. Möller við starfi framkv. stjóra og gegnir því fram til aðalfundar. Klúbbfundir hefjast á ný, Jóhannes Nordal ræðir um ,,Efnahagsmál" og Geir Hallgrímsson um ,,Skipulagsmál Reykjavíkur".
Stjórnin heldur 31. bókaðan stjórnarfund á starfsárinu auk þriggja fulltrúaráðfunda.
Starfsárið 1960-1961
Aðalfundur er haldinn 26. október, og fara fram kosningar á fundinum um nokkur stjórnarsæti.
Sigurður Hafstein er ráðinn framkvæmdastjóri í októberlok, og í nóvember hefst stjórnmálanámskeið um utanríkismál. Erindi flytja um þróun stjórnmála eftir 1945: Gunnar Thoroddsen um Norðurlönd, Þór Vilhjálmsson um V-Evrópu, Birgir Kjaran um ríki kommúnismanns, Þorsteinn Thorarensen um Asíu- og Afríkuríki og Þórður Einarsson um Ameríku. Almenn erindi flytja Eyjólfur K. Jónsson, ,,Taflstaðan á alþjóðavettvangi", Guðmundur H. Garðarsson, ,,Alþjóðleg efnahagsmál" og Pétur Benediktsson, ,,Alþjóðastofnanir og þáttaka Íslendinga". Sem lið í námskeiðinu flytur Bjarni Benediktsson erindi um utanríkismál Íslendinga á klúbbfundi. Á tímabilinu nóvember-maí er þar að auki haldnir sex klúbbfundir: Bragi Hannesson, ,,Framtíðarhorfur í iðnaðarmálum", Sverrir Júlíusson, ,,Horfur í útvegsmálum", Sigurður Helgason, ,,Viðskiptin við járntjaldslöndin", Luðvig Hjálmtýsson, ,,Ísland sem ferðamannaland", Sigurður A. Magnússon, ,,Stjórnmálaástandið í Indlandi og nágrannalöndum þess", Matthías Johannessen, ,,Staða rithöfundarins í nútímaþjóðfélagi" og Gunnar Schram, ,,Stjórnmálaflokkarnir í Englandi". Af öðru starfi fyrir áramót er það að segja, að efnt er til kvikmyndakvölda, kynnisferð farin á Keflavíkurflugvöll, Auglýsingablaðið gefið út og dansleikur haldinn annan í jólum. Í desemberlok er Gunnar Thoroddsen kjörinn heiðursfélagi í tilefni af fimmtugsafmæli hans.
Ítarleg starfsáætlun er gerð um starfið eftir áramót, og er hún prentuð og dreift. Í kjölfar stjórnmálanámskeiðs um utanríkismál eru haldnir þrír málfundir, þar sem félagsmenn hafa framsögu um ákveðna þætti utanríkismála. Sex kvölda málfundanámskeið stendur yfir í febrúar, og er því slitið með sameiginlegri kaffidrykkju og ávarpi Birgis Kjaran. Þann 26. febrúar heldur félagið almennan fund í Sjálfstæðishúsinu um efnið ,,Er þörf breytinga á fræðslukerfinu?" og hafa framsögu Séra Bragi Friðriksson, Jóhann Hannesson skólam. og Þór Sandholt skólastjóri.
Tómstundastarfsemi er fjölbreytileg sem árið áður. Bridge-klúbbur starfar, efnt er til tíu kvölda föndurnámskeiðs fyrir félagskonur, hraðskákmót er 18.febrúar og árshátíð 8.marz. Tvö bingó-kvöld eru haldin í Sjálfstæðishúsinu, og um hvítasunnuna efnir félagið til ferðar ásamt S.U.S. til Vestmannaeyja. Farið er með bát úr Þorlákshöfn og reynast nokkrir sægarpar í liðinu, en snöggtum fleiri landkrabbar. Náðu menn þó fljótt kæti sinni á ný, og allir komu til baka.
Í júní sitja fulltrúar félagsins Landsfund Sjálfstæðisflokksins, og um sumarið er efnt til ferðalaga, m.a. farnar velheppnaðar veiðiferðir, þar af ein á Arnarvatnsheiði. Um verzlunarmannahelgina er svo Fjallabaksvegur nyrði farinn, og er þátttaka ágæt.
S.U.S.-þing er að þessu sinni haldið á Akureyri 7-10. sept og sóttu það u.þ.b. 70 fulltrúar frá félaginu. Skömmu seinna hefjast klúbbfundir: og ræðir Gunnar Helgason um ,,Framtíðarhorfur í kaupgjalds-og kjaramálum" á þeim fyrsta. Þá er einnig efnt til biongókvölds í Sjálfstæðishúsinu.
Stjórnin heldur 31 bókaðan stjórnarfund á starfsárinu auk eins fulltrúaráðsfundar.
Starfsárið 1961-1962
Til aðalfundar er gengið 16. október. Á fyrsta fundi nýkjörinnar stjórnar eru kosnar nefndir, en þær starfa samtals tíu á tímabilinu. Framkvæmdastjóraskipti verða, og tekur Ragnar Kjartansson við starfinu á ný.
Fulltrúar félagsins sitja Landsfund Sjálfstæðisflokksins 19.-22. okt. Í byrjun nóvember er efnt til umræðufundar, þar sem Birgir Ísl. Gunnarsson hefur framsögu um efnið ,,Hlutleysisstefnan".
Síðast í október talar Ólafur Björnsson á klúbbfundi um ,,Hagsmunahópa og hlutverk þeirra í nútímaþjóðfélagi", í nóvember ræðir Jóhann Hafstein um ,,Borgaravarnir" og í desember flytur Birgir Kjaran erindi, sem hann nefnir, ,,Svipmyndir úr lífi Skúla fógea". Efnt er til kvöldráðstefnu um efnið ,,Er það hlutverk ríkisvaldsins að jafna þjóðartekjunum?", og eru frummælendur þeir Gunnar Schram og Jóhann Ragnarsson. Á tímabilinu nóv.-jan. standa svo yfir fjórir leshringir um utanríkis- og alþjóðamál, kommúnismann, efnahagsmál og bókmenntir og listir. Þykir starfsemi þessi takast allvel.
Fyrir áramótin er ýmis léttari starfsemi. Vetrargleði er haldin auk tveggja annarra dansleikja og bingókvölds í Sjálfstæðishúsinu. Í desember kemur Auglýsingablaðið út í umsjá Ólafs Jensson, eins og undanfarin ár. Eftir áramótin hefst starfið á ný af fullum krafti. Fjórir klúbbfundir eru haldnir fram til vors: 13.jan. Ingólfur Jónsson ,,Framtíðarhorfur í íslezkum landbúnaðarmálum", 10.febr. Guðmundur Jörundsson, ,,Vandamál togaraútgerðar á Íslandi", 10. marz Sigurður Bjarnason, ,,Framtíð Sameinuðu Þjóðanna" og 14. apríl Ragnhildur Helgadóttir, ,,Störf Alþingis". Haldnir eru nokkrir kaffifundir með Heimdallarfélögum í skólum, þar sem rætt er um félagsstarfið og ýmsir af forystumönnum Sjálfstæðisslokksins flytja stuttar ræður. Þrír umræðufundir eru haldnir febr. og marz. Hörður Einarsson hefur framsögu um efnið ,,Er friðsamleg sambúð við kommúnistaríkin möguleg?", Bjarni Beinteinsson um ,,Sjálfstæðisstefnuna" og Styrmir Gunnarsson um efnið ,,Er nauðsynlegt að auka varnir Íslands?", og veldur síðasta erindið nokkrum blaðaskrifum og úlfaþyt í röðum kommúnista. Hinn 20. febrúar hefst málfundanámskeið, stendur yfir í 8. kvöld.
Hinn 16. febrúar er 35 ára afmæli Heimdallar haldið hátíðlegt í Sjálfstæðishúsinu. Félaginu berast fjölmargar kveðjur og gjafir. Í tilefni af afmælinu er sæmdir gullmerki fyrir mikil störf í þágu félagsins þeir Ágúst Hafberg, Ásmundur Einarsson, Baldvin Tryggvason, Eyjólfur K. Jónsson, Guðmundur H. Garðarsson, Höskuldur Ólafsson, Pétur Sæmundsen og Þór Vilhjálmsson.
Af ýmsu öðru starfi er það að segja, að efnt er til fjögurra kvölda bridgekeppni í febrúar, fjölmennt föndurnámskeið haldið, kynnisferð í Kassagerð Reykjavíkur og efnt til nokkurra kvikmyndakvölda. Helgina 24.-25. marz stendur félagið fyrir mjög vel heppnaðri borgarmálaráðstefnu. 5 erindi eru flutt, umræðuhópar starfa ásamt borgarstjórnarfulltrúum, farin er kynnisferð og ráðstefnunni slitið með sameiginlegum kvöldverði.
Borgarstjórnarkosningar fara fram 27. maí og skipar formaður félagsins, Birgir Ísl. Gunnarsson, áttunda sæti á framboðslista Sjálfstæðisflokksins. Heimdallarfélagar taka að vanda mikinn þátt í kosningaundirbúningi, m.a. gefur félagið út fjögur tbl. blaðsins ,,Borgin okkar", sem sent er nýjum kjósendum. Hinn 18.maí er svo haldinn fjölmennur kaffifundur í Sjálfstæðishúsinu með ungum Sjálfstæðismönnum, sem að kosningaundirbúningi starfa. Þar flytja ávörp Bjarni Benediktsson, Geir Hallgrímsson og Birgir Ísl. Gunnarsson.
Um sumarið er ákveðið að draga úr lengri ferðalögum á vegum félagsins frá því sem áður er, enda er stóraukinn bifreiðaeign og vel skipulögð starfsemi ferðaskrifstofa farin að segja til sín.
Farin er ágæt ferð á fund ungra Sjálfstæðismanna á Selfossi og Mjólkurbú Flóamanna skoðað m.a. Um miðjan júlí er farin fjölmenn Viðeyjarferð undir leiðsögn Árna Óla. Efnt er til veiðiferðar í Langavatn í Borgarfirði svo og sjóstangaferð farin á Faxaflóamið, en fiskisæld reynist fremur lítil.
Um haustið fær félagið nokkur þúsund eintök af myndskreyttri erlendri samanburðarbók á Þýzkalandi Hitlers og Ulbrichts, og er bókinni dreift víðs vegar. Á klúbbfundi 29. september flytur Gunnar Thoroddsen ræðu um ,,Stjórnmálaviðhorfið"
Á starfsárinu eru haldnir tveir fulltrúaráðsfundir og 35 bókaðir stjórnarfundir.
Starfsárið 1962-1963
Aðalfundur fer fram í Sjálfstæðishúsinu 18. okt., 1962. Félagsstarfsemin er mjög öflug á árinu, ekki síður en árin á undan. Haldnir eru sjö klúbbfundir á tímabilinu okt.-maí, og eru þeir fjölsóttir. Þar tala: 27.okt., Sigurður Magnússon, ,,Verzlunarstéttin og Sjálfstæðisflokkurinn". 17. nóv. Aron Guðbrandsson, ,,Kauphallarviðskipti" 15.des., Ólafur Egilsson, ,,Parísarferð Varðbergs", 19.jan., Þórir kr. Þórisson, ,,Frelsi og þjóðskipun", 16.febr. Gunnar Thoroddsen, ,,Fyrstu ár Heimdallar", 16.marz, Pétur Sigurðsson, ,,Almenn hagsæld og hagræðing", 18.maí, Baldvin Tryggvason, ,,Kommúnistar og menningarstarf þeirra".
Í byrjun starfsársins er farin fjölmenn kynnisferð á Akranes, Sementsverksmiðjan skoðuð og haldinn fundur með ungum Sjálfstæðismönnum, þar sem Bragi Hannesson flytur erindi um stóriðju á Íslandi.
Þrír málfundaklúbbar eru starfræktir bæði fyrir og eftir áramót og 2 almennir umræðufundir haldnir. Birgir Ísl. Gunnarsson er frummælandi á þeim fyrri um Kúbumálið. Seinni fundurinn fjallar um ,,Framtíð íslenzkra atvinnuvega" og hafa framsögu Björn Sigurbjörnsson, Guðmundur H. Garðarsson, Othar Hansson og Pétur Sæmudsen.
Félagið hefur útgáfu æskulýðssíðu í dagblaðinu Vísi. Kemur hún út á 33 starfsárinu og eru ritstjórar hennar Ásgeir Thoroddsen og Ragnar Kjartansson. Auglýsingablað er gefið út og dreift um borgina í desember mánuði.
Í janúar sitja 65 félagar kvöldráðstefnu um efnið ,,Ísland og aukin alþjóðasamskipti". Framsöguræður flytja Einar Benediktsson og Eyjólfur K. Jónsson. Verða umræður mjög fjörugar, og stendur ráðstefnan fram á nótt. Um svipað leyti hefst eitt bezt sótta stjórnmálanámskeið, sem félagið hefur efnt til um árabil, og er þar fjallað um ,,Íslenzk Stjórnmál". Á 7 fundum námskeiðsins flytja erindi Birgir Kjaran, ,,Íslenzk Stjórnmál 1918-1944". Sigurður Bjarnason, ,,Íslenzk Stjórnmál 1944-1956". Ólafur Björnsson, ,,Vinstri stjórnin verk hennar og staða í íslenzkri stjórnmálasögu". Gunnar Thoroddsen, ,,Viðreisnarstjórnin og efnahagsmálastefna hennar". Jóhann Hafstein, ,,Íslenzkir atvinnuvegir, nýir möguleikar og framtíð þeirra." Ingólfur Jónsson, ,,Stjórnarandstaða framsóknarmanna og kommúnista" og Bjarni Benediktsson, ,,Hvað er framundan í íslenzkum stjórnmálum?" Nokkur erindanna birtast síðar í Stefni.
Um veturinn er efnt til sex rabbfunda með skólanemendum um félagsstarfsemi Heimdallar, föndurnámskeið eru haldin fyrir félagskonur, verkalýðsnefnd starfar, og haldinn er sérstakur rabbfundur með launþegum, kynnisferð er farin í Hörpu, kvikmyndasýningakvöld, efnt til árshátíðar og tveggja dansleikja og útgáfa félagstíðinda hafin á ný og þau send þrisvar til félagsmanna. Í febrúarlok eru tveir starfsmenn sovézka sendiráðsins staðnir að njósnum, og birtir Heimdallarsíðan í Vísi ályktun stjórnar félagsins, þar sem landsmenn eru hvattir til að standa á verði gagnvart tilraunum erlendra sendiráðsstarfsmanna til að stunda njósnir hér á landi.
Endurskoðun stefnuskrár flokksins er hafin og starfa að því 12 málaflokkanefndir. Í aprílbyrjun er haldin velheppnuð helgarráðstefna um Sjálfstæðisflokkinn. Framsöguræður flytja Magnús L. Sveinsson, ,,Sjálfstæðisflokkurinn og verkalýðurinn", Gunnar Schram, ,,Sjálfstæðisflokkurinn og velferðarríkið", Þór Vilhjálmsson, "Utanríkismálastefna Sjálfstæðisflokksins", Már Elíasson, ,,Efnahagsmálastefna Sjálfstæðisflokksins". Birgir Ísl. Gunnarsson, ,,Skipulag og starfsemi Sjálfstæðisflokksins" og Bjarni Beinteinsson, ,,Viðhorf Sjálfstæðisflokksins til samvinnu við aðra flokka".
Landsfundur er í aprílmánuði, og taka fulltrúar félagsins þátt í störfum hans. Um svipað leyti er dregið úr almennri félagsstarfsemi og starfinu beint að kosningaundirbúningi, en alþingiskosningar fara fram 9. júní. Ungir Sjálfstæðismenn senda nýjum kjósendum blaðið ,,Æskan við kjörborðið" nokkrum sinnum, þar sem starf viðreisnarstjórnarinnar er kynnt.
Fjölsóttur æskulýðsfundur er haldinn, og flytja sjö ungir Sjálfstæðismenn ávörp auk þess sem sýnd er kvikmynd félagsins frá óeirðunum við Alþingishúsið, marz 1949. Um svipað leyti kemur út vegum félagsins ,,Rauða bókin - Leyniskýrslur SÍA", sem inniheldur hugleiðingar nokkurra ungkommúnista, sem stundað höfðu nám austan járntjalds. Hafði hluti skýrslnanna birzt í Morgunblaðinu árið áður og valdið mikilli geðshræringu í kommúnistahjörðinni hér á landi.
Um sumarið eru farnar þrjár ferðir, kvöldferð um Reykjanes, laugardagsferð að Tröllafossi og dælustöðin í Mosfellssveit og laxeldisstöðin í Kollafirði skoðaðar, og helgarferð til veiða er farin að Reyðarvatni. Stjórnin heldur með sér sjö fundi um sumarið til umræðna um skipulagsmál. Samin er ítarleg álitsgerð og send flokksstjórninni.
Í september tekur Eggert Hauksson við starfi framkvæmdastjóra, og haldnir eru tveir klúbbfundir í október. 5.október ræðir Ágúst Valfells um ,,Almannavarnir", og 19.október flytur Gunnar Thoroddsen ræðu um ,,Viðhorf í efnahagsmálum"
Haldnir eru 50 bókaðir stjórnarfundir á starfsárinu, og gerir stjórnin m.a. ályktanir um húsbyggingarkostnað og skemmtanalíf unglinga. Fundir í fulltrúaráðinu eru þrír talsins.
Starfsárið 1963-1964
Aðalfundur er 30. október, og fer fram kosning meðstjórnenda, þar sem fleiri framboð koma fram en frá uppstillingarnefnd.
Í nóvember er haldin helgarráðstefna og tveir framhaldsfundir hennar, þar sem uppkast að stefnuskrá félagsins er tekið til umræðu. Málfundaklúbbur með breyttu sniði hefur göngu sína og heldur átta fundi. Gefið er út auglýsingablað og því dreift um borgina.
Klúbbfundir eru samtals átta á tímabilinu nóvember-júní: 23. nóvember, Svavar Pálsson, ,,Staða samvinnufélaga í íslenzku atvinnulífi", 11.jan., Þór Vilhjálmsson, ,,Sameinuðu Þjóðirnar", 2.febr., Valdimar Kristinsson, ,,Framtíðarstefna í þróun byggða á Íslandi", 22.febr., Eyjólfur K. Jónsson, ,,Deilurnar í Kommúnistaflokknum og baráttan fyrir stofnun nýs vinstri flokks", 14.marz, Geir Hallgrímsson, ,Skipulagsmál Reykjavíkurborgar", 11.apríl, Sverrir Hermannsson, ,,Austurlandskjördæmi", 25.apríl, Ólafur Egilsson, ,,Að tjaldabaki hjá Atlantshafsbandalaginu" og 6. júní, Árni G. Finnsson, ,,Um starfsemi S.U.S".
Í nóvember krefja krefja þrír SÍA-piltar Heimdall um 150.000kr. ritlaun og höfundaeintök vegna útgáfu félagsins á ,,Rauðu bókinni", og er kröfunni vísað á bug. Í kjölfar þessa seljast á ný nokkur hundruð eintök af bókinni. Seinna á starfsárinu stefna piltarnir Heimdalli og krefjast nú til viðbóta miskabóta að upphæð kr. 50.000, þar sem hér sé um að ræða ,,meingerð gegn persónu þeirra, friði og æru, drýgða af illfýsi". Þá krefjast þeir einnig að upplag bókarinnar sé upptækt gert og ónýtt. Standa þessi málaferli enn yfir.
Í janúar verða framkvæmdastjóraskipti og tekur Gylfi Þ. Magnússon við starfinu og gegnir því til vors. Hinn 5. febrúar er umræðufundur um efnahagsmál, og hefur Bjarni Benediktsson framsögu á fundinum. Um svipað leyti hefst fyrirlestraflokkur um ,,Þjóðfélagsmál", og eru fluttir sex fyrirlestrar. Þór Vilhjálmsson, ,,Samskipti þjóða", Þorvaldur G. Kristjánsson, ,,Stjórnmálaflokkar", Dr. Benjamín Eiríksson, ,,Ríkið og hlutverk þess", Magnús Óskarsson, ,,Almenningsálit og áróður", Svavar Pálsson, ,,Skipting manna í stjórnmálaflokka" og Sigurður Líndal, ,,Löggjafarvaldið".
Þing S.U.S. er háð í Reykjavík í lok febrúar, og setja rúmlega 80 fulltrúar félagsins mikinn svið á þinghaldið. Um svipað leyti efnir félagið til ritgerðarsamkeppni um ,,John F. Kennedy - Líf hans og störf".
Fram eftir vetri er starfað að fullum krafti. Haldnir eru sex fundir með framhaldsskólanemendum og rabbfundir með verzlunarmönnum. Félagstíðindi koma út í breyttu formi og eru send félagsmönnum nokkrum sinnum. Kvikmyndasýningar eru af og til, m.a. í Nýja bíó fyrir fullu húsi. Nokkurra kvölda bridge-mót er í febrúar auk hraðskákmóts. Haldnir eru tveir dansleikir og árshátíð 14. febrúar. Í marzbyrjun hefst nýr liður í starfi félagsins, en þá stofna launþegar í félaginu með sér klúbb og halda uppi öflugu starfi. Efnt er til fimm funda, en Gunnar Helgason flytur erindi um íslenzka verkalýðshreyfingu á stofnfundinum. Farnar eru tvær kynnisferðir á vegum klúbbsins, önnur í Alþingishúsið, þar sem Bjarni Benediktsson flytur erindi um sögu Alþingis en hin seinni í húsakynni borgarstjórnar, þar sem Geir Hallgrímsson ræðir við þátttakendur.
Í apríl er lagt fyrir Alþingi frumvarp um hækkun skyldusparnaðar úr 6% í 15%. Stjórnir Heimdallar og S.U.S. mótmæla hækkuninni og senda frá sér greinargerð með ítarlegum rökstuðningi gegn skyldusparnaði.
Um sumarið eru farnar sex ferðir, tvær helgarferðir, önnur á Kjöl, en hin seinni í Eldgjá, og ekið um Fjallabaksveg nyrðri og Skaftártungur. Þá er farin kvöldferð í Gjábakkahelli og dagsferð um nágrenni Reykjavíkur auk gróðursetningarferðar í reit félagsins í Heiðmörk. Hinn 8.júní ritar formaður Sjálfstæðisflokksins, Bjarni Benediktsson, Sambandi ungra Sjálfstæðismanna og Heimdalli bréf með óskum um, ,,að þessir aðilar skipi nefnd til rannsóknar á tilteknum, afmörkuðum viðfangsefnum með það fyrir augum, að álit þeirra megi verða til þess að móta stefnu flokksins í þeim". Bendir Bjarni Benediktsson jafnframt á það í bréfi sínu, að vel færi á því, að fyrsta viðfangsefnið yrði ,,Menntun íslenzkrar æsku". Stuttu síðar er Rannsóknar- og upplýsingastofnun ungra Sjálfstæðismanna [RUSUS] komið á fót, og er stjórn stofnunarinnar skipuð sjö mönnum, sem eru: Þórir Einarsson, sem jafnframt er formaður, en auk hans Bjarni Helgason, Hörður Einarsson, Jóhannes Einarsson, Magnús Óskarsson, Valdimar Kristinsson og Þór Vilhjálmsson.
Séð er fyrir endann á vandræðum félagsins hvað þröng húsakynni snertir. Hefjast miklar breytingar á húsnæði Heimdallar í Valhöll síðast í júlímánuði, og fær félagið allan kjallara hússins til eigin afnota. Standa framkvæmdir fram á næsta ár. Í ágústlok tekur Valur Valsson við starfi framkvæmdastjóra, og 9. okt. talar Gunnar Thoroddsen á klúbbfundi um ,,Skattamál".
Á starfstímabilinu hefur æskulýðssíða félagsins komið út viku- til hálfsmánaðarlega í Vísi undir ritstjórn Gunnars Gunnarssonar og Sverris H. Gunnlaugssonar. Haldnir hafa verið 33 bókaðir stjórnarfundir og einn fulltrúaráðsfundur.
Starfsárið 1964-1965
Aðalfundur er haldinn 12. október og fer fram með venjulegum hætti.
Miklar framkvæmdir standa yfir fyrri hluta starfstímabilsins vegna breytinga á húsakynnum félagsins. Stjórnin ákveður af þeim sökum að draga nokkuð úr almennu starfi, sem þó verður allverulegt.
Starfsemin hefst með fjórum kaffifundum, sem haldnir eru með skólanemendum og verzlunarmönnum. Klúbbfundir verða sjö talsins á tímabilinu október-maí, og er nú í fyrsta sinn leitað til forystumanns í öðrum stjórnmálaflokki um að hafa framsögu, þar sem er Erlendur Einarsson, og flytur hann erindi 20. febrúar um efnið, ,,Samvinnuhreyfingin á Íslandi í dag". Á klúbbfundum tala einnig: 31.okt., Einar Sigurðsson, ,,Fiskiðnaður og sjávarútvegur", 28.nóv., dr. Magnús Z. Sigurðsson, ,,Skipulag útflutnings- og markaðsmála", 23. jan., Ingólfur Jónsson, ,,Landbúnaðurinn", 10.apríl, Matthías Bjarnason, ,,Reykjavík og landsbyggðin", 1. maí, Sigurður Líndal, ,,Stjórnmálahlutverk nýrrar kynslóðar", og 22. maí, Magnús Jónsson, ,,Fjármál ríkisins".
Á þremur fundum í nóvember og desember eru flutt þrjú erindi í flokknum ,,Stjórnmálastefnur samtímans". Jón E. Ragnarsson flytur erindi um ,,Sambönd ríkja og sameiningarstefur", Eyjólfur K. Jónsson talar um ,,Frjálshyggju og hægri stefnu" og erindi dr. Gunnars G. Schram nefnist ,,Staða lýðræðissósíalismans í dag"
Launþegaklúbbur hefur starfsemi sína á ný og eru haldnir 5 fundir um ýmis málefni en meðal ræðumanna eru Þórir Einarsson, Birgir Kjaran, Birgir Ísl. Gunnarsson, Magnús Óskarsson og Pétur Sigurðsson. Í sambandi við víðtæka útbreiðsluherferð, sem félagið efnir til fyrri hluta vetrar sendir Launþegaklúbburinn kynningarbréf til á annað þúsund ungra launþega.
Málfundaklúbbur starfar fyrir og eftir áramót, og í desember er Auglýsingablaðinu dreift um borgina. Við jarðarför Ólafs Thors, 5. janúar, mynda tæplega 100 Heimdellingar fánaborg í Kirkjustræti í virðingarskyni við hinn látna leiðtoga.
Efnt er til umræðufundar með nýstárlegu sniði um varnir Íslands og Churchillkvöld haldið í febrúar, en þar ræðir Þorvaldur G. Kristjánsson um ævi hans og störf, sýnd er kvikmynd og hlýtt á nokkrar ræður Churchills af plötum. Um svipað leyti halda ungir Sjálfstæðismenn helgarráðstefnu í Hafnarfirði um ,,Vísindi og tækni". Er ályktun ráðstefnunnar, ,,Hin unga stefna" gefin út og dreift í Reykjavík af Heimdallarfélögum.
Hins 16. marz 1965 mun lengi minnst í sögu félagsins, en þá er, eftir endurbætur á kjallara Valhallar, vígt stórglæsilegt félagsheimili Heimdallar, sem bætir starfsaðstöðu félagsins til muna. Eru félaginu fluttar kveðjur og gjafir, m.a. vegleg peningagjöf frá Landsmálafélaginu Verði og alfræðiorðabók frá nokkrum velunnurum félagsins. Verður gestagangur mikill í félagsheimilinu fram til vors, en haldnir eru kynningarfundir með ýmsum hópum og ,,opið hús" er með vissu millibili, þar sem félagar koma saman og ræða landsins gagn og nauðsynjar.
Síðarihluta aprílmánaðar fer fram 16.Landsfundur Sjálfstæðisflokksins. Sækja hann nær 70 fulltrúar frá Heimdalli og setja þeir í meiri mæli svið á fundinn, en oft áður.
Um sumarið er farin gróðursetningarferð í Heiðmörk, helgarferð í Þórmörk og tekið þátt í sumarmóti ungra Sjálfstæðismanna í Húsafellsskógi um miðjan ágúst. Þá er félagsheimilið opið af og til yfir sumarmánuðina.
Stór hópur fulltrúa sækja S.U.S.- þing á Akureyri 10.-12. september. Auk venjulegra þingstarfa gefur stjórn RUSUS skýrslu um fyrri hluta rannsókna á menntamálum. Í septemberlok tekur Már Gunnarsson við starfi framkvæmdarstjóra, og á klúbbfundi 9. október flytur Bjarni Benediktsson ræðu um ,,Stjórnmálaástandið".
Á starfsárinu kemur æskulýðssíða félagsins í Vísi alloft út undir ritstjórn Péturs Sveinbjarnarsonar og Steinars Lúðvíkssonar. Þann 19. september, á fimmtugsafmæli Jóhanns Hafstein, er hann kjörinn heiðursfélagi Heimdallar, sá 5. í röðinni. Stjórnin hélt með sér 26 bókaða fundi, og efnt var til tveggja fulltrúaráðsfunda.
Starfsárið 1965-1966
Aðalfundur er haldinn 31. október. Á fundinum er samþykkt lagabreyting, sem fólgin er í því, að kosnar skuli tvær fastanefndir á aðalfundi, Stjórnmála- og skipulagsnefnd.
Félagsheimilið kemur að góðum notum á þessu starfstímabili. Hvort tveggja er, að húsakynnin henta allri almennri starfsemi félagsins vel, svo og opnast nýja leiðir. Haldin eru mörg skemmtikvöld, og m.a. halda Heimdallarfélagar í M.R. velheppnað jólahóf og félagar í V.Í. gangast fyrir mjög fjölmennri nýársgleði. Haldin eru bridge- og spilakvöld, og efnt til nokkurra fjölsóttra sýninga á úrvals kvikmyndum. Hæst ber þó Listaviku félagsins, sem hefst í félagsheimilinu 23. febrúar með myndlistarsýningu, þar sem ungir listamenn sýna verk sín, en ung skáld lesa einnig frumsamin ljóð. Formenn félagsheimilisnefndar eru tveir á starfsárinu, þeir Magnús Gunnarsson og Kornelíus Sigmundsson.
Klúbbfundir eru vel sóttir sem fyrr, og eru haldnir sjö fundir: 6. nóv., Geir Hallgrímsson, ,,Borgarstjórnarkosningar" 30. nóv., Sveinn Benediktsson, ,,Síldariðnaður og síldarmarkaðir", 11.jan., Bjarni Benediktsson, ,,Stjórnmálahorfur", 15. jan., Bjarni Jónsson, ,,Efnahagshorfur næstu missera", 5. febr., Sveinn B. Valfells, ,,Hvernig er að vera atvinnurekandi í dag?", 5.marz, Hannibal Valdimarsson, ,,Viðhorf verkalýðshreyfingarinnar til núverandi stjórnarstefnu" og 2.apríl, Kristján Guðlaugsson, ,,Flugmál".
Efnt er til fimm umræðufunda í félagsheimilinu, þar sem ýmis mál eru rædd, svo sem landbúnaðarmál, Atlantshafsbandalagið, stjórnmálaviðhorfin og fleira. Í desember er Auglýsingablaðið gefið út og dreift um borgina.
Í janúarlok er haldin kvöldráðstefna um ,,Ísland og EFTA", og eru frummælendur Guðmundur H. Garðarsson, Höskuldur Jónsson og Þorvarður Alfonsson. Leshringur um Atlantshafsbandalagið starfar og heldur fjóra fundi undir stjórn Ólafs Egilssonar. Í febrúar hefst nýr fyrirlestraflokkur, ,,Liðnir stjórnmálaskörungar". Birgir Kjaran flytur fyrirlestur um Jón Sigurðsson, Sigurður Líndal um Benedikt Sveinsson, eldri, og Sigurður Kristjánsson talar um Hannes Hafstein.
Launþegaklúbbur heldur áfram starfsemi sinni. Haldnir eru þrír málfundir, og gefinn er út fjórblöðungur, ,,Launþeginn", sem dreift er með Morgunblaðinu og ætlað er að koma út af og til. Þjóðmálaklúbbur er stofnaður og heldur einn fund, þar sem Eyjólfur K. Jónsson hefur framsögu um stöðu einkaframtaks á Íslandi í dag. Nokkur kynningarkvöld eru haldin með nemendum í framhaldsskólum og öðrum hópum, og félagstíðindin koma út einu sinni.
Í apríllok er haldin húsnæðismálaráðstefna. Þar hafa framsögu Gísli Halldórsson, Þórir Einarsson, Björgólfur Guðmundsson og Ólafur Jensson. Sérstök nefnd hefur unnið að athugunum á húsnæðismálum og undirbúið álitsgerð, sem rædd er á ráðstefnunni og send RUSUS til frekari athugunar. Síðari hluta vetrar dregur mjög úr almennu félagsstarfi, enda standa þá borgarstjórnarkosningar fyrir dyrum, og er starfinu beint að undirbúningi þeirra. Gefin eru út þrjú tbl. af blaðinu ,,Borgin okkar", sem sent er til nýrra kjósenda, svo og pési með tillögum félagsins um úrbætur í húsnæðismálum. Í maímánuði er haldinn fundur í Sjálfstæðihúsinu fyrir unga kjósendur og flytja þar nokkrir ungir Sjálfstæðismenn ávörp auk borgarstjórans, Geirs Hallgrímssonar. Á framboðslista Sjálfstæðisflokksins fyrir þessar kosningar skipar Birgir Ísl. Gunnarsson á ný áttunda sæti listans, en Styrmir Gunnarsson, formaður félagsins, níunda sætið. Kosningaúrslit valda nokkrum vonbrigðum, heldur Sjálfstæðisflokkurinn meirihluta í borgarstjórn, en tapar einu sæti.
Í júníbyrjun er haldinn fulltrúaráðsfundur, og eru úrslit kosninganna þar til umræðu. Síðar um sumarið efnir félagið til mjög fjölsóttrar ferðar í Viðey, og er sú ferð hin ánægjulegasta, nema hvað einn þátttakendanna dettur í sjóinn, en verður eigi mjög meint af.
Á starfsárinu gengur félagið fyrir því, að Fálkinn h/f hljóðritar á plötu nokkur ræðubrot Ólafs Thors og stendur félagið fyrir sölu hluta upplagsins. Heimdallarsíðan kemur alloft út í umsjá Páls Braga Kristjónssonar, Jóhanns Briem, Markúsar Arnar Antonssonar, Jóns Ingólfssonar og Sigurðar Ág. Jenssonar. Hluta starfsársins gegnir Sævar B. Kolbeinsson starfi framkvæmdastjóra. Bókaðir stjórnarfundir er 30, en þrír fulltrúaráðsfundir haldnir.
Starfsárið 1966-1967
Aðalfundur er haldinn 26. október, og framhalsaðalfundi 28. nóvember frestað til 5.desember.
Í upphafi starfsársins eru kjörnar ýmsar starfsnefndir, m.a. hátíðarnefnd vegna 40 ára afmælis félagsins, 16. febrúar 1967, auk ritnefndar, sem sér um útgáfu afmælisrits. Ráðinn er nýr framkvæmdastjóri Jóhannes Long.
Starfsemi í félagsheimilinu er með svipuðu sniði og áður. Sýningar á úrvalskvikmyndum eru af og til og skemmtikvöld haldin. Gangast nemendur í M.R. og V.Í. fyrir sitt hvorum fagnaðinum í kringum nýárið og sækja þá um 400 manns. Þá er einnig haldin fjölmenn þrettándagleði.
Í nóvember er erindaflokknum ,,Liðnir stjórnmálaskörungar" fram haldið og flytur Bjarni Benediktsson erindi um Ólaf Thors. Um sviðað leyti talar Bjarni Benediktsson einnig á klúbbfundi um ,,Breytingar á stjórnmálabaráttu". Skömmu seinna er Gylfa Þ. Gíslasyni boðið á klúbbfund til að ræða um ,,Menntamál", og er hann þriðji af forystumönnum annarra stjórnmálaflokka, sem tala á klúbbfundum hjá Heimdalli.
Í nóvemberbyrjun sendir stjórn félagsins frá sér stuðningsyfirlýsingu vegna framkomins frumvarps ríkisstjórnarinnar um námslán og námsstyrki, ásamt hvatningu til Alþingis um að veita þessu mikla hagsmunamáli æskufólks brautargengi.
Í desember berst félaginu bréf frá Félagi ungra jafnaðarmanna í Reykjavík með áskorun um kappræðufund um efnið ,,þjóðnýting, ríkisrekstur og verðgæzla". Er áskoruninni tekið og viðræðunefnd skipuð. Um svipað leyti gefur félagið út tvö auglýsingablöð, og er þeim dreift um borgina. Í nóvember og desember bætast um 200 félagar í hópinn og er það með mesta móti á svo stuttum tíma. Heimdallarsíðan í Vísi, sem nú nefnist ,,Gjallarhorn", kemur út nokkuð reglulega, og eru ritstjórar þess Vilhjálmur Þ. Vilhjálmsson og Þorsteinn Pálsson, sem síðar lætu af starfinu, en við tekur Sigurður A. Jensson.
Í ársbyrjun 1967 er haldinn fulltrúaráðsfundur og rætt um komandi Alþingiskosningar, sem setja munu mikinn svip á starf félagsins á þessu starfsári. Þá skipar stjórnin 17 manna launþegaráð og tekur Kristján Kristjánsson við formennsku af Haraldi Sumarliðasyni.
Fjörutíu ára afmælishátíð Heimdallar er haldin í Lídó 19. febrúar 1967 og tókst frábærlega vel. Gullmerki félagsins eru veitt eftirtöldum mönnum við þetta tækifæri: Birgi Ísleifi Gunnarssyni, Bjarna Beinteinssyni, Jóhanni Ragnarssyni, Jóni E. Ragnarssyni, Magnúsi L. Sveinssyni, Ólafi Egilssyni, Ólafi Jenssyni, Ragnari Kjartanssyni og Styrmi Gunnarssyni.
Í tilefni afmælisins fékk Heimdallur veglegt rúm í Morgunblaðinu og var það nýtt til hins ítrasta.
Sigurreif eftir velheppnaða afmælishátíð skorar stjórn Heimdallar á stjórn S.U.S. til keppni í handknattleik og sigrar með yfirburðum. Dómari er Magnús Óskarsson.
Starfið beinist nú meir og meir að kosningaundirbúningnum, en alþingiskosningar eru um vorið. Áður en sjálf kosningabaráttan byrjar eru þó haldnir nokkrir fundir. Bjarni Lúðvíksson og Pétur Sveinbjarnarson eru málshefjendur á fundi um efnið ,,Hægri og vinstri akstur". Launþegafundur heldur einn fund og kynnisferð er farin í borgarstjórn. Þegar nær dregur kosningum eru haldnir rabbfundir með efstu mönnum á lista flokksins við Alþingiskosningarnar.
Í byrjun apríl er kappræðufundur við F.U.J. um efnið þjóðnýting og opinber rekstur. Ræðumenn Heimdallar eru Birgir Ísl. Gunnarsson, Hörður Einarsson, Sigfinnur Sigurðsson. Húsfyllir er á fundinum og hart er deilt, jafnvel þó að eldir mennirnir í flokknum sitji saman í ríkisstjórn.
Kosningaskemmtun er í Lídó 4.júní og bréf er sent til ungra kjósenda og þeir hvattir til að nota kosningaréttinn.
Veglegt afmælisrit vegna 40 ára afmælisins kemur út í maí. Landsfundur er í byrjun maí og sækja hann um 60 Heimdellingar.
Um sumarið er efnt til nokkurra ferða og í ágúst er boðað til fulltrúaráðsfundar þar sem uppstillingarnefnd er kjörin. Stjórnin heldur 51 bókaðan stjórnarfund, framkvæmdastjóri um veturinn er Jóhannes Long, en Jón Magnússon í ágúst og september.
Miklir fjárhagserfiðleikar eru vegna byggingar félagsheimilis í Valhöll og síðari hluta starfsársins eru fjármál félagsins helsta umræðuefni stjórnarfunda.
Starfsárið 1967-1968
Aðalfundur er haldinn 21. septemper. Formaður er kjörinn Ólafur B. Thors. Starfsemin í félagsheimilinu er mjög öflug. Opið hús er í félagsheimilinu flest kvöld fyrri hluta vetrar, en síðari hluta vetrar fækkar þeim vegna þess að Sjálfstæðisflokkurinn fær lánað húsnæðið til fundarhalda. Margvísleg skemmtistarfsemi er í félagsheimilinu og þykir nokkrum nágrönnum nóg um hávaða sem þaðan berst og er þá gripið til þess ráðs að setja sérstaka hljóðeinangrun í félagsheimilið. Heimdallarfélagar í M.R. og M.H. gangast fyrir jólafagnaði í félagsheimilinu og Heimdallarfélagar í V.Í. gangast fyrir nýársfagnaði þar.
Launþegaklúbbur starfar undir forustu Kristjáns Kristjánssonar og heldur hann nokkra fundi.
Funarstarfsemi er mjög öflug, Klúbbfundir eru 5.: Þ. 28. okt. Bjarni Benediktsson ,,Stjórnmálaviðhorfið" , 22. nóv. Þorvaldur Garðar Kristjánsson ,, Húsnæðismál", 27. jan. Jóhann Hafstein ,, Hlutverk yngri manna í stjórnmálum", þess má geta að ýmsir telja þennan klúbbfund þann merkasta sem félagið hefur haldið. Skoðanir voru mjög skiptar og hart deilt, en fundurinn var tvímælalaust til þess að hvetja unga Sjálstæðismenn til að efla áhrif sín innan flokksins og til aukins stefnumótandi starfs. 4. maí, Ingólfur Jónsson ,, Samgöngumál", í september Ólafur Hóhannesson ,, Viðhorf Framsóknarflokksins til þjóðmála í dag".
Í október og nóvember er kynning á stjórnmálaflokkunum og flytja þeir Birgir Ísleifur Gunnarsson, Ólafur B. Thors og Styrmir Gunnarsson erindi á kynningunni.
Þrjár hringborðsráðstefnur eru haldnar í samvinnu við S.U.S. ,, Efnahagsráðstafanir og fjárstjórnartæki ríkisins". Málshefjandi Jónas Haralz. ,, Neytendamál og hringamyndanir". Málshefjendur Jónas Kristjánsson og Hjörtur Torfason ,, Tryggingarmál". Málshefjandi Guðjón Hansen.
Ármann Sveinsson er leiðbeinandi á málfundanámskeiði í nóvember. Félagsheimilisnefnd undir forustu Andrésar Andréssonar gengst síðan fyrir nokkrum málfundum í félagsheimilinu. Heimdallarfélagar í V.Í. gangast einnig fyrir einum málfundi.
Fram að áramótum eru fjórir umræðufundir. Steinar Berg Björnsson er málshefjandi á fundi um Fjárlagafrumvarpið, Guðmundur H. Garðarsson ræðir um aðsteðjandi vandamál í íslensku atvinnulífi. Magnús L. Sveinsson um húsnæðismál og Pétur Sveinbjarnarson um hægri umferð.
Í röðum ungra Sjálfstæðismanna gætir töluverðrar óánægju á þessum tíma með stefnu ríkisstjórnarinnar og sýnir val fundarefna eftir áramót það glöggt. 5. febr. ,, Á að auka flokksræðið á íslandi?" Málshefjendur Ármann Sveinsson og Jón E. Ragnarsson. 15. febr. ,, Hvaða afleiðingar hefur stjórnarsamstarfið við krata haft í för með sér fyrir Sjálfstæðisflokkinn?" Málshefjendur Friðrik Sóphusson og Guðmundur H. Garðarsson. 21. febr. ,, Hvað kostar ríkjandi landbúnaðarstefna neytendur?" Málshefjendur Bjarni Helgason og Óli Þ. Guðbjartsson. 6. mars. ,, Er hlaupinn ofvöxtur í ríkisbáknið?" ,,Ofbýður skattborgurunum?" Málshefjendur Eggert Hauksson og Steinar Berg Björnsson. 26. marz ,, Er Alþingi afgreiðslustofnun ríkisstjórna?" Málshefjendu Matthías Á. Mathiesen og Þór Vilhjálmsson.
Kynningarfundir eru haldnir með skólanemum og efnt er til leikhúsferðar.
Auglýsingablað er gefið út um jólin og efnt er til 6 fjáröflunardansleikja.
Þing S.U.S. var haldið haustið 1967 og sækja það um 100 Heimdallarfélagar og álíka margir sækja aukaþing S.U.S. haustið 1968. Bæði þingin eru í Reykjavík.
Félagstíðindi 1. tbl. er gefið út umsjónarmaður er Stefán Pálsson. Heimdallarsíða í Vísi ,, Gjallarhorn" er í Vísi öðru hvoru á stafsárinu, Sigurður Ágúst Jensson, Jóhannes Long, og Pétur Kjartansson önnuðust ritstjórn síðunnar.
Miklir fjárhagserfiðleikar steðja að félaginu á árinu og eiga þeir rót sína að rekja til byggingar félagsheimilisins. Stöðugur liður á dagskrá stjórnarfunda er ,, Fjármál félagsins" . Síðast á starfsárinu fer að rofa til og segja má að búið sé að yfirstíga fjárhagsvandamálin vegna félagsheimilisins við lok þessa starfsárs.
Sjórnin heldur 51 bókaðan stjórnarfund, 2 fulltrúaráðsfundir eru haldnir. framkvæmdastjóri er Árni Ólafur Lárusson.
Starfsár 1968 -1969
Aðalfundur er haldinn 24. október og fer fram að venjulegum hætti. Formaður er kjörinn Steinar Berg Björnsson. Stuttu eftir aðalfund sagði einn stjórnarmanna sig úr stjórninni, en fulltrúaráð félagsins velur nýjan mann í hans stað.
Félagsheimilið er mikið notað á starfstímabilinu. Haldin eru mörg umræðukvöld, skemmtikvöld og kvikmyndakvöld. Heimdallarfélagar í M.R. og M.H. halda sameiginlega jólagleði í félagsheimilinu þann 27. desember og Heimdallarfélagar í Hagaskóla hafa þar jólagleði kvöldið eftir. Heimdallarfélagar í V.Í. og K.Í. halda síðan sameiginlegan nýársfagnað í félagsheimilinu þann 2. janúar. Mjög vel var vandað til þessara skemmtana og þátttaka almenn.
Á starfsárinu er efnt til 8 fjáröflunardansleikja. Haldin er hausthátíð á Hótel Sögu þann 29. ágúst og eru ræðumenn þeir Jóhann Hafstein og Steinar Berg Björnsson.
Klúbbfundir eru sex á starfsárinu. 2. nóvember Magnús Jónsson ,, Hvernig er eðlilegast að mæta efnahagsvandanum". 7. desember Hannibal Valdimarsson ,, Horfur í verkalýðsmálum að loknu A.S.Í. þingi". 18. janúar Aron Guðbrandsson ,, Aðild Íslands að NATO" . þ. 15. febrúar Sigurður Bjarnason ,, Prent- og skoðanafrelsi á Íslandi". 29. febrúar Bjarni Benediktsson ,, Stjórnmálaviðhorfið" og 26. apríl Einar Sigurðsson ,, Atvinnurekstur í sjávarútvegi og fiskiðnaði."
Dagana 8. og 9. febrúar er haldin ráðstefna um kjördæmamálið. Skoðanir manna eru mjög skiptar á ráðstefnunni.
Önnur fundarstarfsemi er mjög blómleg. 9. janúar er fundur um efnið ,, Er pólitískt vald í nefndum og ráðum hins opinbera óhóflegt?" Frummælendur Halldór Blöndal og Jón E. Ragnarsson. 13. febrúar ,, Stjórnmálaflokkarnir og áhrif kjósenda á starf þeirra". Frummælendur Haraldur Blöndal og Friðrik Sophusson. 21. apríl ,, Atvinnumál skólafólks", frummælandi Ingólfur Jónsson. Almennur borgarafundur er 26. febrúar um mjólkursölumál. Frummælendur: Björg Stefánsdóttir, Höskuldur Jónsson, Sigurður Magnússon og Vignir Guðmundsson. Fundinn sóttu um 800 manns. 1. marz er almennur fundur um íþróttamál. Frummælendur Alfreð Þorsteinsson, Torfi Tómasson, Þorsteinn Hallgrímsson og Hannes Þ. Sigurðsson. Fundurinn var mjög fjölsóttur. Efnt var til kappræðufunda Heimdallar og Félags ungra Framsóknarmanna í Reykjavík. 2. febrúar um Utanríkismál. Framsögumenn Heimdallar voru Jón E. Ragnarsson og Hörður Einarsson og 2. marz um Efnahagsmál. Framsögumenn Heimdallar voru Steinar Berg Björnsson og Syrmir Gunnarsson. Fundirnir voru fjömennir og umræður fjörugar. Allmargir kynningarfundir voru haldnir með Heimdallarfélögum úr framhaldsskólunum og nýjum félögum.
Stjórn Heimdallar sigrar stjórn S.U.S. í handknattleik, en dómari í leiknum var Geir Hallgrímsson. Stjórn S.U.S. brást vel við ósigrinum og boðar til sameiginlegs Stjórnarfundar Heimdallar og S.U.S.-stjórnar.
Málfundanámskeið er í lok janúar Ólafur B. Thors er leiðbeinandi á námskeiðinu.
Haldinn er sameiginlegur fundur stjórnar Heimdallar, stjórn Týs í Kópavogi og Stefnis í Hafnarfirði í félagsheimili Heimdallar 25. nóvember.
Efnt er til 7 umræðukvölda í félagsheimilinu fyrri hluta starfsársins og voru gestir félagsins á þeim Guðmundur H. Garðarson, Baldvin Tryggvason, Magnús Þórðarson, Höskuldur Jónsson, Styrmir Gunnarsson og Guðmundur J. Guðmundsson.
Tvær kynnisferðir á Keflavíkurflugvöll eru farnar seinni hluta vetrar og 28. júní er farin kynnisferð í Búrfell og þann 9.ágúst í Álverið í Straumsvík.
Auglýsingablaði er dreift í desember og eru ritstjórnar þess Ingvar Sveinsson og Páll Stefánsson.
Um haustið er haldið S.U.S. þing á Blönduósi og sækja það um 70 Heimdallarfélagar.
Framkvæmdastjóri á starfsárinu er Páll Stefánsson. Stjórnin heldur 51 bókaðan stjórnarfund og efnt er til 3 fulltrúaráðsfunda. 7 starfsnefndir voru skipaðar. Félagið er rekið með nokkru tapi á starfsárinu.
Starfsár 1969-1970
Aðalfundur er haldinn 15. október. Formaður er kosinn Pétur Sveinbjarnarson. Á aðalfundinum er samþykkt lagabreyting, sem kveður á um fjölgun í fulltrúaráði félagsins úr 67 í 90 fulltrúa.
Starfsemi fulltrúaráðs félagsins er mikil og haldnir eru 6 fulltrúaráðsfundir, þar sem rætt var um félagsstarfið, og starfsemi Sjálfstæðisflokksins og borgarstjórnarkosningar.
Klúbbfundir eru með svipuðu sniði og undanfarin ár. 1. nóvember ,, Borgarmál og væntanlegar borgarstjórnarkosningar" Geir Hallgrímsson. 17. janúar ,, Straumhvörf í íslenzkum atvinnumálum", Ragnar Halldórsson. 24. febrúar ,,Reykjavík framtíðarinnar", Birgir Ísl. Gunnarsson, 1.apríl ,,Verðgæslufrumvarpið og framvinda mála", Jóhann Hafstein, 8,október ,,Staða Sjálfstæðisflokksins -Myndun nýs ráðuneytis- Verkefni komandi þings". Jóhann Hafstein. Fram að þessu eru klúbbfundir alltaf í hádeginu á laugardögum, en nú er tekin upp sú nýbreytni, að 3 klúbbfundir eru haldnir á fimmtudagskvöldum, jafnframt er framámönnum úr nokkrum ópólistískum samtökum boðið sérstaklega á klúbbfundi. Þessi nýbreytni gefst vel.
Mikil starfsemi er í félagsheimilinu. ,,Opið hús" er í hverri viku og þar er um fjölþætta starfsemi að ræða eins og áður, kvikmyndakvöld, umræðufundir og jólagleði fyrir framhaldsskólanema og fyrir gagnfræðaskólanema. Gestir félagsins á umræðukvöldum eru Styrmir Gunnarsson, Matthías Jóhannessen, Björn Thors, Þorsteinn Thorarensen, Jónas Kristjánsson og Magnús L. Sveinsson.
Efnt er til sérstakra kvennakvölda. Þann 22. janúar sýnir María Dalberg andlitssnyrtingu og þann 22.apríl flytur Elín Pálmadóttir erindi og Margrét Kristinsdóttir sýnir tilbúning ýmissa smárétta. Kvennakvöldin takast mjög vel.
Kynningarfundir eru haldnir með nemendum einstakra skóla og nýjum félagsmönnum.
Í nóvember og desember er fluttur erindaflokkur um skipulag og starf Sjálfstæðisflokksins. Flutt eru þrjú erindi: ,,Landsfundur - flokksráð - miðstjórn - kjördæmin utan Reykjavíkur og þingflokkur", Þorvaldur Garðar Kristjánsson, ,,Hverfaskiptingin og nýtt skipulag í Reykjavík", Hörður Einarsson ,,Samband ungra Sjálfstæðismanna og tengsl þess við Sjálfstæðisflokkinn", Ellert B. Schram.
Þá er einnig í nóvember og desember málfundanámskeið þar sem þeir Guðmundur H. Garðarsson og Magnús L. Sveinsson eru leiðbeinendur og síðan stjórnmálafræðsla, þar sem flutt eru erindin ,,Stjórnmálasaga Íslands frá 1830", Sigurður Líndal og ,,Almenningstengsl", Konráð Adolphsson.
Í janúar er efnt til fundar um efnið ,,Á varnarliðið að fara?". Framsögumenn Ásmundur Einarsson og Jón Magnússon. 19 . marz er fundur um ,,Stefnuskrá Heimdallar í borgarmálum" og háður er kappræðufundur við Félag ungra Framsóknarmanna um borgarmál. Ræðumenn Heimdallar eru Birgir Ísl. Gunnarsson, Ólafur B. Thors og Markús Örn Antonsson.
Ráðstefna er í nóvember í samvinnu við S.U.S. ,,Hvað er EFTA", Framsögumenn eru Guðmundur Magnússon, Davíð Sch. Thorsteinsson, Hilmar Fenger og Þórir Einarsson.
Íslenzkir atvinnuvegir eru kynntir með erindum, kvikmyndasýningum og kynnisferðum. Á meðan á kynningunni stendur er félagsheimili Heimdallar skreytt með ýmsum munum og myndum sem minntu á viðkomandi atvinnuveg.
Þeir sem flytja erindi á kynnigunni eru Bjarni Björnsson, Sveinn Guðmundsson, Már Elísson, Þorsteinn Gíslason, Guðmundur H. Garðarsson og Albert Guðmundsson.
Síðari hluti starfsársins mótast verulega af borgarstjórnarkosningum. Prófkjör fór fram í marz og gaf félagið út blaðið ,,Ungt fólk" en þar voru ungir frambjóðendur kynntir og öllum Heimdallarfélögum 18-21 árs er ritað bréf og þeir hvattir til að taka þátt í prófkjörinu.
Í janúar og febrúar er efnt til skoðanakönnunar meðal almennings um borgarmál og vakti það mikla athygli. Yfir 200 einstaklingar og fjölskyldur voru heimsóttar. Reyndu pólitískir andstæðingar að gera könnunina tortryggilega á allan hátt en höfðu ekki erindi sem erfiði.
Í sambandi við borgarstjórnarkosningarnar var efnt til tveggja rabbfunda með Geir Hallgrímssyni. Gefið var út blaðið ,,Borgin okkar", sem dreift var til allra nýrra kjósenda, sendir út dreifimiðar og haldnar tvær skemmtanir á Hótel Sögu. Á kosninganóttina hafði félagið opið hús í Sigtúni, þar sem fylgst var með kosningatölum og sigri fagnað.
Auk þeirrar útgáfustarfsemi, sem getið hefur verið um er gefið út viðskiptablað, í desember. Ritstjórar voru Páll Stefánsson og Ingvar Sveinsson. Þá komu einnig Heimdallarsíður í Morgunblaðinu og Vísi öðru hvoru.
4 fjáröflunardansleikir eru haldnir á starfsárinu en félagið er þó rekið með nokkru tapi.
Framkvæmdastjóri er Páll Stefánsson. Stjórnin heldur 45 bókaða stjórnarfundi og 6 starfsnefndir eru skipaðar.
Starfsár 1970-1971
Aðalfundur er haldinn 29. október. Formaður er kjörinn Pétur Sveinbjarnarson.
Starfsemin í félagsheimilinu fer fram með líku sniði og undanfarin ár og 30. nóvember er aðsóknin að skemmtikvöldi svo mikil að opna verður sal á miðhæð hússins í Valhöll v. Suðurgötu. Jólagleði er haldin í Sigtúni 28. desember og var hún fjölsótt.
Starfsemin einkennist mjög af Alþingiskosningum sem fram fóru vorið 1971. Fundarstarfsemi hófst með fundi þann 14. nóvember ,,Skoðanakannanir og prófkjör", Ólafur Björnsson. Síðan eru þessir fundir: þann 21.nóvember klúbbfundur ,,Íslenzka bankakerfið", Jónas Haralz, þann 1.desember rabbfundur um ,,Neyzlu fíkniefna", Guðlaugur Bergmann, þann 2.febrúar ,,Baráttumál Heimdallar, Þorsteinn Pálsson, þann 11.febrúar ,,Róttæk Sjálfstæðisstefna", Ellert B. Schram.
Kappræðufundir voru tveir. Sá fyrri var 18. janúar við Alþýðubandalagið ,,Aðild Íslands að Atlantshafsbandalaginu og varnir landsins". Ræðumenn Heimdallar voru Ellert B. Schram, Friðrik Sophusson og Jón Magnússon. Aðsókn að þessum fundum var eins og áður, mjög mikil og urðu nokkur blaðaskrif um báða þessa fundi, sérstaklega þann síðari, enda kosningar á næsta leiti.
Í febrúar er námskeið í Ræðumennsku og fundarsköpum undir stjórn Víglundar Þorsteinssonar og Friðriks Sophussonar og margir Heimdallarfélagar sækja stjórnmálakynningu sem S.U.S. gengst fyrir.
Leshringur um ,,Frelsið" eftir J.S. Mill starfar. Umsjónarmaður er Jón Hnefill Aðalsteinsson.
Landsfundur Sjálfstæðisflokksins er í apríl og sækja hann um 60 fulltrúar frá Heimdalli og stjórn Heimdallar býður ungum landsfundarfulltrúum til hófs í félagsheimilinu meðan á landsfundi stendur.
Í tilefni alþingiskosninganna efnir félagið til 5 hverfafunda með ungu fólki, þar sem Ellert B. Schram flutti ávarp. Gefin eru út 5 tölublöð af blaðinu ,,Ungt fólk" og því dreift á heimili, skóla og vinnustaði. Þá voru gefin út 2 tölublöð í bæklingsbroti og var annað þeirra sent öllum nýjum kjósendum. Ritstjórn önnuðust Ásmundur Einarsson og Páll Stefánsson. Tvö skemmtikvöld voru á Hótel Sögu og var öllum nýjum kjósendum sent boðskort. Auk framangreinds tóku Heimdallarfélagar nú sem áður virkan þátt í kosningaundirbúningnum og kosningabaráttunni. Kosninganóttina var hlustað á kosningatölur í Sigtúni, en að þessu sinni þótti mönnum ekki ástæða til að fagna sigri, þar sem fyrstu tölur sýndu að flokkurinn hafði beðið ósigur í kosningunum.
S.U.S. þing var haldið í september á Akureyri og það sóttu um 90 Heimdallarfélagar. Spjaldskrá félagsins var sett inn á I.B.M. kerfi og var það til mikilla bóta.
Tveir fjáröflunardansleikir eru haldnir og gefin út tvö viðskiptablöð í desember og ferðamálablað í ágúst. Ritstjórn önnuðust Ingvar Sveinsson og Páll Stefánsson. Þrátt fyrir þetta er tap á rekstri félagsins sem fyrr.
Framkvæmdastjóri er Páll Stefánsson og honum til aðstoðar er Pétur J. Eiríksson meðan á kosningabaráttunni stendur. 1 fulltrúaráðsfundur er haldinn og 5 starfsnefndir eru skipaðar.
Starfsár 1971-1972
Aðalfundur er haldinn 28. október. Formaður er kjörinn Markús Örn Antonsson. Á fundinum voru samþykkt ný lög fyrir Heimdall og félaginu breytt í Samtök ungra Sjálfstæðismanna í Reykjavík.
Starfsemi í félagsheimilinu er með sama sniði framan af starfsárinu, en síðari hluta þess missir félagið aðstöðu sína í Valhöll við Suðurgötu og flytur í Galtafell við Laufásveg.
Í nóvember er efnt til ráðstefnu um Öryggismál Íslands. Gestir ráðstefnunnar voru fulltrúar Sjálfstæðisflokksins í utanríkismálanefnd Alþingis. Í lok ráðstefnunnar var samþykkt ítarleg ályktun um Utanríkis- og varnarmál.
Kynningarfundir með skólanemum eru haldnir og þann 29. febrúar er klúbbfundur um efnið ,,Starfsemi Ríkisútvarpsins", Njörður P. Njarðvík. Dagana 23.-24. og 29. febrúar eru umræðukvöld um skólamál sem S.U.S. og Heimdallur hafa samvinnu um. Framsögumenn eru Jóhann Hannesson, Jón Magnússon, Sigurður Georgsson, Árni Ól. Lárusson og Sturla Böðvarsson.
Í febrúar er haldinn fundur með borgarfulltrúum Sjálfstæðisflokksins.
Aðgerðir og stefna ríkisstjórnar Ólafs Jóhannessonar var umræðuefni á kappræðufundi Heimdallar og Félags ungra Framsóknarmanna þann 14. janúar og voru ræðumenn af hálfu Heimdallar Anders Hansen, Ellert B. Schram og Jakob R. Möller. Fundurinn var afar fjölemennur.
Á tímabilinu 28.marz til 2.maí eru 6 umræðukvöld um efnið ,,Lýðræði í raun" og þar flytja framsögu Sigurður Líndal, Jón Hnefill Aðalsteinsson, Kristján J. Gunnarsson, Þór Vilhjálmsson, Styrmir Gunnarsson og Jón Steinar Gunnlaugsson.
Um haustið var þjóðaratkvæðagreiðsla í Noregi um aðild Noregs að E.B.E. Úrslitin urðu á þann, að meirihluti Norðmanna sagði NEI. Í tilefni þessa var fenginn ungur Norðmaður hingað til lands, Rune Gerhardsen, sem hafði staðið framarlega í hóði þeirra, sem voru á móti aðild og hafði hann framsögu á fundi félagsins 5. október um efnið ,,Af hverju sögðu Norðmenn nei".
Málfundanámskeið var haldið og var Vilhjálmur Þ. Vilhjálmsson leiðbeinandi.
Félagið átti 45 ára afmæli á árinu og var haldið upp á það með veglegum afmælisfagnaði á Hótel Loftleiðum 15. febrúar. Fjölmenni var og sóttu fagnaðinn bæði eldri og yngri Heimdallarfélagar og tókst hann afar vel. Í tilefni afmælisins var gefið út afmælisrit 24 síður, sem dreift var í Reykjavík.
Efnt var til nokkurra skemmtana. Tvisvar sinnum var diskótekkvöld í Dansskóla Hermanns Ragnars og Jónsmessuvaka með sérstæðu sniði var í Glæsibæ 28. september, auk þess voru 3 fjáröflunardansleikir.
Dagana 22.-24. september var farin kynnisferð til Akureyrar. Rætt var við unga Sjáfstæðismenn og haldinn sameiginlegur fundur með Verði F.U.S. á Akureyri um efnið ,,Akureyri og staða byggðaþróunar á Íslandi". Framsögumenn: Bjarni Einarsson, Lárus Jónsson og Áskell Einarsson.
Félagið útbjó dreifimiða sem var dreift í 4000 eintökum 1. maí til að vekja athygli á gífurlegum verðhækkunum í tíð stjórnar Ólafs Jóhannessonar.
Mótmælastaða var við rússneska sendiráðið 22. og 24. júní til að mótmæla kúgun og ófrelsi í Rússlandi og leppríkjum þeirra. Jafnfram var dreift fjölrituðum fjórblöðungi og starfsmanni sendiráðsins afhent mótmælabréf.
4 viðskiptablöð voru gefin út. Ritstjórn önnuðust Ingvar Sveinsson og Páll Stefánsson. Samt sem áður er tap á rekstri félagsins.
Starfsnefndir voru 5 á árinu. Framkvæmdastjóri var Páll Stefánsson til áramóta, en þá tók Ingvar Sveinsson við og gegndi framkvæmdastjórastöðu út starfsárið. Fulltrúaráðsfundir voru 3 og samþykkti einn þeirra ályktun þar sem skorað er á þjóðina að standa saman um útfærslu landhelginnar í 50 mílur.
Starfsár 1972-1973
Kjördæmisþing er haldið 14. nóvember. Kosið er um formann í fyrsta skipti um langt skeið. Í framboði eru Árni Bergur Eiríksson og Skúli Sigurðsson kjörinn formaður. Samþykkt er lagabreyting þess efnis að kjördæmisþing skuli ekki haldið síðar en 15. október í stað 20. nóvember. Lögð voru fram drög að stjórnmálaályktun sem var samþykkt með nokkrum breytingum.
Eins og áður er frá skýrt, versnaði starfsaðstaða félagsins verulega þegar Valhöll v. Suðurgöru var seld. Heimdallur fékk þó fljótlega aðstöðu í Miðbæ við Háaleitisbraut og var sú aðstaða betri en engin, þó hún væri til muna lakari en félagið hafði áður búið við.
Kappræðufundir Heimdallar og æskulýðsnefndar Alþýðubandalagsins um efnið ,,Stefna ríkisstjórnarinnar" var 12.marz. Ræðumenn Heimdallar voru Davíð Oddsson, Friðrik Sophusson og Jón Magnússon. Kappræðufundur Heimdallar og Félags ungra Framsóknarmanna í Reykjavík um ,,Störf stjórnarandstöðunnar" var 9. apríl. Ræðumenn Heimdallar voru Ellert B. Schram, Geir Waage og Haraldur Blöndal. Fundir þessir voru fjölmennir að vanda.
Starfshópur um utanríkismál starfaði í apríl og hélt allamarga fundi.
Landsfundur Sjálfstæðisflokksin var haldinn 6.-9. maí. Fulltrúar Heimdallar voru um 50. Stjórn Heimdallar hafði síðdegisboð fyrir fulltrúa ungra Sjálfstæðismanna á fundinum.
Námskeið í ræðumennsku og fundarsköpum var haldið í marz. Leiðbeinendur voru Friðrik Sophusson, Guðni Jónsson, Jón G. Zoega, Pétur Sveinbjarnarson og Vilhjálmur Þ. Vilhjálmsson.
Fjáröflunardansleikur vegna elgossins í Vestmannaeyjum var 1. febrúar og var ágóðinn af dansleiknum kr. 172.030. -afhentur Rauða Krossi Íslands.
Dagana 7.-9. september var haldið S.U.S. þing á Egilsstöðum. Fulltrúar Heimdallar á þinginu voru 120 og hafa vart í annan tíma verið fleiri á S.U.S. þingi, enda mikið í húfi að margra áliti.
Tveir fjáröflunardansleikir voru haldnir og gefin voru út 5 viðskiptablöð undir ritstjórn Ingvar Sveinssonar og Páls Stefánssonar.
Gjallarhorn, málgagn Heimdallar kemur út eftir margra ára hlé. Gefið er út 1 tölublað. Ritstjórar eru Árni Bergur Eiríksson og Geir Waage.
Framkvæmdastjórar eru þeir Sigtryggur Jónsson til áramóta en Ingvar Sveinsson frá áramótum. Fulltrúaráðsfundir eru 2 og bókaðir stjórnarfundir 27. Félagið er rekið með hagnaði á árinu. Tvær starfsnefndir starfa.
Starfsár 1973-1974
Kjördæmisþing er haldið 13.október. Formaður er kjörinn Már Gunnarsson.
Fundarstarfsemin er enn sem fyrr burðarásinn í starfsemi félagsins og á starfsárinu eru haldnir fjölmargir fundir um utanríkismál, enda voru utanríkismál þá mjög til umræðu. Í nóvember er haldinn fundur um utanríkismál og er Geir Hallgrímsson frummælandi. Í nóvember starfar leshringur um utanríkismál sem heldur fjóra fundi. Í janúarbyrjun hefur Baldur Guðlaugsson síðan framsögu um efnið ,,Heimsmynd Henry Kissingers".
Af annarri fundarstarfsemi er helst að nefna kynningarfund með nýjum félögum í nóvember. Almennur fundur um Skattamál í desember, þar sem Gunnar Thoroddsen hafði framsögu. Leshringur um borgarmál starfaði og hélt hann 4 fundi um sinn málaflokk og almennur félagsfundur um ,,Sjálfstæði Reykjavíkur og annarra sveitarfélaga" er í febrúar. Þar var málshefjandi Birgir Ísleifur Gunnarsson.
Um miðjan janúar var ráðstefna um efnið ,,Stefnuskrá Sjálfstæðisflokksins". Frummælendur á ráðstefnunni voru þeir Gunnar Thoroddsen, Björn Bjarnason, Þorvaldur Búason, Albert Guðmundsson, Baldvin Tryggvason og Jón Steinar Gunnlaugsson. Að loknum ræðum framsögumanna var starfað í starfshópum, sem hver um sig skilaði álitsgerð um sinn málaflokk.
Starfshópur um skipulagsmál Reykjavíkur starfaði í febrúar og marz. Umsjónarmaður var Kjartan G. Kjartansson.
Í marzmánuði er gegnist fyrir undirbúningsfundi vegna stofnunar Byggingarfélags. Í framhaldi af þeim fundi er síðan stofnað Byggingarfélag Ungs fólks ,,Byggung" og er formaður þess kjörinn Þorvaldur Mawby.
Málfundanámskeið er haldið í febrúar og er leiðbeinandi Guðni Jónsson.
Fimm skemmtikvöld í Miðbæ við Háaleitisbraut eru haldin í ársbyrjun 1974 og takast vel og árshátíð er haldin 30. marz, en árshátíð hafði þá ekki verið haldin um alllangt skeið. Þá er tekin upp sú nýbreytni að fara í gönguferðir á nálæg fjöll. Farið er í tvær slíkar og gengið á Esju í þeirri fyrri en á Hengil í þeirri síðari.
Efnt er til mótmælastöðu við rússneska sendiráðið þann 14. febrúar vegna brottvísunar rithöfundarins Solzhenitsyn frá föðurlandi sínu og var sendiráðsstarfsmanni afhent mótmælaályktun stjórnar Heimdallar. Í mótmælastöðunni tóku þátt fjöldi manna.
Seinni hluti starfsársins einkenndist af kosningaundirbúningi en tvennar kosningar voru á starfsárinu. Kosningar til bæjar- og sveitarstjórna og Alþingiskosningar.
Prófkjör var viðhaft vegna framboðs flokksins til Borgarstjórnar og gaf Heimdallur út blaðið ,,Ungt fólk", til að kynna unga frambjóðendur í prófkjörinu.
Gengist var fyrir tveim kosningahátíðum á Hótel Sögu, þar sem ungir frambjóðendur töluðu og sungu og heppnuðust þær mjög vel, þrátt fyrir ofangreindan söng. Heimdallur annaðist einnig um fjórblöðung í Morgunblaðinu undir fyrirsögninni ,,Með ungu fólki". Þá var haldinn sérstæður útifundur við verzlunarmiðstöðina í Glæsibæ, en þar ávarpaði Davíð Oddsson vegfarendur og svaraði fyrirspurnum um borgarmál.
Ungum kjósendum var sent bréf, þar sem bent var á mikilvægi þess að neyta atkvæðisréttarins og 8. júní er klúbbfundur um efnið ,,Hvað er framundan fyrir Sjálfstæðisflokkinn". Málshefjandi er Ellert B. Schram.
Auk þeirrar útgáfustarfsemi, sem að framan er getið eru gefin út 4 viðskiptablöð. Umsjón með þeim hafa Dan Wium, Sigurður Páll Óskarsson og Ragnar Einarsson. Þá eru haldnir tveir fjáröflunardansleikir og félagið er rekið með hagnaði á árinu.
Um 40 fulltrúar Heimdallar sækja aukaþing S.U.S. á Þingvöllum um haustið.
Framkvæmdastjórar á starfsárinu eru þeir Dan Wium, Gústaf Níelsson og Björn Hermannsson. Fulltrúaráðsfundir eru tveir og bókaðir stjórnarfundir 38, starfsnefndir eru 3.
Starfsár 1974-1975
Kjördæmisþing er haldið 12. október. Formaður er kjörinn Már Gunnarsson. Stjórnmálaályktun er afgreidd á framhaldsfundi.
Húsnæðisaðstaða félagsins á þessu starfsári er sú sama og næsta ár á undan.
Klúbbfundir verða nú aftur veigameiri liður í starfseminni en undanfarin ár og eru haldnir 4 klúbbfundir: 13. desember ,,Fjárlögin og efnahagsstefnan", Matthías Á Mathiesen, 8. febrúar ,,Stjórnmálaviðhorfið", Geir Hallgrímsson, 8. marz ,,Iðnaðar- og orkumál", Gunnar Thoroddsen, 22. marz ,,Ísland eftir 10 ár", Jónas Haralz.
Klúbbfundir þessir voru misjafnlega sóttir en enginn fjölmennur nema sá síðasti.
Kynningarfundur með nýjum félögum er haldinn í nóvember og stjórnmálanefnd heldur allmarga opna fundi.
Sú starfsemi félagsins sem mesta athygli vekur þetta starfsár, er án nokkurs vafa þrír almennir fundir sem allir voru mjög vel sóttir og vöktu mikla athygli. Sá fyrsti ,,Þýðing landbúnaðar fyrir þjóðarbúið". Málshefjendur Ingólfur Jónsson og Jónas Kristjánsson. Næsti almenni fundurinn ber heitið ,,Er framkvæmdastofnunin ,,óskabarn" Sjálfstæðisflokksins". Málshefjendur Sverrir Hermannsson og Þorsteinn Pálsson. Þá er haldinn almennur fundur um efnið ,,Hvar eru þingmenn Reykjavíkur". Málshefjendur Albert Guðmundsson og Birgir Ísl. Gunnarsson.
Í febrúar er ráðstefna í Borgarnesi í samvinnu við Kjördæmasamtök ungra Sjálfstæðismanna í Reykjaneskjördæmi og Vesturlandskjördæmi. Fjallaði ráðstefnan um byggðastefnu og byggðaþróun. Málshefjendur voru: Björn Arason, Ólafur G. Einarsson, Ásgeir Pétursson, Árni Emilsson, Markús Örn Antonsson. Ráðstefnustjóri var Magnús Gunnarsson.
Landsfundur Sjálfstæðisflokksins var í maí og var boðað til ráðstefnu um baráttumál ungs fólks í apríl. Ráðstefnan var liður í stefnumótun Heimdallar fyrir landsfundinn. Málshefjendur voru: Karl J. Ottósson, Friðrik Sophusson, Tryggvi Gunnarsson og Vilhjálmur Þ. Vilhjálmsson.
Námskeið í ræðumennsku, fundarstjórn og almennum félagsstörfum var í febrúar. Leiðbeinendur voru Guðni Jónsson, Friðrik Sophusson, Jón G. Zoega og Pétur Sveinbjarnarson. Í kjölfar námskeiðsins fylgdi stjórnmálafræðsla þar sem tekin voru fyrir eftirtalin efni: ,,Saga og starfshættir stjórnmálaflokkanna", Sigurður Líndal, ,,Utanríkis- og öryggismál", Baldur Guðlaugsson, ,,Markmið og leiðir í efnahagsmálum", Jónas Haralz, ,,Sjálfstæðisstefnan", Gunnar Thoroddsen, ,,Launþegamál", Brynjólfur Bjarnason og Guðmundur H. Garðarsson.
Fjölsótt skemmtun var í marz, en ferðalög á vegum félagsins gengu ekki vel, því að verðurguðirnir voru sérlega erfiðir göngufúsum Heimdellingum og þurfti að aflýsa gönguferðum þrívegis vegna veðurs.
Byggung fékk úthlutað lóð á starfsárinu og hófust þar framkvæmdir við fjölbýlishús á vegum félagsins.
Um 60 fulltrúar Heimdallar sóttu þing S.U.S. í Grindavík 12.-14. september, og um 70 fulltrúar Heimdallar sátu Landsfund Sjálfstæðisflokksins 3.-6. maí.
Tvö auglýsingablöð eru gefin út og 3 fjáröflunardansleikir eru haldnir og nokkur hagnaður verður á árinu.
Framkvæmdastjóri er Björn Hermannson. 1 Fulltrúaráðsfundur er haldinn, 3 starfsnefndir starfa og stjórnin heldur 32 bókaða stjórnarfundi.
Starfsár 1975-1976
Kjördæmisþing er haldið 1. nóvember. Tveir frambjóðendur eru til embættis formanns, þeir Jón Magnússon og Þorvaldur W.H. Mawby og var Jón Magnússon kjörinn formaður. Aðalfundurinn var einn sá fjölsóttasti ef ekki sá fjölsóttasti aðalfundur félagsins frá upphafi.
Húsnæðisðastaða félagsins versnaði á árinu og var hún þó ekki góð fyrir. Húsnæðinu við Háaleitisbraut var sagt upp í desember og félagsaðstaða í Sjálfstæðishúsinu komst ekki í viðundandi horf fyrr en haustið 1976.
Enn sem fyrr er fundarstarfsemin burðarásinn í félagsstarfinu. Klúbbfundir eru eins og árið á undan, veigamikill liður, en nú eru þeir, að einum undanskildum, á þriðjudags- eða fimmtudagskvöldum en ekki hádegi á laugardögum eins og verið hafði. Aðsókn að klúbbfundum jókst vegna þessara breytinga. Klúbbfundir voru 4: þann 22. nóvember ,,Fjárlögin og þrýstihóparnir", Matthías Á. Mathiesen, 22. janúar ,,Landhelgismálið", Geir Hallgrímsson, 24. febrúar ,,Fyrirgreiðslulýðræðið", Vilmundur Gylfason, 25. marz ,,Störf og stefna Alþýðubandalagsins", Ragnar Arnalds.
Almennur fundur er um efnið ,,Hvernig á að breyta námslánakerfinu", er í nóvember. Málshefjandi er Ellert B. Schram. Í febrúar urðu mjög víðtæk verkföll og var efnt til fundar um efnið ,,Eru verkföll úrelt tæki í nútíma verkalýðsbaráttu". Málshefjendur voru: Barði Friðriksson og Magnús L. Sveinsson. ,,Er verið að drepa einkaframtakið", er efni fundar 1. apríl. Málshefjendur eru þeir Jónaz Haralz, Jón Sólnes og Albert Guðmundsson. Fundur þessi var mjög fjölsóttur.
Í janúar eru haldnir þrír fundir með Heimdallarfélögum í framhaldsskólunum, rætt um stöðu félagsins í viðkomandi skólum og framtíðarverkefni.
Ragnhildur Helgadóttir kemur á þingmannakvöld í marzlok og ræðir um þau þingmál sem efst eru á baugi og Guðmundur H. Garðarsson kemur á opinn stjórnarfund í maí og ræðir um frumvarp sitt um lífeyrissjóði.
Í samvinnu við Vörð f.u.s. á Akureyri er efnt til ráðstefnu á Akureyri um kjördæmamál, kosningareglur og starfshætti Alþingis. Málshefjendur eru Halldór Blöndal, Jón St. Gunnlaugsson, Jón Magnússon, Vilhjálmur Þ. Vilhjálmsson og Þorsteinn Pálsson. Í lok ráðstefnunnar er samþykkt ályktun um málefni ráðstefnunnar.
Í febrúar er námskeið í ræðumennsku, fundarstjórn og almennum félagsstörfum. Leiðbeinendur eru þeir Guðni Jónsson, Friðrik Sophusson, Pétur Sveinbjarnarson og Jón G. Zoega. Í kjölfar námskeiðsins er síðan stjórnmálafræðsla þar sem tekið er fyrir efnið íslenzk stjórnmál: ,, Íslenzk stjórnmál 1918-1944", Birgir Kjaran, ,, Íslenzk stjórnmál 1944-1956", Þór Vilhjálmsson, ,,Vinstri stjórnir, verk þeirra og viðskilnaður", Gunnar Thoroddsen, ,,Viðreisnarstjórnin", Ellert B. Schram, ,,Hvað er framundan í íslenzkum stjórnmálum", Geir Hallgrímsson.
Tvö auglýsingablöð voru gefin út. Umsjón önnuðust Páll Stefánsson, Björn Hermannsson og Ingvar Sveinsson. Fjáröflunardansleikir voru hinsvegar engir enda fékkst ekki leyfi til slíks dansleikjahalds, þrátt fyrir samræmdar aðgerðir allra ungpólitísku félaganna í Reykjavík. Hagnaður er samt sem áður verulegur á árinu.
Gjallarhorn, málgagn félagsins er nú gefið út á nýjan leik eftir nokkurt hlé. 4 tölublöð koma út og er þeim dreift til félagsmanna og í skóla og á vinnustaði. Ritstjórn 3. tölublaðs annaðist Vilhjálmur Þ. Vilhjálmsson, en þeir Hreinn Loftsson og Skafti Harðarson önnuðust ritstjórn á 1. tölublaði.
Handhægar inntökubeiðni eru útbúnar og þar er getið um helztu stefnumál félagsins.
Starfshópur um utanríkis- og varnarmál heldur allmarga fundi á árinu.
Stjórnin samþykkir allmargar ályktanir, sem birtast í fjölmiðlum, sumar vekja allmikla athygli, t.d. ályktun um landhelgismál, þar sem krafizt er fullra stjórnarslita við Breta.
Framkvæmdastjóri er Hreinn Loftsson. Þrír fulltrúaráðsfundir eru haldnir. Stjórnin heldur 38 bókaða stjórnarfundi.
Starfsárið 1976-1977
Hinn geðþekki Jón Magnússon var
endurkjörinn formaður Heimdallar á kjördæmisþingi félagsins í
september 1976. Fyrir lágu ærin verkefni en meðal annars átti
Heimdallur 50 ára afmæli á starfsárinu.
Ólafur Jóhannesson, Friðrik Klemenz
Sophusson, Albert Guðmundsson og Geir Hallgrímsson komu á fundi með
Heimdellingum. Opið hús var haldið nokkrum sinnum og vilyrði fékkst
fyrir því að Heimdallur fengi aðstöðu í kjallara Valhallar til
afnota. Haldið var „Jam Session”, „diskótek”, skólakvöld
og sýndar kvikmyndir í kjallara Valhallar þá um veturinn. Komust
stundum færri að en vildu.
Stofnaðar voru tvær deildir innan
Heimdallar. Þór félag ungra sjálfstæðismanna í Breiðholti
var stofnað 10. nóvember. Félagi ungra Sjálfstæðismanna í Árbæjarhverfi
var valið nafnið Dagur. Voru deildirnar þá orðnar þrjár.
Á fimmtíu ára afmæli Heimdallar var
mikið um dýrðir. Geir Hallgrímssyni var gerður að heiðursfélaga
og afmælishóf fór fram á Þórskaffi 4. mars 1977. Veislu stýrði
Benedikt Ólafsson og þótti honum farast veislustjórnin vel úr hendi.
Gullmerki Heimdallar voru sæmdir þeir: Ólafur B. Thors, Björgólfur Guðmundsson,
Pétur Sveinbjarnarson, Páll Stefánsson, Már Gunnarsson, Hörður
Einarsson, Steinar Berg Björnsson, Páll Bragi Kristjánsson og Sigurður
Hafstein. Gerð var kvikmynd af hófinu og stjórnarfundi af þessu
tilefni. Þá heimilaði Morgunblaðið Heimdalli að sjá um áttblöðung
í blaðinu í tilefni af afmælinu.
Starfsárið 1977-1978
Kjördæmisþing Heimdallar var haldið
30. september 1977 í Valhöll. Tveir voru í framboði til embættis
formanns Heimdallar. Þeir Kjartan Gunnarsson og Júlíus Hafstein.
Sigraði Kjartan með 184 atkvæðum gegn 135 atkvæðum Júlíusar.
Fundur var haldinn á Hótel Sögu með
Geir Hallgrímssyni þar sem hann ræddi um ferð sína til Ráðstjórnarríkjanna.
Heimdallur skoraði á æskulýðsnefnd Alþýðubandalagsins að mæta
til kappræðna um einkarekstur og sósíalisma. Aðsókn var framar
öllum vonum og mættu 1300 manns á fundinn sem haldinn var í Sigtúni.
Fyrir hönd Heimdallar töluðu þeir Brynjólfur Bjarnason, Davíð
Oddsson og Friðrik Sophusson en Sigurðu G. Tómasson, Sigurður Magnússon
og Svavar Gestsson voru fulltrúar Æn.Ab.
Ekki voru allar uppákomur félagsins
rammpólitískar á starfsárinu en Jón L. Árnason heimsmeistari sveina
í skák telfdi fjöltefli við 47 Heimdellinga og bar sigur úr bítum í
44 skákum þar af. Þá var haldið tónlistarkvöld með hljómsveitinni
Melchior og óformlegt kvöldkaffi.
Fyrir kosningarnar var gefin út
kosningahandbók sem seldist dræmlega. Einnig var dreift eldspýtustokkum
með límmiðum og kosninga-gjallarhorni var dreift til nýrra kjósenda.
Í því var Friðrik Sophusson kynntur sérstaklega. Einnig var
hringt í unga kjósendur nokkur kvöld. Fjölmenni sótti kosningavökur
Heimdallar en úrslit kosninganna urðu sem kunnugt er ekki góð fyrir Sjálfstæðisflokkinn.
Starfsárið 1978-1979
Á kjördæmisþingi Heimdallar S.U.S.
17. september 1978 var Kjartan Gunnarsson endurkjörinn formaður
Heimdallar einróma. Enda var mikil ánægja með störf hans.
Árni Sigfússon starfaði sem framkvæmdastjóri Heimdallar á starfsárinu.
Heimdallur gékkst fyrir hátíð í tilefni af 60 ára afmæli fullveldis
Íslands í Glæsibæ 1. desember 1978. Þótti hátíðin hin besta
skemmtan. Almennir félagsfundir voru haldnir um friðhelgi einkalífsins
og skoðanakannir, um stjórnmálaviðhorfið og ár barnsins.
Heimdallur skoraði á vinstri flokkana til kappræðna um störf
vinstristjórnarinnar en þeir treystu sér ekki til að verja störf
hennar. Kom það lítið á óvart.
Gefin var út bókin Sjálfstæðisstefnan,
ræður og ritgerðir 1929-1979. Í henni var að finna greinar
eftir alla þá er verið höfðu formenn flokksins ásamt öðru efni.
Kjartan Gunnarsson ritaði formála að bókinni en Hannes Gissurarson
sagnfræðingur sá um útgáfuna.
Mjög öflugt starf var í framhaldsskólum og starfaði nokkur hópur
Heimdellinga í þeim flestum. Svo virtist sem í sumum skólum væru
menn lítið gefnir fyrir frelsi. Þótti það furðum sæta en
starf umræddra hópa í öðrum framhaldsskólum var yfirleitt með ágætum.
Hverfafélögin Þór, Dagur og Loki stóðu fyrir nokkurri starfsemi og héldur
meðal annars fundi með forysturmönnum flokksins. Þá voru
haldnir tveir sameiginlegir fundir stjórna félaganna og Heimdallar.
Starfsárið 1979-1980
Pétur Rafnsson tók við af Kjartani
Gunndarssyni sem formaður Heimdallar á Kjördæmisþingi Heimdallar 13.
maí 1979. Þeir Guðmundur Snorrason og Gunnlaugur Sædal voru
skipaðir framkvæmdastjórar fyrir starfsárið.
Fjöldi funda var haldinn á starfsárinu.
Voru þeir Geir Hallgrímsson, Þorsteinn Pálsson, Jón Magnússon og
Halldór Blöndal gestir á fulltrúaráðsfundum. Á almennum félagafundi
var fjallað um ríkisstjórn Gunnars Thoroddsen. Haldinn var kappræðufundur
Heimdallur og Æn. Ab. í Sigtúni og mættu á milli 800 og 900 manns á
fundinn.
Auk þess voru haldnir nokkrir opnir
fundir, jólagleði, þrettándaskemmtun, 1. maí kaffi og fleira.
Erfitt var fyrir ungt fólk að fá vinnu þá um sumarið og ákvað stjórn
Heimdallar því að opna atvinnumiðlun. Gékk hún ágætlega.
Þá var blaðaútgáfa öflug eins og venja var.
Heimdallur stóð fyrir útimarkaði í
júli, september og rétt fyrir jólin þar sem seld voru öndvegisrit á
borð við Uppreisn frjálshyggjunnar, Sjálfstæðistefnan og Frjálshyggja
Alræðishyggja.
Fjórar deildir störfuð innan félagsins
starfsárið 1979-1980 og var ein þeirra stofnuð þá á árinu.
Var starf þeirra allra með nokkrum blóma en einkenndist mikið af
kosningsundirbúning.
Starfsárið 1980-1981
Pétur Rafnsson var endurkjörinn sem
formaður Heimdallar einróma á kjördæmisþingi 1990. Kristján
Árnason viðskiptafræðinemi var skipaður framkvæmdastjóri.
Þrír fulltrúaráðsfundir voru
haldnir yfir árið og voru gestir á þeim þeir Ólafur G. Einarsson þingflokksformaður
Sjálfstæðisflokksins, Friðrik Klemenz Sophusson alþingismaður,
Styrmir Gunnarsson ritstjóri og hinn ágæti E. B. Schram ritstjóri Vísis.
Tveir kappræðufundir voru haldnir, annar í Menntaskólanum við Sund um
varnarmál en hinn í Sigtúni og fjallaði um hvert stefndi á Íslandi
og hverju þyrfti að breyta.
Haldnir voru tveir sambandsráðsfundir
á vegum S.U.S á starfsárinu. Fjölmenntu Heimdellingar á
þá báða. Sá fyrri fjallaði um forystuvanda flokksins en á síðari
fundinum var mótuð stefna fyrir Landsfund og í kjördæmismálinu.
Heimdallur gaf út Ferðamálablað, Viðskiptablað
og fyrsta ritið í ritflokknum Safnrit Heimdallar. Fyrsta ritið
bar nafnið Áratugur upplausnar og innihélt greinar um efnahagsmál
eftir Eyjólf Konráð Jónsson.
Starfsárið 1981-1982
Á kjördæmisþingi Heimdallar SUS í
Reykjavík þann 10. maí 1981 sigraði Árni Sigfússon mótframbjóðanda
sinn Björn Hermannsson með nokkrum mun í formannskosningum. Stjórnin
setti sér í upphafi fjögur markmið: að stuðla að sigri Sjálfstæðisflokksins
í borgarstjórnarkosningunum, bæta fjárhaginn, fjölga félagsmönnum
og bæta félagsaðstöðuna.
Friðrik Klemenz Sophusson, Davíð
Oddsson, Jónas H. Haraldz, Geir Hallgrímsson og Albert Guðmundsson komu
á opna fundi hjá Heimdalli á árinu ásamt fleiri góðum gestum.
Haldin voru námskeið um hagfræði, félagsmál og varnarmál auk þess
sem starfræktur var leshringur um frjálshyggju.
Heimdallur gaf út sjávarútvegsrit,
ferðamálarit, iðnaðarrit, viðskiptarrit og greinasafnið út úr vítahringnum
eftir Eyjólf Konráð Jónsson. Útgáfa Nýs skóla hófst rétt
fyrir lok 1981. Blaðið var ætlað fyrir framhaldsskóla og innhélt
að meginstefnu til greinar um skólamál en einnig greinar um önnur pólitísk
hugðarefni félagsins. Í tilefni 55 ára afmælis Heimdallar var
gefin út bókin Á grundvelli einstaklingsfrelsis.
Mikið átak var gert í húsnæðismálum
félagsins. Kjallari Valhallar var parketlagður að hluta og teppi
viðgert. Keypt voru borð og stólar þannig að félagsaðstaðan
í kjallara Valhallar batnaði til muna.
Starfsár 1982-1983
Þann 5. júní 1983 var kjördæmisþing haldið.
Árni Sigfússon var endurkjörinn sem formaður Heimdallar án mótframboðs.
Á starfsárinu voru haldnir nokkrir fundir og ráðstefnur.
Hannes Gissurarson og dr. Vilhjálmur Egilsson fluttu framsöguerindi
á fundi um efnahagsstefnu Reagans og Thatchers sem þótti afar fjörugur.
Þá var haldin fundur um frjálsann útvarpsrekstur og á honum
samþykkt ályktun í hverri fagnað var niðurstöðu útvarpslaganefndar
um afnám einkaréttar RÚV á útvarpsrekstri.
Ráðstefna var haldin um húsnæðismál og var hún mjög vel sótt.
Í febrúar 1983 var haldin ráðstefna um atvinnurekstur þar sem
fjallað var um stofnun og rekstur fyrirtækja.
Árið 1983 fóru fram kosningar til Alþingis og voru af því
tilefni haldnir fjórir fundir til kynningar frambjóðendum og stefnumálum.
Vinstrimennirnir þorðu að mæta til kappræðufundar við
Heimdall andstætt því sem verið hafði fyrir borgarstjórnarkosningar.
Töluðu Geir Haarde, Bessí Jóhannsdóttir
og Inga Jóna Þórðardóttir fyrir Heimdall en af hálfu alþýðubandalagsins
töluðu Steingrímur Sigfússon, Margrét Björnsdóttir og Álfheiður
Ingadóttir.
Opið hús var haldið reglulega á starfsárinu.
Meðal annars var sýnd heimildarmynd um lífið í Afganistan,
lesið var upp úr bókum og haldið fræðslukvöld um Pólland.
Gjallarhorn var gefið út á starfsárinu sem fyrr en einnig var gefið út
rit með erindum þeim er flutt voru á ráðstefnu um atvinnumál og bæklingur
um hvernig ungt fólk gæti eignast húsnæði.
Ferðamálarit og rit um sjávarútvegsmál komu einnig út.
Þá var gefið út rit í samvinnu við Málfundafélagið Óðinn
og verkalýðsráð þar sem fjallað var um orð forystu alþýðubandalagsins.
Þótti ritið koma illa við kauninn á þeim.
Þá var gefin út handbók fyrir framhaldsskólanema og listi yfir
starfsmenn sovéska sendiráðsins en þeir voru á við starfslið sendiráða
miljónaþjóða.
Mikil gróska var í útgáfu límmiði m.a. til að líma innan á bílrúður.
Má þar nefna límmiða með áletrununum: Nato – stærsta friðarhreyfingin,
frjáls þjóð – varið land og einhliða afvopnun – nei takk!
Starfsárið
1983-1984
Laganeminn Sigurbjörn
Magnússon var kjörinn formaður Heimdallar á aðalfundi félagsins
1983. Stjórnin hélt 31 bókaðann
fund á tímabilinu og ekki alla á hefðbundnum stöðum.
Þannig fór einn funda stjórnarinnar fór fram í Skíðaskálanum
í Hveradölum!
Haldnar voru tvær
ráðstefnur. Var sú fyrri
haldin undir merkjum hreyfingar innan Sjálfstæðisflokksins frá því
um áratug áður sem kallaðist „báknið burt”.
Voru Geir Haarde, Vilhjálmur Egilsson og Magnús Gunnarsson frummælendur.
Hin ráðstefnan fjallaði um ólögleg vímuefni.
Var meðal annars fjallað um siðferðilegar forsendur laga um fíkniefni.
Á þeim fundi sá Benedikt Bogason um barnagæslu og mæltist sú
þjónusta vel fyrir. Einnig
voru haldnir kvöldverðarfundir og fundaröð undir yfirskriftinni: „maður
er nefndur”.
Dagana 23.-25.
september var Landsþing Sambands ungra Sjálfstæðismanna haldið í
Reykjavík. Skipulagning þingsins
var í höndum framkvæmdastjórnar SUS og stjórnar Heimdallar.
Stjórn SUS og Heimdallar kepptu í knattspyrnu á þinginu og lauk
leiknum með sigri Heimdallar 4-3.
Landsfundur Sjálfstæðisflokksins
var svo haldinn 3.-6. nóvember í Sigtúni.
Tilnefndi Heimdallur 48 fulltrúa.
Stjórn Heimdallar boðaði framhaldsskólanema þá sem á
fundinum sátu til fundar þar sem rætt var um stöðu Sjálfstæðismanna
í skólum landsins. Einnig
seldi Heimdallur bókina Ósýnilega
höndin eftir Hannes Gissurarson á Landsfundinum.
Starfsárið
1984-1985
Sigurbjörn Magnússon
laganemi var sjálfkjörinn sem formaður Heimdallar á aðalfundi félagsins.
Stjórnin einsetti sér að leggja áherslu á starf í framhaldsskólum,
halda uppi öflugu félagsstarfi, minnast þess að 5 ár voru liðin frá
innrás Sovétmanna í Afghanistan og styrkja tengsl stjórnar og almennra
félagsmanna.
Sigurður Líndal
lagaprófessor ræddi við Heimdellinga um Ríki – ríkisvald – verkföll.
Þrír kvöldverðarfundir voru haldnir og eins rabbfundir undir
yfirskriftinni „maður er nefndur”.
Jólaknall Heimdallar var haldið í kjallara Valhallar ásamt Tý
í Kópavogi og Stefni í Hafnarfirði.
Sömu félög og Baldur á Seltjarnarnesi stóðu svo að
sameiginlega þorrablóti í Valhöll.
Þar gæddu menn sér á hefðbundnum þorramat og frískandi
brennivíni.
Opinberir
starfsmenn fóru í verkfall ásamt blaðamönnum í upphafi starfsársins.
Brá Heimdallur því á það ráð að senda út efni á
bylgjulengdinni FM 101 og bar útvarpsstöð þeirra sama nafn.
Þegar fimm ár
voru liðin frá innrás Ráðstjórnarríkjanna í
Afghanistan
voru haldin mótmæli við sovéska
sendiráðið í Garðarstræti. Voru
þau vel sótt. Mótmælendur
stóðu utan við sendiráðið í um hálftíma áður en formaður
Heimdallar og Stefán Kalmansson knúðu dyra og tóku sendiherrann tali.
Rauða bókin –
leyniskýrslur SÍA var endurútgefin.
Ritið var upphaflega gefið út 1963 en seldist upp.
Var því ákveðið að ráðast í endurútgáfu bókarinnar.
Starfsárið
1985-1986
Aðalfundur
Heimdallar var haldinn 21. september 1985.
Á honum var Þór Sigfússon einn í framboði til formanns og var
hann því sjálfkjörinn. Stjórnin
setti sér þau markmið að stuðla að sigri Sjálfstæðisflokksins í
borgarstjórnarkosningum, efla starf félagsins í skólum og auka pólitíska
umfjöllun.
Hinn ágæti maður
S. Hermannsson
var gestur á kvöldverðarfundi þar
sem rætt var um menntamál. Á
öðrum kvöldverðarfundi var Markús Örn Antonsson gestur og ræddi
hann við Heimdellinga um Ríkisútvarpið.
Eyjólfur Konráð
Jónsson (Eykon) var valinn þingmaður ársins af Heimdalli og var honum
afhentur farandbikar af því tilefni að viðstöddu fjölmenni.
Gefinn var út
nokkur fjöldi smellinna dreifirita. Má
þar nefna „Veðsetning framtíðar ungs fólks hjá erlendum bankastjórum”
og „Frá stuttbuxnadeildinni”. Þá
kom út dreifiritið „
Afghanistan
– Sovésku friður á jólum” rétt
fyrir jólin en Sovétríkin réðust á
Afghanistan
um jól.
Undirbúin var útgáfa fimmta stjórnmálarits Heimdallar og
skyldi það innihalda ritgerð Geirs Hallgrímssonar.
Fyrir borgarstjórnarkosningarnar
1986 var starf Heimdallar afar öflugt.
Gerð var skoðanakönnun þar sem í ljós kom að húsnæðismál
brunnu heitar á ungu fólki en önnur mál.
Alþýðublaðið misskildi tilgang skoðanakönnunarinnar og taldi
Heimdall vera að stunda persónunjósnir!
Var það ekki að undra þar sem blaðið var síst rómað fyrir
fagleg og vönduð vinnubrögð. Daginn
fyrir kjördag hengdu Heimdellingar miða á útidyrahurðir Reykvíkinga
á hverjum varað var við vinstriöflunum.
Einnig voru bílrúður þvegnar til þess að fólk kæmist hjá
því að láta vinstrimennina slá ryki í augu borgarbúa.
Nokkru fyrir kosningar skoraði æskulýðsdeild alþýðubandalagsins
á Heimdall að mæta til kappræðna undir yfirskriftinni: „félagshyggja
eða frjálshyggja”. Töldu
Heimdellingar réttara að ræða borgarmálin á fundinum enda stutt í
kosningar. Einnig vildu
ungkratar vera með á fundinum. Æskulýðsdeildin
átti erfitt með að gefa afgerandi svar en Heimdallur pantaði eigi að
síður Lækjartorg fyrir fundinn og undirbjó.
Enginn mætti en yfirlýsing barst frá æskulýðsdeildinni og
ungkrötum sem vildu meina að Heimdallur hefði gert allt til að af
fundinum yrði ekki!
Starfsárið
1986-1987
Þór Sigfússon
var sjálfkjörinn formaður Heimdallar á aðalfundi félagsins 1986.
Haldnir voru tveir kvöldverðarfundir þá um veturinn.
Á þeim fyrri var Jón Baldvin Hannibalsson formaður alþýðuflokksins
gestur og var hart deilt á hann. Annar
fundurinn var haldinn á Gauki á Stöng með Þorsteini Pálssyni.
Andlausir ungir framsóknarmenn héldu fund á sama stað í hádeginu
sama dag. Þótti það í
litlu samræmi við yfirskrift þings ungra framsóknarmann „afl nýrra
tíma” að stela hugmyndum Heimdellinga.
Ólafi G.
Einarssyni formanni þingflokks Sjálfstæðismanna voru afhent innrömmuð
skilaboð þar sem þingmenn eru hvattir til að einkavæða nánar
tilgreind fyrirtæki. Var gert
munnlegt samkomulag um að myndina mætti ekki taka niður fyrr en öll
fyrirtækin hefðu verið seld.
Þorsteinn Pálsson
hlaut hinn eftirsóknarverða titil þingmaður ársins.
Vakti verðlaunaafhendingin verðskuldaða athygli og Sigmund gerði
henni góð skil auk þess sem Dagfari DV sneri út úr öllu saman.
Heimdallur átti
60 ára afmæli 16. febrúar 1986 og var því haldin vegleg hátíð á Hótel
Borg. Gullmerki Heimdallar
fengu þeir Jón Magnússon, Kjartan Gunnarsson, Pétur Rafnsson, Árni
Sigfússon, Sigurbjörn Magnússon og Björn Hermannsson.
Morgunblaðið bauð félaginu kálf í blaðinu af þessu tilefni
og sáu þeri Sveinn Andri Sveinsson, Andrés Magnússon og Steingrímur
Sigurgeirsson um hann.
Starfsárið
1987-1988
Aðalfundur var
haldinn 12. september, um 65 félagsmenn sóttu fundinn. Ólafur Þ.
Stephensen, blaðamaður á Morgunblaðinu og framkvæmdastjóri SUS, var
einn í framboði til formanns félagsins og var því sjálfkjörinn. Stjórnin
hélt 27 bókaða stjórnarfundi á árinu og fjóra vinnufundi. Stjórnarmenn
voru nokkrum sinnum með viðverutíma í Valhöll, þar sem félagsmenn gátu
leitað til þeirra. Heimdellingar höfðu forystu um að tveir
sameiginlegir stjórnarfundir félaga ungra sjálfstæðismanna á höfuðborgarsvæðinu
voru haldnir á starfsárinu. Snemma í mars var haldinn sameiginlegur
fundur með Ásum, klúbbi ungra sjálfstæðismanna utan af landi á höfuðborgarsvæðinu.
Haldinn var fundur með Júlíusi Sólnes, varaformanni Borgaraflokksins,
og var þetta fyrsti opinberi fundur sjálfstæðismanna með
borgaraflokksmönnum eftir að þeir síðastnefndu klufu sig úr Sjálfstæðisflokknum.
Fundurinn bar yfirskriftina “Hvað skilur Sjálfstæðisflokkinn og
Borgaraflokkinn?”. Þorsteinn Pálsson, formaður Sjálfstæðisflokksins,
kom á fund undir yfirskriftinni “Sjálfstæðisflokkur í stjórnarandstöðu”
12. október.
Starf skólanefndar
Heimdallar var kröftugt. Nefndin gekkst fyrir fundum, námskeiðum og útgáfu
og hélt úti tengiliðakerfi í nánast öllum framhaldsskólum á höfuðborgarsvæðinu.
Tvö tölublöð af framhaldsskólablaði Heimdallar, Nýjum skóla, komu
út á starfsárinu. Auk Nýs skóla gaf skólanefndin út og dreifði
tveimur stjórnmálabæklingum í framhaldsskólana, þar sem sá háttur
var hafður á að fjalla um stefnu Heimdallar í ákveðnum málaflokkum
og um leið voru auglýstir fundir á vegum félagsins um þessi mál. Í
nóvember var haldið utanríkismálanámskeið skólanefndar.
Sex opin hús voru haldin á starfsárinu.
Í tengslum við
utanríkismálanámskeið var farið í dagsferð í varnarstöðina á
Keflavíkurflugvelli.. Það var ekki eina ferðin sem farin var í en
Heimdellingar voru ferðaglaðir starfsárið 1987-1988.
Farið var í sumarferð í Þórsmörk ásamt félögum ungra sjálfstæðismanna
í nærsveitum Reykjavíkur. Jólaskemmtun
f.u.s. í Rvk. var haldin í desember. Margir félagsmenn völdust til
utanferða á vegum SUS, Varðbergs eða annarra félagasamtaka. Farið
var í skógræktarferð í skógreit Heimdallar í Heiðmörk.
Fimmta ritið í
stjórnmálaritröð Heimdallar kom út á starfsárinu og bar það heitið
“Auðstjórn almennings” og er helgað einkavæðingu. Skömmu fyrir jól
var gefinn út bæklingur, þar sem deilt var á hernám og grimmdarverk
Sovétmanna í Afganistan – og afstöðu íslenskra stjórnmálamanna.
Dagbók með merki Heimdallar og nafni eiganda var gefin út fyrir áramót.
Félagið gaf út veggspjald með mynd af Ólafi Ragnari Grímssyni,
formanni Alþýðubandalagsins, með fyrirsögninni “Myndir þú kaupa
notaðan bíl af þessum manni?”.
Þorsteinn Pálsson
var sæmdur gullmerki félagsins í tilefni af fertugsafmæli hans. Matthías
Á. Mathiesen var valinn þingmaður ársins. Stjórnarfundur Heimdallar
ályktaði 16. ágúst 1988 um niðurskurð ríkisútgjalda í stað
skattheimtu. 1. febrúar var samþykkt ályktun á stjórnarfundi þar sem
Heimdallur mótmælti framleiðslustjórnun.
Starfsárið
1988-1989
Þann 15. október
var aðalfundur haldinn. 471 félagsmaður mætti á hann. Barátta um
formannssætið fór fram í félaginu í fyrsta sinn í 7 ár. Formaður
félagsins mælti fyrir drögum að stjórnmálaályktun, sem samþykkt
var samhljóða án breytinga. Formaður var endurkjörinn Ólafur Þ.
Stephensen. Einn sameiginlegur stjórnarfundur var haldinn með félögunum
á höfuðborgarsvæðinu, en þrír með stjórn Ása.
Tuttugu opnir málefnafundir
voru haldnir á vegum félagsins á starfsárinu. Þar á meðal voru
borgarmálafundir, utanríkismálafundir og fundur þar sem inngöngunnar
í NATO var minnzt. Týr, U-nefnd SUS og Heimdallur ákváðu að efna til
mótmælastöðu við kínverska sendiráðið er uppvíst varð um fjöldamorð
kommúnistahersveita í Rauða Kína á óbreyttum borgurum.
Þá stóð
Heimdallur fyrir kappræðufundi Þorsteins Pálssonar og Steingríms
Hermannssonar á Hótel borg, og fundi um varaflugvallarmálið, þar sem
Jón Baldvin Hannibalsson og nokkrir þingmenn sjálfstæðismanna töluðu.
Haldinn var fundur í samvinnu við Æsi undir yfirskriftinni “Þarf að
brjóta upp kjördæmaskipanina?”. Halldór Blöndal og Hannes Hólmsteinn
Gissurarson höfðu framsögu. Jóhanna
Vilhjálmsdóttir stjórnarmaður stýrði skólastarfi Heimdallar. Enn
sem fyrr var haldið úti öflugu tengiliðakerfi í skólunum.
Birt var opnuauglýsing
í Morgunblaðinu undir fyrirsögninni “Ríkisstjórnin yfir á rauðu
ljósi”. Gefið var út veggspjald “Berjum í siðferðisbrestina”
þar sem álit almennings á siðferði forystumanna stjórnarflokkanna er
sýnt á súluriti. Fyrsta ferð
starfsársins var skemmtisigling út í Viðey í októberlok. Þrjátíu
og fimm félagsmenn nutu leiðsagnar sr. Þóris Stephensen staðarhalda
um eyna. Stórviðburður á starfsárinu var hópferð Heimdallar til
Lundúna um mánaðarmót nóvember og desember. Um sjötíu félagsmenn
slógust í förina. Heimdellingar höfðu boðað komu sína á 60 ára
afmæli Varðar, félags ungra sjálfstæðismanna á Akureyri, en aðeins
tveir komust norður og var þar um að kenna stórhríð. Heimdallur tók
virkan þátt í uppgræðsluátaki SUS í sumar og holaði niður nokkur
þúsund plöntum. Um miðjan júní var farið í gróðursetningarferð.
Heimdellingar tóku
sem fyrr þátt í alþjóðasamskiptum SUS. Ólafur Þ. Stephensen, formaður
félagsins, var í júní kjörinn varaforseti samtaka ungra íhaldsmanna
á Norðurlöndum, NUU. Geir
H. Haarde, þingmaður Reykvíkinga var heiðraður með titlinum “Þingmaður
ársins” á fundi 14. september. Honum var afhentur farandbikar sem
titlinum fylgir.
Starfsárið 1989-1990
Tveir menn sóttust eftir kjöri sem formenn Heimdallar á aðalfundi 1989,
þeir Sveinn Andri Sveinsson og Birgir Ármannsson.
Bar Birgir sigur úr bítum. Nokkuð
var deilt um stjórnmálaályktun félagsins.
Helgaðist það af misjafnri afstöðu fundargesta til Evrópubandalagsins.
Á starfsárinu var tekinn upp fastur viðverutími stjórnar og
komu fjölmargir félagsmenn í heimsókn til stjórnarmanna á milli 16
og 17 virka daga. Þingmaður
ársins var valinn af Heimdalli og hlaut Friðrik Klemenz Sophusson
titilinn þetta árið.
Haldnar voru fjölmargar veislur þá um veturinn.
Haldið var jólaknall, þorrablót og árshátíð Heimdallar.
Opið hús var haldið í kjallar félagsins mánaðarlega.
Þá voru haldnir nokkrir spennandi fundir.
Má helst nefna fund um félagafrelsi og fund um hraun sósíalismans
í A-Evrópu. Varnarliðið
var heimsótt á árinu og einnig starfrækt sérstök utanríkismálanefnda.
Gjallarhorn var gefið út svo sem verið hafði og Nýr skóli var gefinn
út en útgáfa þess hafði legið niðri
Á árinu voru haldnar borgarstjórnarkosningar. Var
af því tilefni stofnaður sérstakur borgarmálahópur.
Þótti starfsemi hans takast með ágætum og hélt hann m.a.
nokkra fundi og gaf út bækling. Fyrir
kosningarnar var gefið út ritið Blátt áfram í Reykjavík sem
fjallaði um þau málefni sem tengdust ungu fólki.
Barmmerki og límmiðar voru útbúnir ásamt veggspjöldum.
Þá voru framleiddir tópaspakkar með mynd af manni sem var við
það að fremja hina sívinsælu aðgerð; kjósa Sjálfstæðisflokkinn.
Fyrir kosningarnar var einnig útbúin púsluspil, eitt sem myndaði
fallegt D en annað rautt sem ekki mátti púsla saman en hið sama á
einmitt við um vinstriöflin.
Starfsárið
1990-1991
Birgir Ármannsson
var sjálfkjörinn til áframhaldandi formennsku í Heimdalli á aðalfundi
félagsins 12. september 1990. Starfsárið
stjórnarinnar hófst á opnu húsi sem var afar vel sótt og glatt á
hjalla eins og jafnan þegar Heimdellingar koma saman.
Haldinn var fundur
um húsnæðismál síðar í september með þeim Þórhalli Jósepssyni
og Geir Hilmari Haarde. Tom G.
Palmer frá Institute for Human Studies kom og ræddi við Heimdellinga um
sókn frjálshyggjunar í Mið- og Austur-Evrópu.
Þá fjallaði Andrés Magnússon um ástandið við Persaflóa á
einum funda félagsins þá um haustið.
Hann var síðar meðal frummælanda á fundi um flóabardaga.
Ýmsir aðrir fundir voru haldnir á vegum Heimdallar auk þess sem
landsfundur Sjálfstæðisflokksins fór fram á starfsárinu.
Prófkjör var
haldið 26. og 27. október og tóku Heimdellingar virkann þátt í því.
Meðal annars spurðu þau alla frambjóðendurna tólf
beinskeittra spurninga og gáfu út í tímariti.
Þá voru haldnir fundir með ungum frambjóðendum í prófkjörinu,
þeim Hreini Loftssyni, Guðmundi Magnússyni og Ólafi Ísleifssyni.
Starfsárið 1991-1992
Birgir Ármannsson lét af störfum sem formaður Heimdallar á aðalfundi félagsins
1991 við góðan orðstý. Við
af honum tók Kjartan Magnússon.
Um veturinn voru haldnir fundir með ráðherrum ríkisstjórnar og voru þeir
margir mjög skemmtilegir. Var
mikið deilt á suma ráðherrana fyrir stjórnlyndi en öðrum hrósað
fyrir vel unnin störf. Einnig
voru haldnir margir almennir félagsfundir um hina ýmsu málaflokka svo
sem muninn á skattheimtu og arðráni og sjávarútvegsstefnu Norðmanna.
Birgir Ármannsson stjórnaði stefnuskrárnefnd á árinu.
Fundaði hún oft og var tekist á um ýmis atriði.
Einnig var gerð viðhorfskönnun á meðal félagsmanna en lokahönd
var lögð á stefnuna á almennum félagsfundi.
Utanríkismálanefnd var afar virk á starfsárinu og hélt fjölmarga
fundi. Þá var hinn hinn geðþekki
þingmaður Davíð Oddsson valinn þingmaður ársins vegna vasklegrar
framgöngu fyrstu mánuði hans á þingi.
Heimdallur átti 65 ára afmæli á árinu og var því haldin vegleg afmælishátíð
þar sem meðal annars fór fram spurningarkeppni á milli þingmanna og
borgarfulltrúa Sjálfstæðisflokksins og dansað var fram á nótt.
Voru Birgi Ármannssyni, Davíði Oddssyni, Friðriki Klemenz
Sophussyni, dr. Hannesi Gissurarsyni, Ólafi Þ. Stephenssen og Þór Sigfússyni
veitt gullmerki Heimdallur.
Starfsárið
1992-1993
Kjartan Magnússon
var endurkjörinn formaður Heimdallar með lófaklappi enda þekktur af góðu
einu meðal félagsmenna. Var
mjög góð mæting á fundinn. Daginn
eftir aðalfund Heimdallar var skundað á málefnaþing SUS í Neskaupstað.
Varð þar nokkur stefnubreyting í sjávarútvegsmálum frá því
sem verið hafði á 31. þingi SUS á Ísafirði.
Fundir voru haldnir á starfsárinu um sjávarútvegsmál, farmgjaldahækkanir
skipafélaga, ríkisfjármál og bandarísku forsetakosningarnar.
Þá spurðu Heimdellingar Má Guðmundson og Óla Björn Kárason
hvort rétt væri að leggja niður seðlabankann.
Voru afar fjörug skoðaskipti á þeim fundi.
Málefnastarf var allt með miklum blóma og voru fundarhöld afar
tíð og fundir almennt vel sóttir. Er
hér aðeins getið þeirra helstu sem Heimdallur stóð fyrir á starfsárinu.
Ferðahugar var í
Heimdellingum sem fóru á herstöðina á Keflavíkurflugvelli, í skógræktarferð,
heimsókn til Eyverja f.u.s. í Vestmanneyjum og í Þórsmörk 2.-4. júli.
Starfsárið 1993-1994
Þorsteinn Davíðsson var kjörinn formaður Heimdallar fyrir starfsárið.
Fyrsta verk stjórnar var að undirbúa þátttöku Heimdallar í
landsfundi Sjálfstæðisflokksins. Var
meðal annar gefinn út bæklingurinn Við erum allir jafnir eftir Jónas
Friðrik Jónsson og fjallaði hann um jöfnun atkvæðisréttar.
Þótti hann hafa mikil áhrif á stefnu flokksins í þessum málum.
Haldnar voru ráðstefnu um Ríkisútvarpið, ofbeldi í samfélaginu ásamt
því sem haldið var félagsmálanámskeið fyrir ungt fólk.
Heiðursgestur á árshátíð félagsins var Árni Sigfússon þá
nýsleginn borgarstjóri Reykjavíkur.
Kosningar til borgarstjórnar fóru fram þá um vorið og tók Heimdallur
þátt í baráttunni af kappi. Haldnir
voru vel sóttir tónleikar á Ingólfstorgi og útbúnir Ópal-pakkar með
boðskap félagsins. Var þeim
afar vel tekið. Gefinn var út
bæklingur fyrir kosingarnar í 30.000 eintökum.
Gróðurvinjar Heimdallar í Heiðmörk var vitjað og var það mat stjórnar
félagsins að ástand hennar væri með besta móti.
Starfsárið 1994-1995
Evrópumál og fóstureyðingar voru efst á baugi á aðalfundi Heimdallar
30. september 1994. Á þeim
fundi var Þórður Þórarinsson kjörinn formaður félagsins.
Töluvert var um almenna félagsfundi á starfsárinu.
Haldinn var fundur með Friðriki Sophussyni um
fjárlagafrumvarpið og framtíðarsýn í ríkisfjármálum.
Vegna prófkjörs fyrir alþingiskosningar 1995 var haldinn fundur
með ungum frambjóðendum. Þótti
hann mjög líflegur. Hvort
ríkisafskipti væru nauðsynlegt vopn í jafnréttisbaráttu var viðfang
fundar Heimadallar 27. október og voru frummælendur Þórunn
Sveinbjarnardóttir starfmaður Kvennalistans og Elsa B. Valsdóttir
ritari Heimdallar. Ýmis
aðrir fundir voru haldnir um margvísleg málefni svo sem menntamál,
utanríkismál og atvinnumál.
Kosningar fóru fram vorið 1995 og starfrækti Heimdallur sérstaka
kosningamiðstöð. Var gefinn
út sérstakur bæklingur svo sem oft áður og honum dreift víða.
Gerði félagið einnig símhringiátak og hringdi í fjölmarga
unga kjósendur. Nóttina
fyrir kjördag hengdi Heimdallur skilti á alla hurðarhúna í Reykjavík
á hverjum stóð: Ónáðið ekki og varað var við vinstriöflunum.
Á hinni hliðinni voru útlistaðir kostir þess að kjósa
Sjálfstæðisflokkinn.
Skattadagur Heimdallar var haldinn í fyrsta skipti og bar hann upp 10.
júní en hlutfall útgjalda hins opinbera og iðgjöld lífeyrissjóða
af vergri landsframleiðslu var 43,8%
Vakti dagurinn verðskuldaði athygli en á skattadeginum var
meðal annars dreift bæklingum víða um borg og jafnvel úti á landi.
Að vanda var töluvert um skemmtanir á vegum félagsins að ógleymdri
hinni sívinsælu skógræktarferð í reit félagsins í Heiðmörk.
Þá var valinn þingmaður ársins 1994 og hlaut Lára Margrét
Ragnarsdóttir titillinn fyrir að standa ein gegn upptöku
tilvísanakerfis í heilbrigðiskerfinu.
Evrópumál og fóstureyðingar voru efst á baugi á aðalfundi Heimdallar
30. september 1994. Á þeim
fundi var Þórður Þórarinsson kjörinn formaður félagsins.
Töluvert var um almenna félagsfundi á starfsárinu.
Haldinn var fundur með Friðriki Sophussyni um fjárlagafrumvarpið
og framtíðarsýn í ríkisfjármálum.
Vegna prófkjörs fyrir alþingiskosningar 1995 var haldinn fundur
með ungum frambjóðendum. Þótti
hann mjög líflegur. Hvort ríkisafskipti
væru nauðsynlegt vopn í jafnréttisbaráttu var viðfang fundar
Heimadallar 27. október og voru frummælendur Þórunn Sveinbjarnardóttir
starfmaður Kvennalistans og Elsa B. Valsdóttir ritari Heimdallar.
Ýmis aðrir fundir voru haldnir um margvísleg málefni svo sem
menntamál, utanríkismál og atvinnumál.
Kosningar fóru fram vorið 1995 og starfrækti Heimdallur sérstaka
kosningamiðstöð. Var gefinn
út sérstakur bæklingur svo sem oft áður og honum dreift víða.
Gerði félagið einnig símhringiátak og hringdi í fjölmarga
unga kjósendur. Nóttina
fyrir kjördag hengdi Heimdallur skilti á alla hurðarhúna í Reykjavík
á hverjum stóð: Ónáðið ekki og varað var við vinstriöflunum.
Á hinni hliðinni voru útlistaðir kostir þess að kjósa Sjálfstæðisflokkinn.
Skattadagur Heimdallar var haldinn í fyrsta skipti og bar hann upp 10. júní
en hlutfall útgjalda hins opinbera og iðgjöld lífeyrissjóða af
vergri landsframleiðslu var 43,8% Vakti
dagurinn verðskuldaði athygli en á skattadeginum var meðal annars
dreift bæklingum víða um borg og jafnvel úti á landi.
Að vanda var töluvert um skemmtanir á vegum félagsins að ógleymdri
hinni sívinsælu skógræktarferð í reit félagsins í Heiðmörk.
Þá var valinn þingmaður ársins 1994 og hlaut Lára Margrét
Ragnarsdóttir titillinn fyrir að standa ein gegn upptöku tilvísanakerfis
í heilbrigðiskerfinu.
Starfsárið 1995-19
96
Alþýðublaðinu til nokkurrar gremju var Glúmur Jón Björnsson kjörinn
formaður Heimdallar á aðalfundi 1995.
Á þeim fundi var einnig nokkuð rætt um skattamál hjóna og aðild
að ESB við útbúning stjórnmálaályktunar fundarins.
Tekið var uppá þeirri nýbreytnir að halda bókhald yfir mætingu
stjórnarmanna yfir starfsárið. Er
skemmst frá því að segja að flestir mættu á u.þ.b. 9 af hverjum 10
stjórnarfundum.
Haldnir voru fjölmargir almennir félagsfundir.
Meðal annars voru haldnir fundir um sjávarútvegsmál vegna
undarlegra hugmynda einhvers nóbelsverðlaunahafa í hagfræði um veiðileyfagjald.
Þá var talað um borgarmál og Sameinuðu þjóðirnar á fundum
félagsins ásamt fleiru. Sendiherra
Bandaríkjanna bauð Heimdellingum í heimsókn og þáðu þeir boðið.
Samband Ungra Jafnaðarmann bauð Glúmi Jóni Björnssyni til
kappræðna á Sólon Íslandus í Bankastræti um hlutverk hins opinbera
í menningamálum. Urðu
margir annars ágætra félagsmanna SUJ nokkuð æstir á fundinum og mátti
á köflum vart heyra mannsins mál. Skríbentar
Alþýðublaðsins voru nokkuð óvinsamlegir gangvart formanni Heimdallar
nokkra daga á eftir. Sannleikanum
verður hver sárreiðastur.
Árshátíð var haldin á Þjóðleikhúskjallaranum þar sem Árni Johnsen
stjórnaði meðal annars fjöldasöng.
Farið var í skógræktarferði í Heiðmörk með tilheyrandi
grillveislu ásamt ýmsu öðru.
Ráðherrum ríkisstjórnar voru send bréf og þeir hvattir til breyta rétt
í starfi sínu. Voru þeir rækilega
minntir á sjónarmið Heimdallar. Heimadallur
útbjó niðurskurðartillögur sem afhentar voru forseta sameinaðs þings
Ólafi G. Einarssyni ásamt strokleðrum til þess að stroka mætti út
óþarfa fjárlagaliði og þá skatta sem óþarfir yrðu í kjölfarið.
Skattadagurinn var haldin í annað sinn og bar upp á 7. júní.
Starfsárið
1996-1997
Þann 13.
september 1996 fór aðalfundur Heimdallar fram á Hótel Sögu.
Elsa Björk Valsdóttir læknanemi og fráfarandi varaformaður var
kjörinn formaður Heimdallar. Strangar
aðhaldaðgerðir einkenndu starf stjórnarinnar.
„Á ríkið að
stunda sjoppurekstur?” var yfirskrift fyrsta almenna félagsfundar
Heimdallar sem haldinn var á Sólon Íslandus.
Taldi frummælandinn Vilhjálmur Egilsson að dagar ríkisrekinna
verslanna væru senn taldir. Jónas
H. Haralz og Pétur H. Blöndal voru gestir á öðrum fundi þar sem rætt
var um frjálshyggju og fátækt. Tveir
erlendir fræðimenn komu til landsins og héldu fundi með Heimdellingum.
Það voru þeir Julian Morris frá Institute for Economic Affairs
og Charles Evans starfsmaður Atlasstofnunarinnar.
Þóttu þær heimsóknir áhugaverðar og var vel tekið.
Þá kom Hannes Gissurarson prófessor í heimsókn og benti á
hvernig hugmyndir sameignarstefnunnar hefðu villst inn í sögubækur
framhaldsskólanna.
Skattadagur Heimdallar var haldinn hátíðlegur 3. júni sem var nokkur
framför. Ekki voru allir
Heimdellingar sáttir þar sem höfuðástæða þess að dagurinn færðist
fram var sú að einkaneysla hafði aukist meira en samneysla en dagurinn
er ákvarðaður út frá hlutfalli útgjalda ríkisins af vergri
landsframleiðslu. Þótti þeim
að rétt væri að koma í veg fyrir sífellda aukningu samneyslunnar.
Sjötíu ára afmæli Heimdallar var haldið hátíðlegt 17. febrúar
1997 í Þjóðleikhúskjallaranum. Gullmerki
Heimdallar hlutu þeir Kjartan Magnússon, Þorsteinn Davíðsson, Þórður
Þórarinsson og Glúmur Jón Björnsson.
Í afmælisgjöf fékk félagið meðal annars 70 ilmbjarkir frá
fulltrúaráði Sjálfstæðisflokksin í Reykjavík, klukku ein forláta
frá Hvöt og gestabók með útskorinn kápu.
Pétur H. Blöndal var valinn þingmaður ársins fyrir baráttu gegn
auknum ríkisumsvifum og fylgisspekt við hinn frjálsa markað.
Einnig voru gefin út fjögur Gjallarhorn stútfull af áhugaverðu
efni en fjárskortur stóð útgáfunni nokkuð fyrir þrifum.
Starfsárið
1997-1998
Illugi Gunnarson
hagfræðingur tók við af Elsu Björk Valsdóttur lækni á aðalfundi
Heimdallar 27. september 1997. Stjórn
félagsins setti sér strax það markmið að koma böndum á fjárhag félagsins.
Vaxtakostnaður félagsins var þá orðinn hærri en svo að við
mætti una. Settum markmiðum
í þessu sambandi var náð.
Haldnir voru margir spennandi almennir félagsfundir.
Á þeim fyrsta var leitað svara við spurningunni „eru veiðiheimildir
sameign þjóðarinnar?”. Einnig
var fundað um einkavæðingu ríkisbankanna og Póst & síma.
Haldinn var sérstakur fundur með ungum frambjóðendum vegna prófkjörs
fyrir borgarstjórnarkosingar. Á
hádegisverðafundi Heimdallar komu margir góðir gestir.
Þeirra á meðal Friðrik Klemenz Sophusson sem valinn var þingmaður
ársins af Heimdalli.
Skattadagur Heimdallar færðist fram og var því fagnað mjög.
Daginn bar upp á 29. maí. Hafði
dagurinn ekki verið haldinn jafn snemma frá því 1988.
Heimdallur stóð fyrir margvíslegum uppákomum vegna borgarstjórnarkosninganna
1998. Kosningamiðstöð félagsins
var í Nýja kökuhúsinu sem þá var við Austurvöll.
Þar var meðal annars boðið upp á súpu og brauð sem vinsælt
var að gæða sér á um leið og rætt var um kosningamálefnin.
Gefin voru út tvö blöð fyrir unga kjósendur ásamt því sem hönnuð
voru póstkort og barmmerki. Kvöldið
fyrir kosningarnar voru útitónleikar á Ingólfstorgi í mestu rigningu
ársins. Voru þeir vel sóttir
og tóku gegndrepa tónleikagestir því fagnandi að geta flúið veðurhaminn
og gætt sér á heitu kakó í kosingamiðstöðinni við Austurvöll.
Starfsárið
1999-2000
Það var Viggó
Örn Jónsson sem tók við sem formaður Heimdallar af Ingva Hrafni Óskarssyni.
Starfsemi stjórnarinnar yfir árið var óregluleg en félagið stóð
þó fyrir mörgum uppákomum sem vöktu heimsathygli á Íslandi.
Afnám hafta á
innflutning grænmetis er mál sem þokast hafði hægt og ákvað stjórn
Heimdallar því að reisa gróðurhús á Austurvelli.
Í því var ræktuð ein vesældarleg planta sem Sigurður Kjartan
Hilmarsson gaf félaginu í þessum tilgangi.
Þótti handverk Heimdellinga afbragð en höft á innflutning grænmetis
afleit.
Ríkisútvarpið
hefur verið þyrnir í augum ungra Sjálfstæðismann lengi.
Var ákveðið af þeim sökum að vekja athygli á litlum gæðum
stöðvarinnar í samanburði við hinar einkareknu.
Þá var útvarpsstjóra afhentur reikningur upp á eina og hálfa
milljón. Fylgdi rukkuninni hótun
um að loka stofnunni yrði reikningurinn ekki greiddur.
Fór svo að Heimdallur neyddist til að innsigla Ríkisútvarpið.
Tóku sumir starfsmenn þess það nærri sér.
Heimdallur hefur
jafnan barist fyrir vernd einkalífsins og gegn opinberri birtingu persónuupplýsinga.
Þegar til stóð að opinbera álagningarskrár á skrifstofu ríkisskattstjóra
ákvað Heimdallur að hlekkja sig við skrárnar og
varna
aðgangi að þeim til verndar einkalíf
Íslendinga. Andstæðingar
friðhelgi einkalífsins hreyttu ónotum í Heimdellinga en þeir létu sér
fátt um finnast enda vanir skilningsleysi forsjárhyggjuaflanna.
Starfsárið
2000-2001
Viggó Örn Jónsson
gaf ekki kost á sér til endurkjörs á aðalfundi Heimdallar árið
2000. Var Björgvin Guðmundsson
kosinn formaður Heimdallar á fundinum.
Á árinu var reynt að halda útgjöldum mjög í hófi en staða
félagsins var þá ekki beysin. Gísla
Haukssyni var falið embætti gjaldkera.
Heimasíða félagsins
Frelsi.is var endurnýjuð og opnuð af Hannesi Gissurarsyni á aðalfundi
félagsins. Náði heimasíðan
þegar töluverðum vinsældum. Konráð
Jónsson sá um að vefa síðuna í samráði við Björgvin Guðmundsson.
Þá kom út Gjallarhorn Heimdallar og var það sent öllum félagsmönnum.
Heimdallur fór
ofan í fjárlögin fyrir árið 2001 og reyndist þar margt óþarft.
Voru niðurskurðartillögur félagsins kynntar á heimasíðu þess
og dreift til alþingismanna. Fjárlaganefnd
hafnaði ósk Heimdallar um fund á þeirri forsendu að félög sem óskuðu
eftir fjármagni ættu að leita til félagsmálanefndar!
Félagsmenn Heimdallar æsktu þess að sjálfsögðu að komast á
fund nefndarinnar í því skyni að brýna fyrir þeim að fólkið í
landinu ætti peningina sem útdeilt væri og að nefndinni bæri að eyða
eins litlu og mögulegt væri.
Fundir voru
haldnir um borgarmál þar sem Inga Jóna Þórðardóttur oddviti Sjálfstæðisflokksins
í Reykjavík, Margeir Pétursson formaður stjórnar fulltrúaráðsins
í Reykjavík og Kjartan Magnússon borgarfulltrúi höfðu framsögu.
Einnig var haldinn opinn fundur í Valhöll um það hvort hagkvæmt
væri að virkja að Kárahnjúkum. Félagsmönnum
til mikillar furðu var formanni Heimdallar boðið að taka þátt í
pallborðsumræðum á aðalfundi samtaka herstöðvarandstæðinga.
Mætti hann nokkru skilningsleysi af hálfu herstöðvarandstæðinga.
Skattadagur
Heimdallar var haldinn hátíðlegur sumarið 2001.
Því miður bar hann upp á 15. júní.
Var haft á orði að um nokkra afturför væri að ræða.
Í tilefni af skattadeginum var boðað til blaðamannafundar á Vínbarnum.
Birtist heildsíðuauglýsing í Morgunblaðinu og var landsmönnum
tilkynnt á Rás 1 og Rás 2 að vinnu þeirra í þágu hins opinbera væri
lokið. Deginum lauk á Húsi
málarans þar sem veitingar voru seldar á „skattlausu” verði.
Þótti mungátin heldur bragðbetri fyrir vikið.
Söguvefur
Heimdallar var útbúinn þá um veturinn
Gísli Hauksson sá um að slá inn megnið af upplýsingunum ásamt
formanni félagsins. Var
vefurinn opnaður við hátíðlega athöfn á 74 ára afmæli félagsins
af Birni Bjarnasyni.
Starfsárið
2001-2002
Tveir voru í
framboði til formanns Heimdallar á aðalfundi 2001.
Andri Óttarsson bauð sig fram gegn Björgvini Guðmundssyni
sitjandi formanni. Fór svo að
Björgvin sigraði með nokkrum mun. Höfðu
aldrei jafn margir mætt á aðalfund Heimdallar og myndaðist töluverð
örtröð fyrir utan Valhöll.
Landsfundur Sjálfstæðisflokksin
var haldinn 11.-14. október og tóku stjórnarmenn Heimdallar og SUS höndum
saman í málefnavinnu fyrir fundinn.
Voru ungir Sjálfstæðismenn með bás á Landsfundinum þar sem
Heimdallar kom fyrir „risaskjá” svonefndum.
Varaformaður félagsins Haukur Örn Birgisson sá um útgáfu
tveggja gjallarhorna Heimdallar sem út komu á fundinum landsfundarfulltrúum
til ómældrar ánægju. Jón
Hákon Halldórsson sá um fyrir hönd Heimdellinga að skrifa fréttir á
vef flokksins af því sem fram fór og birta þar myndir.
Tókst þessi starfsemi öll mjög vel sem og málefnavinnan en félagsmenn
voru þó ekki sáttir við ályktun Landsfundar um menningarmál.
Fjárlögin voru
skorin niður eins og árið áður. Niðurstaðan
var að skera mætti niður ríkisútgjöld um 55,5 milljarða án þess að
borið væri niður í hinu svonefnda „velferðarkerfi”.
Enginn þingmaður þótti eiga titilinn þingmaður ársins skilið.
Hinn 15. febrúar
2002 varð Heimdallur 75 ára. Var
því öllum Heimdellingum boðið til veislu á Rex.
Davíð Oddsson forsætisráðherra var heiðursgestur og flutti ávarp.
Jóni Steinari Gunnlaugssyni var afhent gullmerki Heimdallar en
samstaða var um að Jón væri vel að því kominn.
Hannes Gissurarson brýndi Heimdellinga til áframhaldandi góðra
verka í ávarpi sem hann hélt. Þótti
afmælið afar vel heppnað
Heimdallur hafði
hvatt Björn Bjarnason til að bjóða sig fram til starfa fyrir Reykvíkinga
í borgarstjórnarkosningunum 2002. Fór
svo að hann gerði það. Í
sjálfri kosningabaráttunni ræstu Heimdellingar skuldaklukku R-listans
í Kringlunni og tifaði hún fram að kosingum landsmönnum til áminngar.
Skuldahalinn mætti í framtíðargöngu R-listans en var hrakinn
þaðan af æstum vinstri-skríl. Er
það ekkert nýtt að vinstri menn vilji ekki kannast við afkvæmin sín.
Bæklingur var gefinn út og 9 útvarpsauglýsingar útbúnar.
Er þá aðeins tæpt á því helsta sem félagið tók sér fyrir
hendur í kosningabaráttunni.
|